يا اخي انت معك حق بكل كلمة قلتها..

حقك تفرح بيوم عرسك فرحة عمرك وعمرها وهاليوم ما رح يتكرر.. (ان شاء الله)

ومش من حق اي انسان يحرمكم فرحتكم بهاليوم اللي صرلكم مستنينه سنتين..

بس يا اخي الامور بحاجة لتفكير عقلاني بعيد عن العصبيةشوي..

أولا..

انت غلطت غلطة كبيرة بتهديد زوجتك بالانفصال، اقل شي حتفكر انك مستعد تبيعها وتتخلى عنها لأقل موقف ممكن أهلها يعملوه، لا تفكر هالشي رح يعمل حافز عندها لتضغط على أهلها.. لأ.. بالعكس انت هيك بتهز ثقتها فيك..
( هلا لازم ياصريح وواضح تتصل فيها وتحكيلها انك حكيت هيك لأنك كنت معصب ومش قصدك اللي حكيته، وانت مابتستغني عنها لو شو ماصار..)

ثانيا..

هلا نيجي لموضوع العرس، تكلم مع اهلها بحزم وافهم منهم شو سبب الرفض وشو المانع الرئيسي..
والله اذا كان السبب انهم مش موافقين انكم تتزوجوا وتتركها.. فهاد السبب فيه وجهة نظر نوعا ما..
لأنو بجد حيكون الوضع صععععععععععععب جدددددددددا عليك وعليها..
فالحل لهيك سبب.. بكل بساطة بتاخد اسبوعين الاجازة بتنزل تتزوج بأسبوع وبترجع اسبوع انت واياها لحالكم بدون دوشة الأهل وووووووو.. ( ماتحكي مابلحق!!! انا والله سافرت بنفس ليله العرس بسبب ضيق اجازة زوجي..)

اما اذا كان السبب توفير وما توفير ومن هالحكي الفاضي.. فاحكيلهم انا عندي فلوس زيادة وحابب اصرفها واذا طلبت منكم شي لا تعطوني..

واذا شفت انو الشغلة اللهم عناد والسلام..
احكيلهم طيب انا رح أعمل العرس الي والها ولأهلي واصحابي وأصحابها واذا مش حابين تحضرو بلاش .. بس انا رايح اعمل العرس سواء وافقتو او لأ..

(ما تفهم من كلامي التحريض!! لا والله.. بس هاد حقك وحقها وبس ومافي حق لحدا يتدخل بهاد الموضوع غيركم..)

طمنا شو بصير معك..

وماتنسى أهم نقطة.. (مصالحة الحبيبة!!!!!)