للاسف هذي طبيعة بكل الرجال .. لو بإيد كل الأزواج كان كل واحد راح خذاله زوجة ثانية (خاصة المقتدر منهم)

وهذا بعكس المرأة التي فطرت على الوفاء والإخلاص والفناء لرجل واحد ... سبحان الله

على العموم، مثل ما تفضلت بعض الأخوات، الرجل بالفعل إذا بدا يبصبص برا وقرر يتزوج من ثانية مافي قوة بالأرض

بتمنعه لو شنو ما سويتي .. حتى إذا كنتي شابتله صوابعج العشرة شمع .. في شي معين يدوره فيك وموب لاقيه

وبياخذه من برا .. أو إن جه بخاطره يتزوج مرة ثانية .. بجميع الأحوال ما راح يقولك شنهو السبب

وخليه يتزوج .. خليج انتي مركزة على عيالج وأيضا على خدمته لأنه للحين زوجج .. عسى وعل ما تعجبه زوجته الثانية

يردلك ندمان .. ولا تهملي نفسك أبدا خلي دايم يشتاقلك

وبيني وبينك .. في بعض الحالات يكون أريح إن الزوج عنده وحدة ثانية بس أهم شي مو مقصر في حقك أو حق عيالك،

على الأقل تاخذين راحتك شوي وتسوين أشياء ودك تسوينها وما سويتيها من زمان .. يعني تفضين حق عمرك