يا ليت زوجتي تقرأ هالكلام الزين منك ياوسن

يقولون أغلب النساء أن الزواج من الأخرى مافية مشكلة أهم شي العدل -
وإذا تزوجت الثانية قالوا طلقني--

__________________
عبـــد الرحمـــــــن
الله لايحرمني منك يا عسى عمرك طويل ياللي كلّ الناس عندي ما يساويهاا غلاتك
((دنيا القوي فيها حكم خان المبادئ والقيم لو يدري أن الله وراه مايووووم في عمرهـ ظلم))

اعتقد انه من غير المنطقي ان تفتحي على نفسك باب لا تعلمين هل يأتيك منه خير او شر ,,,
كما انه من الممكن يتسرب الى زوجك شك بانك لا تغيري عليه و لا تحبينه و تريدين التخلص منه ..
الأفضل ان تتركي زوجك يتوصل الى هذا القرار بنفسه ,,
و قبل كل هذا عليك مراجعة نفسك و تجديد نفسك داخلياً و خارجياً فالرجل يحب المرأة المتجددة التي تجدد حياته و تزرع الفرحة و السعادة فيها.

الله يسره لك

ما اقول الا ياحظ زوجك فيك والله يسعدكم ويخليه لك ان شاء الله . بس بصراحه انتي غلطانه 100% كيف انتي الي تقنعينه او تخطبين له اليوم تقولين هذا الكلام بس لم يتزوج واحده مثل اكثر البنات تعرفين ان قرارك هو اغباء قرار في الدنيا لأن الزوجه الجديده بتحاول تكره زوجك فيك وبتجيب لك مشاكل انتي في غنى عنها صح بعض الرجال يحبون الزواج وطاريه بس اذا جد الموضوع ما فيهم صامل يعني لو اقولك ان كل الرجال تخطر على بالهم الزواج بس هم يعرفون مشاكله وارتباطاته الماليه والمعنويه لذا بس يحبونه بالكلام ونصيحه انسي هذا التفكير وخليك مثل كل البنات كل شيء الا تروح مع حرمه غيري.

ما ازيد على كلام اخواتي الي كفوا ووفوا الا بنصائح قليله.....
1- غيري في شكلك نوعية ملابسك واسلوب كلامك وطريقة ضحكك بحيث تكون كلها هدوء ودلع ..
2- شوفي زوجك ايش يحب وتفنني فيه مثلا لوكان يحب الاكل حاولي بين فترة والثانيه تسوين له اكل غير وتتفننين في طريقة تقديمه ولو كان يحب المفاجات سوي له حفلات بين فترة والثانيه وما اكثر من محلات ابو ريالين تلاقين عندهم كل ماتحتاجينه باقل تكلفه ماليه من شموع وقلوب وووو.....

3- شوفي الاشياء الي مايحبها وابعدي عنها حتى لو هي بالكلام ...

4- افتحي النت ودوري على افكار زوجية ممكن تفاجئينه فيها مثل الاسابيع الي يعملونها يعني اسبوع او يوم مصري من الاكل الى اللبس الى الكلام تري الرجال يحبون هالحركات او زيني غرفة النوم بورد او دورة المياة وانتي بكرامه المهم شغلي عقلك واكيد راح تطلع معك افكار جميلة

5- غيري من ترتيب البيت يعني ضعي شي مكان شي حسسيه انك مهتمة بالبيت وابارضاءه

6- اتبعي نصيحة الام الي قالت لبنتها يوم زواجها كوني له امة يكون لك عبد .........

اخيرا لا تخربين بيتك بيدك وتجيبين لك ضرة تشاركك في زوجك وفي كل تفاصيل حياته لو تحبينه صحيح حاولي تسعدينه لكن مو بتزويجه حبيبتي لا يكون على حساب سعادتك وراحة بالك واتعبي معاه الحين شوي احسن من انك تتعبين باقي عمرك مع ضرة ماتعرفين كيف بتكون اخلاقها معاك....

اتمنى لك التوفيق والسعاده ولا تنسين الدعـــــــــــــــــــاء ان ربي يحفظ لك زوجك وبيتك وعيالك

ياقلبي عليييييك ياقموره ... ربي يديم عليكم المحبة يارب و يحفطكم و اولادكم من كل شر

و ربي يجعلك اجمل الجميلات بعيونه و ملكة قلبه الوحيدة ... قولي امين

شوفي حبيبتي .. الاعضاء اللي سبقوني كفو ووفوا ماشاء الله ..

كلامك نابع من حبك له ... لكن صدقيني اذا زوجتيه راح تبكي لانك زوجتيه بيدك مو هو اللي طلب و اصر ..

اهم شي اعملي اللي عليك .. دللليه .. و دلعيه و اهتمي فيه و بنفسك و اطفالك و بيبتك و عيشي حياتك

و اذا بعد ذلك هو اصر و لاقى في نفسه الاستعداد النفسي و المادي خلااص هو حر ..

حبيبتي ان شاء الله النصائح االتالية تفيدك ...

**الدعاء ثم الدعاء ثم الدعاء انه ربي يجملك بعيونه و يستر عنه عيوبك و يستر عنك عيوبه

** طبعا ماشاء الله عليك مو مقصرة بالاهتمام بيبتك و اطفالك و اكله و شربه و لبسه

فا اللي محتاجاه الان هو الاهتمام اكثر بنفسك .. شوفي اهتماماته و ركزي عليها اذا يحب السياسة

طالعي اخبار ... اذا مهتم بالاقتصاد او بالرياضة اهتمي معاه...

**اطلعي السوق و اشتري اشياء جديدة .. لبس للبيت و للطلعه و للسهره .. اذا في امكانية مادية

او ممكن بس تشتري قطعتين 3 يكونو لايقين على بعض ... تناسقي بينهم

كمان لا تقصري بملابس النوم ... اشياء حرير و زي كدا..

** مري على بودي شوب و خذي شاور جل بريحة الفواكه .. او كرات البانيو.. مرة حلوة و اعمليها لزوجك
كمان عندهم زيوت المساج رووعه اشتري منها

** اشتري كم اكسسوار حلو للبيت .. مثلا شموع ملونه على الطاولات .. ورود و مزهريات

اغطية جديدة .. و اشياء زي كدا للتنويع ..

** غيري شوي بالبيت عشان تقتلي الروتين ... غيري مكان السوفات مثلا

** خليك دايما بشوشه و مرحه و ابتعدي عن النكد و اخبار النسوان و الاهل

**كل فترة و فترة غيري الروتين و اعملي له ليالي حلوة و المنتدى مليء بالافكار

** في اوقات ال... مرات كوني مستحية و مرات جريئة بالحركات و الكلمات..

**ابتعدي كل البعد عن موضوع الزواج الثاني او او او .... و كل مافتح الموضوع .. بيني له مدى حبك له

و تعلقك به ..

باختصار لا توكلي مهمة اسعاده لزوجة الثانية ..

قومي انت بالمهمة ..

هذا اللي يحضرني الان ان شاء الله يارب اكون افدتك و يارب يخليكم لبعض طول العمر

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

[rainbow]اختي العزيزة شنو انتي ما تغارين وبعدين ادا تحبيه ماتفكرين تزوجيه وحده ثانية بل حاولي تحببي بيج وتسمعين كلامه وانطيه اللي يريده وزيادة والله يهديج ويريح بالج [/rainbow]