كيف حالك ياصابره عساك طيبه إن شاء الله والله إني أشتقت لك ودخلت لقيت موضوعك بس ماأدري هل أنا من المرحبين بي فيه ولا برى على برى كرت أحمر بس تراني بجاوب على سؤالك وبعدها إذلفيني من أقرب نافذه عندك إسمعي ياحبيبتي أول شئ يمكن ماقال لك لقلة الإتصالات بينكم ثاني شئ يمكن طراله ظرف مفاجئ وسافر ونسى يقول لك ثالث شئ يمكن ماوده يشغل بالك عليه لأنا حنا كزوجات نحب أزواجنا كل نصف ساعه ألو فلان طمني وين وصلت أنتبه لنفسك ونصف ساعه والجوال رن رن رن ألو فلان وينك الحين إن شاء الله قربت ولا لسى وجا بيسكر قال قفلي قدامي نقطة تفتيش قالت أوه نسيت تغديت ولا تعيشت ولاباقي طبعا على حسب وقت الإتصال وقال لها باقي
وقفلت طبعا حنا الحريم هاذا طبع فينا مستحيل يتغير دائما مشغولات عليهم لأن مالنا بعد الله غيرهم ورابعا يمكنه كان في مكان مافيه إرسال تغطية الشبكه المشغله وخامسا وسادسا ياقلبي أنتي لاتضيقين خلقك هاذ هو قال لك ولومابغى يقول لك كان ماقال لك بسفره من أساسه يا أختي أنا عارفه شعورك الحين يمكن تقولي في نفسك تجاهلني ماقال لي عن خبر سفره يعني أنا ما أعني له شئ في حياته لوكان يفكر فيه كان أتصل عليه وبلغني بسفرته ياصابره زوجك يحبك مثل ماتحبينه بدليل سؤاله عنك وعن أحوالك ولوكان مايحبك كان مافكر فيك رحتي وإلا جيتي أنتم تحبون بعض بس مشكلتكم ماتفاهمتوا
مع بعض يعني يحتاج لكل واحد منكم أن يعرف الجانب الإيجابي من الآخر وأن ينسى ويتجاهل الجانب السلبي في شريكه أنت وزوجك تنظرون لسلبيات أكثر من الإيجابيات ليش ماتتفاهموا على أن كل واحد فيكم يفتح صفحه جديده مع الآخر وينسى الماضي بخيره وشره ليش ماتناظرون للأشياء الحلوه اللي في حياتكم وتخلوها لكم مناره لطريق المستقبل ووقود لكم حتى تشعلوا شمعة الحب في الطرق الوعره والمظلمه التي تواجهكم في حياتكم الزوجيه غاليتي صابره أنتي أخذت رجل لديه زوجه والمرأه التي تاخذ رجل متزوج
لابد وأن تدفع ضرائب مقابل ذلك الزواج أنتي ضحيتي وتزوجتي بشخص متزوج وهاذا ليس عيبا ولاحراما من حقك وهذا شرع ربنا سبحانه وتعالى وأنتي تعرفي إن هاذا نصيبك في الحياة والحياة تحتاج صبر وتحتاج مجاهده وتحتاج إن يكون نفسنا طويل عليها أنت تزوجتي هاذا الإنسان لأجل دينه وأخلاقه وكنت تضنين بأن حياتك ستسير بنجاح مع زوجك الذي وافقتي عليه وفي الحقيقه قابلت طريق حياتكم مشاكل وعثرات وأنتي وزوجك لم تحلوها أو تناقشوها في وقتها وتدورولها حلول جعلتوها تتراكم حتى كانت القشه التي قصمت ظهر البعير ولم تسبب شرخا واحدا بل سببت عدة شروخ في حياتك أنت وزوجك أنت يا أختي وسعي صدرك ولا يجلس إبليس يوسوس لك ويلعب عليك ويصور لك كل تصرف من زوجك إنه فيه قصد لك وإنه بأي تصرف يستقصدك أنت فيه يعني نفسه ينرفزك ويعصب بك فيه أنت الحين بعيده عنه ليش ما تستغلين غيابك عنه في إصلاح مابينكم أنت وزوجك وتتعرفي على مواضع الخلل في حياتكم وتحاولي معاه إصلاحها بقول لك شئ أنت ياصابره قلبك طيب وطيبتك هي السبب في تنازلك عن حقوقك وحبك لزوجك وطيبتك هي إللي خلتك توصلي لهاذي الحاله أنت ظننتي إنك لو ضحيتي بشئ ستحصلي مقابله الحب والموده والرحمه ولاكن حصل العكس أختي الغاليه أن الزوج المعدد تجديه كثير المسؤليات وتجديه مشتت الذهن والتفكير وأحيانا يشتد عليه الضغط من كل النواحي من زوجاته وعمله ومحيطه الخارجي ويحتاج إلى من يشتكي له ويفضفض عن مابداخله من ضغوط وهموم فلماذا لاتكوني أنت من يشتكي له هموم الحياة وتتفهمي لوضعه وظروفه وتكوني له صديقه وزوجه وصدقيني إن زوجك يحبك ويقدر وقفاتك معاه ولاكنه لايستطيع أن يعبر لك بذلك وهو حاس فيك بس مشكلتكم ماوجدتوا صيغه لتفاهم عليها بينك وبينه وأتمنى ياأختي إنك تشيلي كلمة طلاق من قاموسك نهائيا وأعتبري نفسك عروسه جديده عند زوجها دللي نفسك ودلعيها وعيشي حياتك وإن شاء الله ربي يرزقك طفل يملأ عليك الفراغ الذي في حياتك ويونسك وتلاعبينه وتنسي هموم الحياة التي واجهتك الله يوفقك ويسعدك وأسأل الله أن يألف بين قلوبكم أنت وزوجك ويزرع فيها محبتكم لبعض أنت وياه .
والحين لوبغيتي أحذفيني مع أقرب نافذه عندك بس أنتبهي أفصلي مقبس الكهرباء علشان مايصير التماس في اللاب توب عندك . أختك في الله أم سلطان

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

والحين لوبغيتي أحذفيني مع أقرب نافذه عندك بس أنتبهي أفصلي مقبس الكهرباء علشان مايصير التماس في اللاب توب عندك . أختك في الله أم سلطان
افااااااااااااااااااا يابنت الحكمي تراب رجولك بوجهي وقسم بالله وربي شاهد لو تكفخيني مارفع عيوني فيك احتراما لك لانك تستاهلينه
بعد روحي انتي ماتدرين انك من الناس الي احبهم واموت فيهم واستبشر بدعائهم
لا ياروحي لا تقولي كذا انتي عندي غالية ياحبيتي وقدرك غالي
بعد روحي دوم كلامك يريحني ويسهل علي الفرحة ويسلك الخير على محياي
والله ثم والله احب اقرا كتابتك وماحب اكملها بسرعة لاني استمتع بكلامك واتسفيد منه
واسال الله ان يكون لك كل ماتقدمينه مع الاخوات في ميزان حسناتك
انتي راااااااااااااائعة يابنت الحكمي ياحبي لك حبيبتي
انا حبيتي مثل ماتفضلتي جالسة احاول اشجمع شتاتي لاني ماخفيك كثر طلاقه هد حيلي ومازلت مجروحة
بالنسبة لسفره صح اني زعلت بس ماقلت له شى ومقدرة الظروف الي عايِشين فيها
ام سلطان اسال الله ان يجعل سلطان قرة عين لك ويرزقه برك وتشوفينه مثل ماتشائين ويحفظك ويحفظ لك ذريتك من كل شر وسوء وعين ربي ترجاك انتي وذريتك وكل من يجي حولك يابنت الاجواد
انا احبه صدقيني مشتاقه له بس في شروووخ على قولك ابيه هو يحس ويحاول يعالجها دايما المبدارة تجي مني ابيه هالمرة يحاول يصلح الشروخ الي بداخلي
ابيه يحس فيني
ابيه كل شى بيده يضمض جروحي
تدرين ياحبيتي انا كنت القبه مداوري جروحي اثاريه قام جرح جرحي فيه
بنت الحكيمي احبببببببببببببببببببببببببببببببببببببببببببببببب ببببببببببببببك

__________________