عزيزتى كل الى انتى تمرين فيه مريت فيه قبل بعد وفاة الوالد الله يرحمه
بس صدقينى الوالده فى هالفتره متوتره وخايفه عليكم حيل وخايفه ان يصير لها شيء لا سمح الله وجالسه تفكر وش بيصير فيكم من بعدها عشان كذا من زود حبها لكم تبي تزوجكم بسرعه
ادرى ان الوضع مو بسهل عليكم
لكن تحمليها مالك بهالدنيا بعدالله الا هى
الله ييسر امرك ويزقكم الزوج الصالح باذن الله

__________________

ايا من يدعي الفهم..الى كم يا أخ الوهم؟؟
تعبي الذنب والذم..وتخطي الخطأ الجم................
أما بان لك العيب؟؟أما انذرك الشيب؟وما فى نصحه ريب..
ولا سمعك قد صم..
أما نادى بك الموت؟؟أما أسمعك الصوت؟؟
أما تخشى من الفوت.فتحطات وتهتم!!!!!!!!!!!!!

اختي العزيزة عليك بالصبر واحتساب الاجر من الله سبحانه وتعالى وهذه امك ويجب عليك تحمل مايصدر منها فالله سبحانه وتعالى يقول ( اما يبلغن عندك الكبر ... ) فالواجب تحملهما عند الكبر وان شاء الله تفرج قريبا عليك وعلى اختك وتفرح والدتكن بكن وتشوف عيالكم
اختي عليك بكثرة الستغفار
اللهم ارزق اختي واختها وكل بنات المنتدى ازواجا صالحين عاجلا غير اجل
آميـــــــــــــــن

__________________
ربنا اجعلنا ممن نظرت اليهم فرحمتهم وسمعت دعاءهم فاجبتهم
يارب فرج همومنا وارزقنا فرحة تدمع منها اعيننا

زهـــــرة; شكراً على ردك وجزاك الله خير على دعاءك لنا.. اللهم آمين.. والله اني صابرة من زمان وانا أكثر واحدة متحملتها واخاف عليها وعلى صحتها والا باقي اخواني وخواتي محد سأل فيها ولا قال وش محتاجة أو وش مضايقها ولا يخافون على صحتها. والله اني مابي أتزوج ولا اشوف اني أصلح للزواج ومسؤولية الزواج خصوصاً في الوقت الحالي بس عشان خاطرها بتزوج اذا تقدم لي الرجل المناسب أو ممكن ابحث لنفسي عشان هي ترتاح وتريحنا.
أصلاً هي لو درت اني بعرض نفسي على خطابات أو موقع زواج بتزعل وتغضب علي بس ما في غير هالطريقة لأنها كل يوم تحسسنا اننا السبب في تأخر زواجنا.

نجود؛ مشكورة على الرد.. انا متحملتها والله، دايماً تسمعنا كلام يضيق الصدر بس نصبر على كلامها وحنتها اللي زادت هالسنة.
أمي ما كانت كذا، أحسها صايرة عجوز وكأنها واحدة في الثمانين من كثر حنتها وتذمرها. الله يعينا عليها ويصبرنا أكثر.

اولا ياهلا فيك سندريلا ويسعد صبااااااحك
ثانيا هونيها وتهون كثيييييييييير بنات بوضعك واولهم انا والحمدالله ربي فرجها وتزوجت
واني زي طريقة امك الله يخليهم لنا امي مريضة بمرض من قبل ماتولدني ودايم تقولي مازاد مرضي الا انت
ماعجزني بدري الا انت ونكدتي حياتي ومن هالكلام
امهاتنا يحبونا ومن كثر الضغط النفسي عندهم مايتحملون وينفجرون بوجهينا

وامك ترى الحمل عليها كبير لاتنسين وفاة الوالد الله يرحمه حست بالمسؤولية اكبر
لذلك اصبري وادعي ربك وتصدقي ترى الصدقة تدفع البلاء وعادي كلمي خطابات
ياما كلمنا وكلمنا
يعني ابذلي الاسباب وتوكلي على ربك ولاتنسين تبشرينا وتفرحينا معك لما يجي الفارس المنتظر:14:

__________________
اللهم لك الحمد والشكر
"ولئن شكرتم لأزيدنكم"