كل عآم وأنتم بخير ..

كل عآم وأنتم بصحة وسلآمة ورآحة بآل ..

تقبل الله منآ ومنكم صآلح الأقوال والأعمآل ..

يانآس إلى متى أمثل وآجآمل ..

تعبت اتحمل و آظهر غير ما قلبي يحمل ..

رحت للمسجد دعيت بكيت استخرت نفسي كارهه الروحه ..

يآآه مآأقرب الأمس من اليوم ..

وجآء عيد الفطر ..

عيدالفطر اللي قبل المآضي كنت عروسة ..

وعيد الفطر المآضي كنت معلقة ومحد درى من الأقآرب ..

وعيد هالسنة الله يعيده علينا وعليكم ,, صرت مطلقة بكل فخر ..

شلون أروح وأجامل خلق الله وآنا مالي نفس بشئ .. مالي نفس بالحياة بكبرهآ .. جآملت الوالدة شريت وجهزت للعيد أغلى وأفخم شئ ..

طيب وبعدين!!

أنا هي آنا .. و حبيبي شريتله بدل الطقم أربعة كل واحد آحلى من الثآني ..

نفس الشئ وبعدين!!

وين الشئ الحلو بكل اللي قلته أو أقوله !!

أعرف ان حديثتي أصبح بلا معنى .. بس وربي يآنآس تعبت.. مدري فيه أحد منكم مثلي جاه هالشعور وهالتفكير !

الحمد لله على كل حآل..

آدري إن تخلفت عن الإجتمآع العآئلي .. سيحزن من يحبني وكل من حولي .. وآخشى أن يٌقآل آي شئ .. ويروح تمثيلي كل الفترة اللي مضت بلا جدوى ..

طيب والحل .. ؟؟

آتمنى ماأضيق صدر الوالدة الله لايحرمني منهآ .. بس خلاص احس صرت مكشوفه .. عيوني وصمتي يفضحني ..وآخاف تخوني كلمآتي .. بعد مآكآنت البسمة والكلمة الحلوة ماتطيح من شفآتي ..

آدري ..أزعجتكم .. أدري قلبت مزآجكم .. آدري ماباليد حيلة .. بس وش أسوي ما ودي أروح والله .. وش السواة ؟

دعوآتكم

مدري مافهمت هل قصدك انك ساترة سالفة انك مطلقه

ليه هل بقلبك امل لرجوعه لك ؟

__________________
حسبي الله ونعم الوكيل

السلام عليكم
حياك الله يا عزيزتي

اقتباس:

مدري فيه أحد منكم مثلي جاه هالشعور وهالتفكير !

باختصار سأحكي لكِ عن نفسي

فعلاً أول سنة بعد طلاقي ما حضرت اجتماع العائلة الرئيسي صباح اليوم الأول
لكن في اليوم الثاني حضرت لأن الحفل موسع و في قاعة فكان أشبه بالزواج
ربما تشجعت أذهب لآن مافيه سوالف خاصة كل مجموعة على طاولة
مثل الزواجات

عموماً أنا ما تخلفت عن الحضور من أجل الناس اللي عندهم الاجتماع
بل هم ناس فيهم خير و أجواد و لا أزكيهم على الله

لكن يمكن احساسي بالحزن لسى في ذروته
خصوصاً في العام اللي قبله كنت عروس
و كان زوجي يفضل أن أكون متواجدة صباح اليوم الأول شأني شأن بقية نساء عائلته
و هالشي تم في عيد الفطر و الأضحى
يعني صار لي حياتي الخاصة ,, و فجأة صرت مطلقه و رجعت لأهلي -حفظهم الله تعالى-


أمي كانت تضايق و والدي كان يبيني ما أعيش في عزلة
بس في نفس الوقت خلولي مساحة للتأقلم
يعني مثلا إذا رضوا مرة مو معناته كل مرة يرضون إني ما أروح

حطي في بالك
أول سنة بعد الفراق ماهي سهلة عادة
ممكن تتذكرين زوجك السابق كل مارحتي مكان كنتي تروحينه معه
سوق أو منتزه أو لما تشترين حاجة تحبينها و كان يجيبها لك
بس نصيحة مني لك
لا تستسلمين للهموم

اسمعي مني يا اختي
(بعد الاستعانة بالله و التوكل عليه) إذا تركتي الاستغراق في الذكريات و حطيتي في بالك انك تقدرين تعيشين
واقعك مثل ماهو بدون زوجك السابق بإذن الله بترتاحيــــــــن و تعيشين مثل ما كنتي قبل الزواج (مع ظروف الحاضر)


أختي :- عاشقة الرياض

ليه تقولين : تعبت اتحمل و آظهر غير ما قلبي يحمل ..
ليه ما تكونين انتي من جوى مثل مانتي ظاهرياً

أنصحك استمتعي بوقتك
استمتعي بالعيد
أظهري الفرحة بنعمة الله و احتسبي الأجر
تزيني و تأنقي و اهتمي بصغيرك
مثل ماانتي ما قصرت في توفير حاجاته المادية وفري له الراحة من خلال اظهار سعادتك
حتى و ان كان صغير ترى الطفل يحس بأمه

أتمنى تبشريني قبل العيد انك ناوية تبذلين جهدك عشان تستانسين و تستانس الوالده
أتمنى هالشي ,, لا تنسيني (:

أسأل الله أن يسعد قلبك
و أن يعوضكِ خيراً
اللهم آمين

__________________
سبحان الله و الحمد لله و لا حول و لا قوة إلا بالله
.

رغم كل الصعوبات ... استمتع بجمال الحياة ...

::

هلا( عاشقة) تقبل الله منا ومنك ..

يكفي حضورك من أجل الوالدة وخاطرها >> بيفرج الله همك ..ويوسع صدرك ...

ليه ما تبين تحضرين :

** تتوقعين بتصيرين أسعد إذا جلست بالبيت ما أتوقع ...

**أو تعبت من التمثيل >>> ترى ابتسامتك ومحاولة إخفاء ألمك قوة وصمود ومع الوقت بتصير ابتسامتك حقيقة ومن

داخل ..

بالنسبة لي بعد طلاقي بإسبوعين صارت مناسبة كبيييييرة وحضرتها ..

لا وكنت قاصة شعري بعد ... حقيقة ما أدري هل كنت أُمثل !!

أو توني ما استوعبت الصدمة مع إني أنا الي طالبة الطلاق !!!

أتمنى تبشرينا بروحتك يوم العيد والله يفرج عنا وعنك ..

__________________
{ اللهم صلي وسلم على محمد وآله وصحبه تسليما كثيرا }

احضري عشان امك تراها شايله همك لاتحملينهياه زياده
وعسى ربي يعوضك

__________________

كان الله في عونك وابدلك الله بخيراً منه يارب

حاسه فيك وحاسه بوالدتك ووالدك

علشان خاطرهم روحي مثل مااستعديتي

ربي راح يهونها عليك لأنك ارضيتي والدينك

وصدقيني الضيق والزعل حتى لو أنه غصب عنك ماراح يفيد

ربي كاتب لك خير جديد والمستقبل قدامك

الله يسعدك ويوفقك ويشرح صدرك وييسر أمرك ويخلي لك ولدك

ويفتح لك أبواب رحمته ويرزقك من حيث لاتحتسبي .

عزيزتي الفرح في العيد ولبس الجديد شكل من اشكال العباده لله
عزيزتي يمر بنا احداث واوقات صعبه في العيد لكن لازم مانستسلم لها
انا مر بي من سنتين وقت صعب يبدو لي اصعب من وضعك والى الان وانا احمد ربي اني ما استسلمت ورحت العيد
اول ماحصل خلاف مع طليقي وطلبت الطلاق حرمني من اطفالي (الكبير وقتها كان عمره اربع سنوات والصغيره سنه ونصف)
من نصف شعبان وبعد الواسطات من الاقارب ومحاولات عديده جوني في24 رمضان ثلاث ايام بس على اساس انهم بيرجعون لى مره ثانيه قبل العيد لكن اخلفو وعدهم ( ام طليقي هي المسيطره ومعاها شخص اخر مقوين طليقي على هالحركه )ومانفذو الاتفاق وراح لهم شخص اخر من اقاربنا يوم العيد الصباح وبعد ردوه
انا كنت زيك رافضه اروح لاجتماع العيد اولا مو عيد بدون اولادي ثانيا احس لو شفت جدت عيالي باذبحها والود ودي اقطعها باسناني
لكن ابوي كان يحاول يقنعني وكل شوي يعطيني امل مره ليله العيد ومره يوم العيد الصباح واخر شيء قال بيجيبونهم معهم اذا جو لاجتماع العيد ( طليقي من اقاربي )
لو تشوفيني وانا اجهز للعيد وانا اختار جزمتي اعزكم الله كان باخر الكعب معدن اول ما جاء ببالي تنفع اكسر راس جدتهم به يوم العيد ( من حر مافيني من سواياها بالرغم من اني كنت افضل زوجات اولادها لها وسويت لها اللى ماسوه عيالها وهالكلام بشهادتها )
اما فستان بنتي كنت ابي اجربه عليها و انتظرها تجي لكن لما فقدت الامل تجي قبل العيد رحت اشتريه ولقيت المحل شايل الخصم وشريته باغلى عشان البسها في نفس قاعة الاجتماع على اساس بيجون مع جدتهم وعماتهم ولا اعرف وش بيلبسونها اما الولد اكيد ثوب
وكنت ادعي ربي في رمضان كان من حرمني من اطفالي يقصد اذلالي بهم فيارب تخزيه بين الله وخلقه عاجل وغير اجل
ورحت العيد وكيس بنتي معي فيه الفستان والجزمه والبكله وكلي امل
لكن جو بدونهم
رفضت اسلم عليهم او حتى اطالعهم وابعد عن المكان اللي هم فيه لاني كنت ماسكه نفسي على الاخر لاقوم واذبحهم لاني وعدت ابوي اني اكون عند حسن ظنه واكون مبتسمه وما اخليهم ينتصرون علي
والله اني اكتب ودموعي تنزل لما تذكرت ذيك اللحظات
لكن الشيء الوحيد اللي اسعدني والى الان اتذكره وجه جدتهم وشلون كانت تتمنى الارض تنشق وتبلعها واذا مريت انا وامي من جهتها تحط راسها بالارض
استجاب ربي دعائي واختزت بين كل اقاربنا لما عرفو السالفه والى يومك ماتجي للعيد

عزمي حبيبتي وروحي واحتسبي الاجر في طاعة ربك ورضى امك

هلآ وغلآ بشيهآنه ..

(((ترى ابتسامتك ومحاولة إخفاء ألمك قوة وصمود ومع الوقت بتصير ابتسامتك حقيقة ومن

داخل ..))))

الله يسمع منــكـ... ويزيدك من فضله ونصير مثلك بطلآت : )
وعيدك سعيد الله يوفقك يآرب