الله يعينك ويصبرك وهذا اسمحي لي مآيستااااهل من يضيع حياته معه بس المشكله بينكم ولد ومو زين له يتشتت وهو بهالعمر بس هونيهااااا وتهوون الدنيــآ هذي عجايب في عجايب ومـآفيهاا احد مرتااااااااح ....


الله يعينك ويعييني ويكتب لنا اللي فيه الخير .....

__________________
ابي أكبر خط التوووقيع

حبيتي انا مب مستعده اضيع عمري معاه انا عمري صغير23 سنه والشيب في راسي متروس

ولدي ان شاء الله راح يشوف كل خير وادري اختي ما في احد مرتاح لكن انا مب مرتاحه انا متعذبه معاه

اليوم الصبح اخته اتصلت فيني تبيني اتفاهم معاه واعطيه فرصه وقلت لها لو شنو انا مابيه وتقول علشانا عطيه فرصه قلت انتوا على عيني وعلى راسي لكن اخوج تحت ريلي وتقول اذا مره ثانيه قال لج شي ولا مد ايده تعالي قولي لنا احنا بنقوله يطلقج خراطه الدنيا

وتقول احنا كلنا فهمناه وماراح يعيدها وقلت لو من اليوم الى باجر تحاولين تغيرين رايي ما راح اغيره

اخوج ما يبين في عينه اي شي وتقول اهوا خايف انج تحرمينه من ولده قلت شفتي يوم واحد
وما قادر عيل انا وولدي شنو انحرمنا من بعض اسبوع ولا حس


وقلت الي ما يحفظ كرامه مرته مب ريال ترى اهوا مب ريال غلط اذا تسمونه ريال وانا صايره له المراه والرياال في البيت


وتقول انتي اشتكيتي عليه قلت اي تقول ليش وصلتيها جذي قلت لها شنو تبيني اسكت عنه واحط يدي على خدي ابجي وتقول اني تبين الطلاق لانه في الاحضاريه الي طرشوها بأنه مكتوب الطلاق قلت لها علشان يحققون كم مره طلق وكم مره محسوبه وعلشان يثبتونها في المحكمه

وحاولت وحاولت وقالت وين الحب الي بينكم قلت لها مات مات وتقول عطيه فرصه عشان الحب الي بينكم وقلت لها روحي وسأليه كم فرصه عطيته وشكثر سامحته على غلطاته وزلاته وخياناته
وتقول ولدج حرام تسون فيه جذي قلت لا تلوميني لومي واخوج مب انا
وتقول يوم يسب في شرفج كان معصب وقلت لها انا بعد اعرف اسب اخس منه لكن احترمته واحترمتكم ولكن الواحد لازم يثمن الكلام قبل لا يقطه على ايد احد

صوريه فيديو بدون ما يحس وهو كيف يحكي معك ويضربك ويصرخ وأسلوب معك وفرجيه لل قاض شوفي اشلون راح ينحرم من إبنو بعد،،،، الله أكبر عليه مو معقول هذا أبعد ببعيد من أن يكون رجال... وعفوا اش فيها لو نطق طالق ثلاث مرات حتى لو مليون مرة تعتبر طلقى واحدة إلى أن تنقضي العدة،، قلة عقل ودين وسايق فيها الدين ،،، الله يعينك أختي الله يبعد عنك

والله لو انتي اختي اني ما ارجعك لهذا الشخص مهما كان ومهما صار لأن اللي يمد يده على حرمة مهوب رجال, فما بالك بأنه نهبك وشريتي له سيارة وغير مبالي ويتهمك بشرفك

وبعدين انتي الحمد لله موظفة وولدك راح يكون بجنبك ولاتخافين لأن الشرع والقانون معك

ونصيحتي هذي الاشكال مايحتاج تعطينها فرصة
يقولون لو فيه شمس كان من أمس ....... لكن هذا مافيه رجاء ابد

الله ييسر امورك ويخلي لك ولدك....... آمين

__________________
نحتاج إلى فهم المشكلة قبل أن نبحث عن حلول لها ،إذا لم يتم ذلك فإن الجهود المبذولة لحل المشكلة يمكن أن تقودنا إلى الحل الخاطئ.

اخواني وخواتي


امس البارحه الساعه 12 صباحا اتصلت اخت زوجي قالت لماذا لم تتصلي حتى السؤال عن ابنك وابنك جدا مريض يحتاج ان يرقد في المستشفى وهل راح تجين علشان تباتين عنده قلت لها اكيد هذا ضناي وقلت لها بشرط انا ما بي اخوج يكلمني ولا بكلمه ولا حتى ابي اسمعه ينادي بسمي قالت اوكي ورحت المكستشفى وولدي كان واااايد تعبان وعلى طول خذيته وضميته وبعدين بشويه وقت فرفش ولدي وتم يضحك ويلعب معاي كان كثير مستانس وجات اخته تحاول تفهمني على اللي صار وتقول احنا كلمناه وفهمناه قلت اهو مب ياهل كل مشكله تجون وتفهمونه وتقول انا ياما صارت لي مشاكل مع زوجي وياما غلط وهاني وانا اقول في قلبي خسي ( اصلا اهيه مسويه رجلها خاتم في يدها) وقلت لها اذا انتي بترضين زوجج يسوي فيج جذي هاذي شي راجع لج اما انا لا وعطوا ولدي بخار وكان ابوه صوبي شفت الجرح الي بيده ملتهب وقاعد يطالعه وانا مستانس من داخلي قلعته


ويوم بنطلع كان ولدي في يدي وقال له ابوه يلا بابا خلنا نروح البيت و ولدي مب راضي يروح معاه وحاول ياخذه مني ولكن ولدي مسكني بكل قوته وقال انا مابي اروح معاك ابي اروح مع ماما وطالعني زوجي ويقولي يبيه وقلت له شوفه اهوا ما يبي يروح وقلت حق ولدي ماما روح معاه قال مابي وقالت امي لا تاخذه من امه والله لو يصير شي في الولد انت المسؤول وتركه ومشينا و ولدي وااااايد فرحان بأنه معاي وطول الليل يقول ماما انا احبج وكله يبوسني وصار لنا اربع ساعات في المستشفى وما وصلنا الا الساعه اربع الصبح
وولدي اليوم عندي

( اشكرك يا ربي واحمدك)


الحمد لله

ماشاء الله تبارك الله
الحمد لله أختي الله يريح بالك وينصرك عليه بصراحه يوم قريت موضوعك الأول
قلت ماأدري كيف تحملتيه بعد الي سواه
اهم شي الحين أن أبنك معاك الله يحفظه لك ولايحرمك منه
والله ينصرك على من ظلمك

__________________
أشتقت لكم جداً 💔

مشكوره اختي بس الي مثله ما ينقع في عينه على اللي سويته له مب مبين وخله يشوف له اي مخبله بترضى فيه مالت عليه من ريال انا صرت المراه والريال

وشي اكيد ما راح اعطيه اي فرصه لانه ولا 5 او 7 مرات عطيته

خواتي انا رحت ورفعت دعوى عليه في المحكمه رفعت دعوه حضانه حق ولدي ورفعت دعوى حق تحقيق في الطلاق

عن الحضانه قالوا لي ان شاء الله راح يكون عندج وطلبت نفقه ولدي ونفقتي وبدل سكن

ومنها رحت القضاء العسكري علشن اشتكي عليه وقدمت الشكوى راح يتخذون الاجراءات يوم الاثنين بهذي الخصوص وقالوا صديقاتي راح يراونه الويل راح يشوف الليل نهار والنهار ليل

ورحت المجلس المرأه علشان يساعدوني باني اوكل محاميه وقالوا هناك بعض الاوراق المطلوبه حق يساعدوني وقالوا هناك راتب معين يستطيعون يوفرون فيه المحاميه اذا كان الراتب اقل من 200 دينار ولكن ما دام عليج قروض راح ا ن شاء الله نساعدك بس يبيله شويه وقت

الجلسه حق الحضانه بعد يوم الثلاثاء 2 /3 /2010 اتمنى دوعواتكم لي يا اخواني وخواتي
والتحقيق في الطلاق راح يكون 9/3/2010 اطلبوا من الله انه ينصرني عليه في اقرب وقت وادعوا لي ان الجلسات ما تطول

وصلني خبر بأنه من طلعت مباشره اتصل المجنون باخوه يقوله شنو اسوي الحين قال له والله انا تعبت معاك وقلاه كيفك تصرف بروحك الحين
وهو ضايق حاله ولا يطلع اغلب وقته في الغرفه وضارب تدخين وااايد ولا حتى يقعد مع اهله ولدي الحمد لله تمام وصلني بأن ام ريلي قاعده تسأل امه ولا اتصلت حتى تسأل عن ولدها ويوم سألوه وين ماما قال في الشغل وقالوا له تبي ماما ولا بابا قال ماما وام ريلي تقول لا انا سألت وقال يبي ابوه

اخواني وخواتي دعواتكم لي

الله يعينك يارب ... والله اكتب لك وانا مقهوووره ... اللهم اني اعوذ بك من قهر الرجال ... اتوووقع زووجك مريض مو اتوقع الا متأكده ذي مو تصرفااات رجل عاقل .. الله ينصررك عليه ... ويارب المحكمه توووريه الويل عشان يعررف قيمته الخااااايس ...

__________________
اللهم اغفرلي ولوالدي وللمسلمين والمسلمات والمؤمنين والمؤمنات الاحياء منهم والاموات....