متزوجه من 4 سنين و مو مستوعبه ان اللي بينك و بينه هو العناااد و المناطح ..

اكبر غلط ان الزوجه تحط راسها براس زوجها و تعانده و تتحداه اكيد هذه هي النتيجه .. الطلاق ..

يعني المعادله سهله جدا حتى الطفل يعرفها .. عناد + عناد = حياه جحيم و من ثم طلاق ..

واذا ما طلقك راح يتزوج عليك ..



هذا الشي مؤشر خطير على تدهور الحياه بينكم كيف ما حاولتي تعالجي هذا الامر الخطير .. كيف خليتي

الموضوع يزداد سوء و انت تتفرجي على انفسكم و انتوا تغرقون ؟؟ ليش ما حاولتي تتكلمي مع زوجك ؟؟

بعدين انت ارتكبتي اكبر غلط و هذا يثبت عنادك و قلة تدبيرك و عدم ادراكك لعواقب الامور ..هذه عمله تعملينها..


انت اللي طيرتي زوجك من بين يدك .. يتصل عليك و يقول لك بجي اخذك و ترفضين ؟؟؟؟ كيف تفكرين

انت ؟؟ و كيف اهلك وافقوا على تصرفك هذا ؟؟؟ هذا نتيجه العناد ... هذه هي القشه اللي قصمت

حياتكم و انتهت بالطلاق ..



كل هذه الاغلاط و لا حسيتي انك تدمري حياتك ؟؟ عجبي والله من تفكيرك !!!!!

من وجهة نظري انك توسطي شخص حكيم يقدر يأثر على زوجك عشان تتفاهموا مع بعض من اجل ابنكم

بعدين انتوا الاثنين محتاجين لتحليل شخصياتكم عشان تعرفوا كيف تتفاهموا مع بعض ..