21-10-2009, 06:41 PM
|
المشاركة الأصلية كتبت بواسطة باريسا
أنا قريت موضوعك من أول ما نزل .. بس ما رديت لأني كنت منقهرة على أختك
يعني لو أختك مسوية نص الي سواه زوجها كان من زمااااااااااان مطلقها تدرين بعد من صوبهم غفور رحيم ومن صوب غيرهم شديد العقاب بس تدرين أختك غلطانة .. ايه نعم غلطانه وإلا كان من شافته بخيل ويقصر معاها زعلت وجات عندكم من شافت هذي مشيته كان وقفت ماجابت هالعيال منه من شافته يضرب .. كان قالت بس وخبرت اهلك مو تسكت له .. هالنوعية من الناس ما ينفع معاهم الطيب ولا النصيحة ما ينفع معاهم إلا القوة .. دائماً حطي عندك قاعدة الي يحرص على المناصب والصيت يخاف من كلام الناس عشان كذا اختك غلطت لما مهدت له لأخطاءه .. يعني ايش تبين واحد مثله يعمل يضربها وساكته .. يخربط وموسيه غافله .. يبخل و تصرف من عندها السكوت علامة الرضى .. هي عطته الاشارة الخضرا للأستمرار في ظلمها شوفي بقولك على سالفة فلم شفته من زمان طبعاً فلم أجنبي ... من ضمن أحداثه أن واحد دائما يقوم باغتصاب وحدة معينه وكانت هي تتضايق وتصرخ وتبكي .. وكل مرة يعمل نفس الشي تدرين ليش قال لها قال لها : لو ما كنتي مستمتعة بهالشي ما سكتي !!! وهو نفس الكلمة الي قالها زوج أختك لأختك .. ( لو ما كنتي تحبيني ما جبتي مني عيال ) رغم كل الي يعمله معك تحبين وتموتين فيه وتجيبين عيال منه وزيادة نايمة على اذانها بمعنى إن اذا أحد يظلمك وتسكتين عليه .. شنو معناها ... معاها يا أنك راضية بالي يسويه أو أنك ضعيفه وما تقدرين تاخذين حقك مو كل الرجال اوادم ومتربين .. في رجال ماشاء الله عليهم .. تحسينهم صحيح رجال يقومون بواجباتهم ويعطفون على الزوجة من غير ما تطلب منهم .. تحسين قلوبهم نظيفه لكن في رجال لو ايش تعملين ما يطلع بعينهم .. غذا صرتي طيبة قالو ضعيفه .. ورجال ما ينفع معاهم إلا توقفين لهم بالمرصاد عشان ما يتساهلون أختك الله يهداها رزته وخلت سمعته انه متزوج وعنده بيت وعيال ومستقر .. ونافخ عمره لكن لو كانت زلزلت استقراره من اول كان يمكن تعدل معاها .. ولو طلقها وخذ زوجة ثانية بعد راح توصل لنفس النتيجة الي وصلت لها أختك ... وراح يوصل لنتيجة .. يبي استقرار لازم يقوم بواجباته ما يبغي يلعب على كيفه ... لكن في النهاية سمعته رايحه بين الناس عموماً ما ينفع الكلام الحين .. الله يسهل أمورها ويجبر كسرها وانا والله أتمنى وادعي ربي أن زوجها يتعدل ويراجع نفسه ويحسبها صح عمر الفلوس ما تنحط بمقام الاستقرار الله يهديهم يا رب ويعوض أختك خير من الضيم الي شافته |
22-10-2009, 04:31 PM
|
المشاركة الأصلية كتبت بواسطة المختا ر
أختي العزيزه باريسا
أنتي معك حق ...لأن شخصيتك قويه بس غيرك لا تكون شخصياتهم ضعيفه تسكت علشان عيالها أو مافيه مكان تروح له أو ماعندها دخل مادي ......... مشكلة أمهاتنا اذا جت البنت تشكي على زوجها قالوا لها إصبري علشان عيالك أو علشان يتعدل ويرجع لك يعلقونهم بأمل ما يدرون وش نهايته .. .............. يالغاليه سافر معي لبييييه كيف أخبار أختك ؟؟؟وعلمينا بما هو جديد ان شا الله خييير ....ابشري......واحنا بعد ناطرين ان الله يصلح ما بينهم ...ولين قلبها على عيالها ...وينسيها ما فات من عذاب وقهر وألم ...والله يسخر زوجها ..والله يقدر زوجها على اقناعها بالرجعه له ولعيالها .... اليوم زوارتي لاهلي...اشوفكم على خير.... والله الله بأختك خليها تتعلق برب العباد علشان ربي مايخيب عبد ناجاه |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
