جزاك الله خير اسعدتني بدعائك ولاتنساني في سجودك ولك مثلي

اخوي اذا دخلت ابيك
هي ابوها متوفي قريب
سنه تقريبا

وانت ساكن بالشرقيه صح اذا كانت اجابتك بنعم سوف اجيبك اجابه واضحه تماما

اعتقد في حالة زوجتك من الصعب معرفة هل هي تحبك ام لا خصوصاً و انها تحت تأثير خواتها كما ذكرت و واضح جداً ان خواتها ما قصروا ابداً في هالجانب و غسلوا شراعك و شيشوا راسها عليك بدلاً من ان يسددوا و يقاربوا !!!!

انا ارى انك تطلب منها انها ترجع لبيتك حتى يزول تأثير خواتها السلبي عليها , و اذا رفضوا اذهب الى شخص معروف بالحكمة و الرأي السديد من طرفهم و اخبره بانك تريد زوجتك ان ترجع للبيت و هذا حق شرعي و قانوني لك ,, و انك تريدها ان تجلس في بيتك الى ان تضع حملها و بعد الولادة نتفاهم انا و اياها بدون تدخل اي شخص آخر

لقد طلبتها وهي ترفض العوده بسبب تهديدي لها بالزواج عليها وطلاقها اذا لم تستقيم

عندي فكرة حلوة :-

أولاً : كلم ولي امرها مباشرة وقول له اني اريد ان اخذ زوجتي معايا واجلس معايا لوحدنا في مطعم او في البيت واجلس معاها وهات ورقة وقلم وقول لها اجلسي على هذه الطاولة واكتبي كل مشاكلك معايا وانا كذلك اجلس على الطاولة واكتب كل مشاكلي معاكي على النحو التالي :

المشكلة الاسباب الحلول
1- مشكلة ----- 1- ------------ 1- ----------------------
2- ------------- 2- ---------------------


ثانياً : ايش راح يصير راح تكتب كل مشاكلها واسبابها وحلولها وانت ايضا راح تكتب وتجيب ورقة ثالثة تجمع كل المشكلات الي فيها الي تناقش فيها المشاكل والحق واضح والغلط واضح .

نصيحة أخيرة : لاتدع اي شخص يتدخل بينكم في بيتكم حتى لو صار اي خلاف وبين لها انك ترفض تدخل اي غريب مهما كان علمها ان المشاكل حدها البيت ولا تطلع من البيت عيب
وعلمها انك لاتسبك ولا تضربك ولاغلط عليها ولاتغلط عليك خلي الاحترام بينكم صدقني راح ترتاح كل حياتك . علمها كيف تقدر الشخص وتحترمه .

وغير اسلوب حياتك في كلامك معاها صدقني لاتكون طيب بالمرة ولا شديد بالمرة وسط

هل من الممكن انك تتحدث مع زوجتك ولا .

ترى مافيها شي صدقني روح او اتصل على ولي امر الزوجة وتحدث معاه بحسن نية وقوله راح احضر لاخذ الزوجة لحل المشاكل هذه بيني وبينها وصدقني لو اجتمع كل العائلة لحل هذه المشكلة صدقني ماراح تنحل لان اهلك راح يوقفون معك واهلها راح يوقفون معاها لو كنتما على خطأ .

والقرار قرارك انا عني استخدمت هذه الطريقة ونجحت . ....

ترى مو عيب لو تروح لها لبيت اهلها وتأخذها منه اعطي نفسك فرصة اخيرة دوس على كرامتك اشوي عشان خاطر ولدك صدقني يمكن يكون هذا الحل بعد المناقشة الي راح تسويها مع زوجتك راح تعرف معدنها اذا هي تنازلت وانت كمان تنازلت كلمة حلوة منها وكلمة حلوة منك وصدقني اشوي ماتلقى نفسك الا قاعد تجامعها كم لك اخر مرة شهرين تلقاها وينحل الموضوع زي السلام عليكم . وانت الكسبان جرب والله منت خسران .

لا يااخي لست من الشرقيه واتمنى ان تجيبني في حدود ماطلبت منك

ولاتزعل ياخي العزيز

الم تفكر زوجتك و اهلها بان برفضها العوده الي بيتها قد يدفعك تصرفهم هذا الي ان تطلقها و تتزوج
بغيرها ؟؟ كيف تفكر هذه النااااس ؟؟ عجبي والله !! في ناس تفكيرها اعووووووج !!!


ياليتهم يعلموون ياأميرات يظنون هيامي في حبها يمنعني عن ذلك لان من اخواتها من زوجها هائم بها فتقوده كماتريد وكذلك يعلمون انني متمسك بها من اجل الحمل وانني لااريد الطلاق



هل هذه هي طريقة نساءكم في التعامل مع المشاكل الزوجيه اي تضخمها ؟؟ يعني الوسط اللي انت عايش


لا على حسب ثقافة وسلوك كل بيت



فيه نساءكم كلهم يتصفون بهذه القوه و الجلافه في التعامل مع الزوج ؟؟ ام فقط اهل زوجتك اللي مضخمين الموضوع ؟؟


أهل زوجتي حسبي الله عليهم ونعم الوكيل مسوين كرامه واهانه وكلام فاضي علشان قلتلها اطلق واتزوج واخذ طفلي منك ومين يفكر فيكي بعد الطلاق و,,,,,,, يعني اعطيتها كلام يدق العظم



كم الفتره صار لها عند اهلها ؟؟

ثلاث أشهر الوحام بموافقتي ,, أما النشوز لم يكمل شهر وهو بعد رجوعها بعد الوحام واحتدام النقاش ثم رجوعها مرة اخرى لاهلها


من خلال معطياتك اخي بدأ يتضح لي ان زوجتك باااايعه و مخلصه ..

اختي تفائلي لي بالخير مجتمعي لن يرحمني وانا مطلق ولن يزوجني اي احد ابنته لانهم سيظلمونني في القول ولن يوضحوا للناس سبب تطليقي لبنتهم ,,

كل مافي الامر هي واهلها ضامنين حبي لها وجري اهلي خلفها من اجل الاصلاح وستر الامر وهم بالعكس يكبرونه ويفشون سرهم كأنهم يريدون تعذيبي فقط

والله أستطيع أبيعهم باأبخس الأثمان لكن طفلي هو الضحيه عساااه يسقط ميتاً عاجلاً غير أجل

فرج الله كربك ورد زوجتك اليك وألف بين قلبيكما ..............
انا رأيي انك تثقل عليهم ولا تتصل ولا تروح لهم ولا احد من أهلك خلهم حتى يطيح اللي بروسهم رح واستانس واسهر ووسع صدرك ولا تحسسهم انك متأثر وتترجاها ترجع لأنها اذا حست منك الضعف وهذا اللي صاير راح تتمسك بعنادها وتجلس تتشرط عليك وتفرض شخصيتها عليك ............
اللي واضح من ردودك انك متأثر نفسيا من عدم رجوعها وهذا راح يوثر على قراراتك وتصرفاتك يا خي طنش وعش حياتك وتشوف اذا ما رجعت ودامك ما غلطت ما عليك منها هي واهلها ................وانا أتوقع اذا رجعت بشروطها وتحس انها منتصرة عليك راح تسوي نفس الشي عند أي زعل ..........
اترك اهلها يرسلون لك احد يكلمك ويتفاهم معك لأنك انت الرجل والعصمة بيدك وأنت في مركز القوة وهم موقفهم ضعيف
وعندها وضح له وجهة نظرك وانك ما طردتها هي اللي راحت من نفسها وان بيتك مفتوح متى ما بغت ترجع ترجع بشروطي وأولها تعتذر لأمي وتحب على راسها ........
أهم شي لا تتهور وتطلق بس طنش وريح بالك وخل ضيقة الصدر لها ببيت اهلها الين يطيح اللي براسها وصدقني ما راح ترتاح عند اهلها مهما راحو خواتها عندها وبتشوف كل قرايبها وخواتها كل وحدة مع زوجها اللي تسافر واللي تتمشى واللي تتسوق والناس رايحين جايين لبيتهم وهي بالبيت محبوسة الين تطق وترجع بشروطك انت مو شروطها هي .......
الله يهدي زوجتك ويرجعها لك عاجلا غير آجل .....وطبعا هذا الكلام اذا كان كل كلامك كله صحيح ولا فيه شي ما ذكرته لاننا جالسين نسمع من طرف واحد اللي هو أنت ولا سمعنا منها .....................تحياتي للجميع