الماضي يدمر حياتي
السلام عليكم و رحمة الله و بركاته
في اول يوم من العيد كنت في جلسة و كلمني احد اقاربي عن الآي فون و انواعه ...الخ
و اعطاني جهازه و قلبت الصور اللي فيه ولقيت كم صوره لطفل صغير
قلت له مين هالطفل؟ قالي فلان الفلاني..على طول عرفت انه ولد البنت اللي كنت احبها و انا صغير و بعدين تركتني بعد الملكة قبل الزواج بتسعة او عشرة ايام بدون سبب....
ما قدرت اكمل الجلسة و تركتهم وما رجعت البيت الا آخر الليل
المشكلة طلقتها من خمس سنوات تقريباً و الى الآن احياناً اتذكرها وارجع مهموم من جديد
قد ما احاول ابدأ حياتي من جديد و انسى الا انه احياناً اتصورها قدامي
قد ما حياتي كلها اشغال الا اني اتذكرها احياناً
ما ابغى اضر و اظلم بنت الناس اللي انا متزوجها..يعلم الله اني احبها وما قصرت معها بكل شيء بس انا ظالمها بسبب الماضي و الخمس السنوات اللي فاتت و دمرت و احرقت عمري كله
اخاف لو تعرف او اصارحها بمشكلتي ممكن تتركني و تطلب الطلاق
لو كان في شيء اسمه فورمات للذاكرة لكنت اول واحد يعمل الفرمته
19-11-2010, 09:13 AM
ضوابط المشاركة
العرض الشجري