نقل لمكانه الانسب

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

اخوي فيصل قرأت ردك..

الام موظفة.. واغلبية اماكن العمل ماتوفر دور حضانه.. فاكيد البنت بتصير عند جدتها.. واذا تحتك مع اطفال ذكور بتاخذ من طباعهم..

وهذا شئ عادي.. حتى الطفلة الوحيدة لاب وام غير منفصلين اذا كل اخوانها ذكور تاخذ طباعهم.. بس من تدخل المدرسة تتغير..


انت اصلا حاط براسك تاخذ البنت.. وتدور الاعذار.. ولا وجدت البدائل... ولا فكرت في هذي الام المسكينة.. ولا فكرت في هذي الطفلة.. وحسبت الامر انه زوجتك الان حليوه.. لكن
هل راح تستمر على هذي الحال كل السنين الباقية؟؟؟
هل اذا جابت بعد سنة سنتين طفل جديد راح تبقى كذا؟؟؟
هل راح تعوض بنتك مكان امها؟؟ (( خصوصا اذا عندك بنات )) راح تلاحظ بنتك اللي من زوجتك الثانية فرق الحنان بينهم..


تصرفك فيه ظلم لام بنتك وبنتك.. انهم تفرقهم عن بعض.. خصوصا انت اب وتعرف غلاة الضنى.. تخيل ابنك مأخوذ منك ومحطوط عن رجال غيرك بالاضافة الى عيالها.. وانت وحيد..

انت رجل فيك تتزوج وتنجب.. بس المرأة مو على كيفها تتزوج وتجنب.. وهي مطلقة.. ومحرومه من طفلها..


اخوي بنتك حلها سهل جدا.. دخل بنتك للروضة.. وراح تلااحظ شلون تتغير.. راح تكون اكثر وقتها مع بنات.. ومن ترجع تنام مع امها..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء

والله مدري شقول لو انك قريتي كل ردودي على الأخوان

والأخوات كان فهمتي اصل المشكله.... ويكون بعلمك مو كل الأمهات مثل بعض فيهن

الحنونه الي تموت بضناها وفيهن الي تقطهم ولا تسأل عنهم وكثير نسمع قصص

وحكايات..... ويكون بعلمك ان فيه كثير اباء يعلم الله انهم افضل بكثير من الأمهات

وفي كثير زوجات اباء صاروا امهات واهتموا بأبناء ازواجهم عندما تخلت عنهم امهاتهم وهذا شي انا اعرفه لأنه فيه من جماعتنا حصل معهم هالشي.

كلامك انا اعرف قصده لأنك فاهمه اي بس اختلق الأعذار علشان اخذ بنتي!!!!!

وجوابي لك عند مين اختلق الأعذار عند اعضاء هالمنتدى وش بيدهم اصلا هم من يقرروا

اني اخذ بنتي او اتركها؟؟؟؟؟

على العموم ما يعلم بالنيات الا رب العالمين ولا يحس بالنار الا واطيها

بالنسبه لبنتي من سنتين وانا كل شهر اخذها عندي يوم ويومين واحيانا اسبوع

بعد الواسطات طبعا وطلعت الروح..... ويعلم الله انها صارت تنادي زوجتي بأمي

واذا جيت ارجعها لأمها ترفض وتصيح وتقول ما ابغى اروح وتخاطب امها بأسمها

ويكون بعلمك انها تكره امها والسبب الأهمال الشديد وعدم الرعاية والحنان

واذا فقدت هالأشياء ماذا يبقى للام من اسم وعنوان.... يعني انا ولدتها وبس

تحياتي لك

اعانك الله يا اخي
بس اخاف ان اخدتها عندك تلقى اهمال اكثر وتمييز ما بينها وبين اخوانها
ع الاقل هي عند امها لوحدها مافي غيرها
لكن عندك اخاف ان زوجتك ما تعتني فيها...ما ادري بس انا احس ان مهما كان تبقى زوجة الاب غير عن الام

وانت مارح تكون في البيت 24 ساعة ومممكن تحصل اشياء ماتدري عنها...
استخير الله وان شاء الله ربي ييسر لك...

__________________

السلام عليكم ورحمه الله وبركاته,,,

هذه نتائج الطلاق والضحيه هم الابناء,, اخي الفاضل احس بما تعانيه من الم علي فلذه كبدك وانت استنفذت جميع الطرق من لفت انتباه الام علي الاخطاء التي وقعت فيها ,,,

استخر الله واخذ ابنتك فلن يعوضها احد غيرك ولكن اجعل هناك فتره تجربه لها ولزوجتك فطفلتك ستحتاج لامها لو بعدت عنها فتره طويله ,,,وزوجتك ربما لن تتحملها وهي ام لطفلين وعندها مسئوليات اخري..

اعانك الله والهمك الطريق الصحيح..

بارك الله فيك اختي.... بالنسبه لزوجتي انا متطمن لها جدا ومتأكد انها بتعتني فيها اكثر مني

بالنسبه لي انا اذا قررت اخذها اكيد اني ما رايح احرمها من امها وبخليها تزورها كل فتره وفتره

والله يكتب الي فيه الخير

انا عندي اقتراح انت دخلها بروضه وهي عند امها وكلم امها تعتني بها ونبها انها اذا ما اعتنت بها راح تاخذها وجرب ماراح تخسر هذي بنتك لازم تضحي علشانها

اهمال البنت من قبل والدتها وكون النساء وسوالفهم فقعت قلبي وصرت أعرف لمكايدهم بقولك طليقتك ليش تسوي كذا
السبب واضح وهو شوفوا ياناس أنا ماتركته من فراغ أنا تركته من بخله وهذه بنته نفقتها عليه شوفوا كيف هو مقصر عليها ومو مهتم فيها بالعربي تبي تركبك الغلط ونصيحتي لك كالآتي:
خذ البنت للتسوق واشتر لها جميع احتياجتها من ملابس للخروج وملابس بيت(بيجاما)..
والمصروف حطه على قد احتياجات بنتك..
لو بنتك مالبست الملابس اللي جبتها لها ساعتها حط حد للموضوع وخير أمها اذا ماهي قادره على الأهتمام بها وتربيتها فمن الأولى تعيش البنت معك وياليت تستشير دكتور نفسي أطفال لأجل مصلحه البنت أولا وأخيرا وماتتعب نفسيتها بعدين وأمها مو متزوجه فأيش عذرها في هالتقصير..؟
أتمنى لك كل ماهو أجمل بالوجود..في رعايه الله

__________________
كل الشكر والتقدير للمجموعه السعوديه لدعم مرضى الصلب المشقوق على ثقتهم بي وأتمنى للحمله النجاح كما الرياض (احتواء،لأننانحبهم نحتويهم)

هلا فيك..... اقسم بالله اقتراحك هذا جربته

ومن سنه ونصف وانا كل شهر اخذها يوم واتسوق لها احلا الملابس ماركات وكل شي مو بس

ملا بس يعلم الله اني اشتري لها ادوات الأستحمام وحتى الفرشه والمعجون وكل شي يخص الطفل....

لكن للاسف الملابس مدري وين تروح تختفي وكل ما شفتها بالصدفه او شافها احد من الي اعرفهم

شافها بوضع ثاني وملابس مدري من وين جايبتها والي يشووف حالها يستغرب....

وانا بصراحه استغرب ليش يسوون كذا ؟؟؟؟؟

أخي

أنصحك بعدم التسرع و أيضاً أنصحك بعدم التهاون في الأمر

ابحث عن مصلحة ابنتك (مؤدياً ما أوجبه الله عليك تجاهها)

في ضوء ما سبق
افعل ما تراه مناسباً
فأنت صاحب المشكلة و أنت تراها بشكل أوضح منا

وفقك الله و حفظ ابنتك من كل سوء و أصلح حالكم

__________________
سبحان الله و الحمد لله و لا حول و لا قوة إلا بالله
.

رغم كل الصعوبات ... استمتع بجمال الحياة ...

::