اهلا ملك..تأكدي حبيبتي انه كل اللي عم تسألي عنه انا مريت فيه السنة الفاتت(عمر ابني سنة وشهر)المهم انا كنت زيك اخاف انه مايشبع فكنت اعطيه رضعة وحدة بالليل صناعي عشان اساعده وينام كويس...بس لماصار عمره 4اشهر فطم حاله من هاي الرضعة(عرف طعم فمه)لانه كنت ممكن اعطيه هالرضعة ازا اطلعت في مكان صعب ارضعه مني..المهم من تجربتي حاولي كلي الاكل الملئ بالبروتين..جاج..لحمة ..مرقة خضار..والبيض مهم..وموغلط تأكلي قطعة حلو باليوم وحدة وعيك بالتمر لانه كتير منيح للحليب ..كل هدا الاكل بدسم الحليب فبصير ابنك يشبع وبترضعيه كل ساعتين وبتنظميه..
ومو مشكله ازا عطتيه اللهاية لانه الطفل بهالعمر ما بعرف غير يمص..فهداطبيعي.
هلألما تروحي عالدكتور شوفي شوبحكيلك عن وزن ابنك ازا كويس وبكبرخلص ضلك عحليبك وكلي الاشياء اللي حكيتها وكل مابكبر الطفل
بزيد حليبك حسب حاجة ابنك..مااتخافي كلنا كنا نحس انه حليبنا ما بشبع لكن ازا الولد بتبين عليه علامات الشبع بعد الرضعة فخلص بنتوكل على الله.
عفكرة الشي اللي خلاني اعطيه رضعة بالليل لانه ابني كا يجوع كتير واناكنت اتألم وانابرضع وابكي واستمر الالم لصار عمر ابني شهرين.
جرجرت كتير المهم اكون افدتك ياملك.
__________________
{اللهم أكرم اخواتي الغاليات عاشقات الامومة بالذرية المباركة والطيبة قريباً يارب}