ههههه مواقفكم بضحك عنجد
زوجة احمد قصة اني اعمل حالي تعبانة و اخ واي واااه دايخة معلش هههههههههه كتييييييييرة لاتعد ولاتحصى واحيانا اعملها عشان اتدلع
مسكين زوجي هوة مسالم ماشاءالله عالاخر ومابحب النكد بس انا احيانا اتمشكل معاه بدون قصد ومع هيك اثقل واتدلع وكانو الحق معي
قبل فترة بسيطة تزاعلنا و عصب هوة بس انا مارديت وضليت ساكتة وكنت اصلا تعبانة
رحت لما راح يدرس طلعت عالكنبة في الصالون وتمددت
كنت تعبانة جددددد مو تمثيل بس عملت حالي مش عارفة اقوم انام في غرفتنا
فطلع يدور علية عشان يراضيني وسمعتو جاي عملت حالي نص نايمة ولما نادى علية شو مالك نايمة هون فيكي اشي
رحت انا فتحت عيوني كاني قال يعني كنت نايمة وهوة فاجأني هههههههه
وراضاني والحمدلله اخر حلاوة
واول زواجنا كنت اطلع انام عالكنبة من هبلي واحنا متزاعلين وبدون غطا ومااكون نايمة طبعا وبس اشوفو طالع عالشغل اعمل حالي نايمة مسكينة والدنيا برد بدون غطا يجيبلي غطا ويروح
صراحة كتير بكزب عليه وبعمل اني تعبانة او دايخة او براجع لما اكون زعلانة منه وعايزة اعملله شوية اكشن عشان يحزن عليه
ولا اخر حمل الي هههههههه يوه يوه كنت تعبانة فعلا ولكن احيانا كنت ازودهاااا قال يعني مسكينة
في مواقف محددة صراحة لا يمكن انساها بس بديش ابوح بالسر ههههههههههه
طيب اقلك على موقف صار قبل 3 سنين في اول رمضان قضيته مع زوجي
كان في صاحب جديد اله وسكن قدامنا وكنا متزاعلين يوم ورجع من التراويح قلت لازم يجي يراضيني الا بقلي فلان حيجي عنا يشرب شاي وانا كنت معصبة من هالشخص لانو متعرف زوجي عليه جديد ولانو بحب عمل الخير ومساعدة الناس كان يساعدو وهيك وانا كنت انانية بدي اياه معي انا وبس
المهم انو هالشخص معاه حساسية من المعطرات والعطور وكل شيء من هالنوع
رحت قلت طييييب انا بتصرف
سكرت شبابيك الصالون
وكان عندي معطر ديتول بس ريحته معقمة شوي يعني مش ريحة زهور لا عارفة معطر ديتول ريحته ليمون او نسيم البحر قال
ههههههه صرت ارش وارش وارش وارش وارش .............. ارش الخ
يوم الرش العالمي
وطلعت مخنوقة وسكرت الباب فوراااااا
وبس اجا زوجي ورن الجرس فتحت باب الصالون ورحت هوة كان بيرن عشان ينبهني انو صاحبه اجا
وبعدين الرجل انخنق وماتحمل لدرجة فتح البلكونة وقعد فيها
واجا بعد الزيارة زوجي يقلي ليش راشة كتير هيك هيك صار
حكتلو عادي انت الي صاحبك حساس زيادة عن اللزوم
ومرت التلات سنوات
مبارح عالغدا بقول لزوجي القصة بفكرو حيضحك
زعل وقلي ليش شو ذنب الرجال في خناقتنا عشان تعملي هيك مش حلوة تأذي الناس الي برة عشان خاطر زعلانة مني
وانا كممممم مرة نبهتك ماتخلي شيء خاص يأثر عاالناس الي برة
ومرة تانية اي شيء يصير خلص لازم اشك انك عاملاه متعمدة
انا زعلت قلتلو يعني الحق علية اني صارحتك
قلي حبل الكذب قصير
قلتلو ايوة بس هي مر تلات سنوات ماحد عرف بالموضوع
كان ممكن اضل ساكتة وماحد يعرف للابد انا قلت اصارحك ونضحك تروح تزعل
قلي كان ممكن تكوني كاتبة القصة في مذكراتك قللتلو لا ماكتبتها في مذكراتي
يلا كيف كنت حنكشف
هههههههههه
هادا موقف سخيف مني صراحة ولكن انا الي حركات طفولية احيانا يعني ازا زعلت من زوجي اخبيلو فرشاية الشعر المفضلة لديه !!!
كنت هيك من ايام بيت اهلي ههههه
وطيب مرررررررة كنت حامل اول مرة بفهد وكان في مزيل عرق لزوجي ااااااااع ريحته كانت تخليني بدي ابكي مابعرف ليش
عادية يعني بس انا كنت اكتئب منها
واخليه يرش منها برة الغرفة قبل يطلع الشغل
وكل مرة اقلو ارميه اشتري غيرو عشاني
مايرد عليه
رحت يوم وهوة برة قلت لازم احط حد لماساتي
فتحت الشباك وقلت بالحرف الواحد سامحيني ياطبقة الاوزون
وضليت ارش ارش وارش وبرضو ارششششششش
وكملت شوي في التواليت الله يكرمك
وشديت السيفون على المزيل الي تم رشه
ورجعت العلبة الى مكانها
ولا من شاف ولا من دري
شريرة صح؟؟؟
طولت عليكي حاسة مواقفي شريرة ومالهاش لزمة هههه
03-07-2010, 09:25 PM
ضوابط المشاركة
العرض المتطور