سؤال يطرح نفسه...

البنت كم عمرها؟؟؟؟

يا هلا أختي

إجابة سؤالك موجودة في رد سابق .


يعطيكي العافية .

الحل المبدئى فى امرك هو انك تعاملها بتطيش عشان تشوف وش قصدها

لالااسف مفاهيم البنات على الزواج تغيرت كليا

ود فى الاستخارة
الله يوفقك

__________________

والله إنك صادقة يا أختي هذا اللي كان مخوفني ومأخرني إلين وصلت الثلاثين

كنت خايف من هذه المفاهيم الجديدة مع بنات ( 2000 ) !

قسم بالله إن مشدد على الوالدة ومنبه عليها لا تدق عليعم وتخليهم براحتهم

خصوصاً إن هالفترة فترة اختبارات وأنا ما ودي أتسبب في شوشرة بكره لا سمح الله

ترسب يجون يحطونها في راسي

وهو نفس الشي اللي مساعدني ومقوي قلبي على الطناش

الله يصلح الحال ويتضح الأمور ....

شكرا لمرورك اختي .

أنا حسيت إنها خايفة تكلمك ؟
يمكن أهلها يمنعوها تكلمك من جوالها و تخاف إنها تعمل شئ من وراهم ؟؟؟؟؟؟
الدليل إنها تكلمك يوم تكون خارجة مشوار لمكان و ما تقدر تطول بالمكالمة معاك لإنه ماتبغاهم يسألوها تكلمي مين ؟؟؟؟

عليكم السلام ورحمة الله وبركاته

استغفر الله واتوب اليه

ليش انتم يشباب دايم مندفعين

ياخي يمكن انه من عاداتهم ان البنت ما تكلم خطيبها ولا يشوفها الا ليلة الزواج وهذا عادي او ان البنت حييه وخجول

وانت لا يلعب فيك الشيطان انه ما تبيك او او

وتقعد تضيع مستقبلك علشان مجرد مكالمه من خطيبتك وهذي الامور عاديه تبون تزوجون وتملون من بعضكم

فيه ناس عاداتهم البنت اذا تملكت حتى اهله ما يشوفونها ولا فيه شوفه شرعيه او مكلمات بعد الملكه

ليله زواج ياخذ العريس عروسته ويمشي الى عش الزوجيه وناجحه زواجاتهم في هذي الطريقه ما شاء الله

انت ما عليك الا اصبر وتبكير في زواجكم حياه سعيد بذن الله

__________________

أهلين أخت مجروحة ...

أكيد فيه اشياء وضحت لك من خلال الردود ....

كانت بمثابة الرد على تعقيبك ...

للعلم الأهل بادروا بموضوع المكالمات من قبل الملكة مو بعدها

بس أنا كنت مقل وماخذها بحدود إلين نملك وبعدها ناخذ راحتنا ...

الأمر تغير بالنسبة لي الآن ، أرغب في مكالمة واحدة أحط فيها حد لكل شي

وأقول اللي أبيه واللي ما ابيه ، كنت مأجل هالأمور لبعدين عشان أجيبها شوي شوي مع الايام والتقرب

لكن لما شفت الأمور ماشية بهالطريقة حقتها قلت لأ لازم تعرف من الآن طالما إننا ما قدرنا نتقرب لبعض

حتى الآن ومع مضي شهر ( تخيلي شهر متملكين ما تقدمنا خطوة لقدام ) ! أنا بس صابر إلين تنتهي

الإختبارات ، مع إني اليوم كنت بحجز على الاسبوع الجاي بس مدري ليه متردد وخايف أحجز ...

في بالي كرت العائلة ودي أسويه بس ماني عارف كيف وحنا في الوضع هذا ؟! وفي نفس الوقت التأخير فيه

غرامة حسب ما سمعت ، حاس نفسي مقيد ولا أدري وش اسوي ، أخاف اسافر واضرب مشوار

وأحوس ألف حوسة عشان أجتمع فيها واتكلم ، محتار لأني اتصالات قاطعها برضو

من باب التطنيش وبرضو عشان اختبارات ....

باقي يومين ننتظر فيها وش ربي كاتب ، وربي أهون علي تقول ما ابي وكل واحد يروح بطريق

ولا أقعد كذا في شيل وحط .


يعطيك العافية على مرورك ولا تحرمينا من تواصلك .

ولا شي من اللي تفضلتي به صحيح

لأنه أحيانا تدق علي من جوالها قدامهم في السيارة

أو من جوال الأهل ويكلموني معها ...

أنا شاك إنها مجبورة أو استعجلت .... ليش قدامهم بس ؟!

في البداية كنت أبغى المكالمات عشان نتعرف على بعض وأفهم هالشخصية وهي كمان

تفهمني عشان محد يتعب بكرة فينا ...

لكن الآن الأمر بالنسبة لي مختلف ودي أوصل أشياء كنت مأجلها لبعدين ....لكن لما شفت اسلوب

الإستهتار هذا قلت لازم كله من البداية بنعرف وفي نفس الوقت أشد على حكاية الإتصالات

لانه هي اللي منعت التقارب بيننا ، وبتخلي الحديث عن الأمور اللي كنت مأجلها صعب

لأنه ما كان بيننا تقارب من البداية ، فمو من المنطق غنك وحده توك داخل حياتها تبدأ على طول

هذا ابيه وهذا ما ابيه ، هذا يعجبني وذاك ما يعجبني ....

لكن بعد طريقة التعامل هذي مجبر اصقعها في وجهها من البداية عشان لا نتعمق أكثر

ونعقد الأمور مستقبلاً ونمطط في زواج يمكن ما يتم ...

أول ما كنت قادر أصيدها ... وهالحين جات الإختبارات ، والوضع أبداً مو مريحني

راسي بينفجر من التفكير ، متى هالإختبارات تخلص بس ؟!

شكراً لمرورك .

اخي الفاضل

اعتقد ان البنت هلها هم اللي رافضين تكلمك لوحدها

وانت ليش ماتروح لهم زيارة مفاجئة يعني

وتطلب انك تشوف زوجتك وتقريبا هذا من حقك

وأسئلها قدام اهلها انك لازم تتكلم معاها عشان تتعرفوا على بعض اكثر

والا ليش عملتوا ملكة من اصل لو ماراح تتعرفوا على بعض

وفهمها انك الآن انت زوجها ومافي اي شيء يمنعك ماتكلمها

ويمكن البنت تكون عايشة تحت ضغط

وانت مثل ماذكرت انك استخرت وهذا كافي


والله يوفقك يارب ونحن متابعينك وفي انتظار مستجداتك

__________________

اللهم صلي وسلم على سيدنا محمد..استغفرك اللهم وأتوب اليك..اللهم ان رحمتك وسعت كل شي ،، فارحمني رحمة تطمئن بها نفسي وتقر بها عيني..

يا أختي هذا سفر من بلد لبلد

مفاجأة إيش اللي بتقولي عليها ؟!

صعبة

أروح واضرب مشوار ويطلعوا عندهم كل يوم شغلة وروحة وجية وارتباطات ومناسبات

هذول ما شاء الله ( من بيت أصقع لبيت أرقع ) ما عندهم قعدة في البيت كثير

بحكم المدينة اللي هم فيها - الله يديم الافراح علينا وعليهم ....

وهذي أحد الاسباب اللي قللت التواصل بيننا واللي ماهي موجودة عندنا في الرياض

ولا أنا متعود عليها ، وودي أتكلم فيها بس ما في مجال مثل ما شفتوا !

إذا عندك حل قوليلي وش أسوي ؟!