السلام عليكم
أخوتي الكرام أطرح لكم هذه المشكلة لانني رايت فيكم سداد الرأى و الحكمة في ردودكم علي المشاكل:
بديت الشغل في مكاني الجديد من سنوات ... طبعا لما بديت كان في المكان موظفتين يشتغلون من أكثر من 14 سنة في هل مكان و هم اكبر منني سنا ولكن انا صرت مسؤولتهم بحكم شهادتي و خبرتي
طبعا هم من البداية ما عجبهم هل شي لان شافوا قاعدة اسوي تغييرات في المكان:
هم كانوا يداومون علي مزاجهم و الشغل كان معظم الوقت متعطل و لو كانوا ينجزون الشغل كان للاسف من غير جودة و طريقة تعاملهم مع المراجعين فظه و كانوا يخلون الواحد ما يرجع لنا مرة ثانية... و هل شي كان في صالحهم عشان ما يشتغلون و ما يكون في شغل اصلا
طبعا حسيت ان صعبة اغير من اطباعهم (مع انني حاولت) فبديت اجيب موظفات جديدات متخرجات من جامعات برع و بديت اعلمهم الشغل و الحمداللة قدرت في مدة قصيرة ازيد من الانتاجية في المكان و اسوي لي و للمكان سمعة جيدة و لله الحمد
مشكلتي انهم ما قدرو يتقبلون هل شي : الاولي من تحت لتحت تشيش الثانية .. و الثانية الله يهديها ناقصه عقل و اسلوب:
بدت زعج زميلاتها الجديدات و ترفع صوتها عليهم و تقل ادبها معاهم و وصل الموضوع لدرجه انها تقول لهم انتوا تشتغلون عندي لانني انا هني من اكثر من 14 سنه
انا حاولت في البداية انني اوقفها عند حدها بس للاسف مدير القسم معاهم لاسباب شخصية و واقف عاهم
هل ثنتين يجون بكيفهم و اول ما يجون الدوام سيده علي غرفه الاستراحه و يتريقون و عقب الفطور دق سوالف و ضحك و مو بس ما يشتغلون ... يزعجون الموظفات اللي يشتغلون
مدري كيف اتعامل مع الثانيه بالذات لانها: كسولة, قليلة الاجب, صوتها مزعج و تستخدم صوتها كسلاح ضد الغير, معاملتها ما فيها احترام, مو قادرة تسوي شغل, و لا راضيه تنتقل لشعبة ثانية
و الفترة الاخيرة تمادت و واصلة لدرجه انها بالعمال تبي تزعجني و توقف يم باب مكتبي و تسوي نفسها تتكلم بالتليفون و تتكلم بصوت عالي , و انا شغلي معظمه قراية و كتابة تقارير .. مدري شسوي وياها
رجاء محد يقول تكلمي وياها لانني في هل 4 سنوات يا ما تكلمت معاها ولكن لا حياة لمن تنادي
ما اقدر اكتب عليها تقرير لان رئيس القسم وياهم
بس واصلة حدي و ابي حل لان هل شي قاعد ياثر بشكل سلبي علي العمل و الموظفات الجدد
تحياتي لكم

تجاوزي رئيس القسم وقدمي تقريراً أو شكوى لمن هو أعلى منه.

__________________


اللهم طِيبَ الأثر .. وحُسْنَ الرحيل.

شكرا أختي علي ردج
حاولت اتجاوز رئيس القسم و أكتب عنها تقرير ... بس رئيس القسم وقف وياهم ضدي و انتهي الامر بانه كتب تقرير سلبي عنني و حطوه علي ملفي
الفساد الاداري الموجود في هل مكان اكبر وايد مما تتخيلينه
و رئيس القسم ما يبني في المكان لانني بديت اعمل تغييرات و احاول اشتغل قدر الامكان لان شغلنا التعامل مع حياة الناس

ما فيه حل -
إلا أن وحده منكم تنتقل من هالمكان 00
وبما أن رئيس القسم في صفها- فاشتغلي عليهم -
وخليه ينقلها لقسم اخر او مكتب ثاني - يرقيها يعني

شوفي فيه بنود في النظام العام - انقليها نظامي -
بمعنى دوري لها تصريفه نظاميه ومحترمه و بنفس الوقت ما تقدر تقول لأ لأنه في مصلحتها 000

وومن رأيي - لا تحاولين تتمشكلي معاها ابدا

__________________

حاولت انقلها لقسم ثاني الشغل فيه مريح و اداري ... بس ما تمت اكثر من شهرين و ردت لان هناك الكل تكلموا عنها و انها ما تشتغل و لان ما تقدر تاخذ راحتها في غرفة الاستراحة مثل هني
مدير القسم رضي انها ترد و بدت مشاكلها معاها
اوافقك الرائ انني مو لازم اتمشكل معاها ... بس للصبر حدود عزيزتي

الله يعينك أختي

التطنيش افضل شي لحالتها , وانتبهي تتمشكلين معاها , احس اسلوبها وطريقتها انها تجي عند بابك وترفع صوتها تبي تستفزك علشان تتمشكلين معها وبعدها مجهزه شي بيكون ضدك .
طنشي وقولي للبنات اللي معاك يطنشون


طيب اللحين لو رفعتي تقرير ما يوضح انه شغلهم موقف وان الموظفات الجدد هم اللي مسوين الشغل ؟

__________________

شكرا علي اهتمامج اختي
انا عندي دليل ان شغلهم موقف و الموظفات الجدد هم اللي مسوين الشغل
بس اللي فوق مدير القسم بعد مثله : فساد اداري و اهمال و تضييع للمال العام
عزيزتي انا اقدر اطنش اللي يسوونها معي ولكن كيف اطنش تقارير المرضي اللي ما تنكتب بموعده؟ و الاسلوب اللي يعاملون فيه خلق الله
أدعي لي

سبحان الله هذي الأمور نحصلها كثير لاسف ولكن يظل الخير موجود وأمثالك الحمد لله كثير

أختي حاولي تسايسيها يعني قللي المشاكل معها وحاولي ان تكسبيها وإذا عملت حاجه في العمل أمدحيها يمكن هذا يكون خير لك ولها وللعمل

الجدال مع هذي النوعيه من الناس صعب وراح تتعبي نفسك وأعصابك ويمكن تخسري عملك بسببها

الكلمة الطيبة والابتسامه لها مفعولها

الله يهدي الجميع

بما إنه المدير معهم و في صفهم ، فأرفعي ( تقرير فيه شكر و تقدير ) للموظفتين
أكسبيهم لطرفك ، لحد ما يصير المدير منحاز لطرفك و يشيل من باله إنك متضايقة من كسلهم

وقت ماتكسبي الموظفتين ، و تكسبي المدير في طرفك ..
فراح تقدري تعملي اللي تريديه بسهولة

العمل يبغاله سياسة و دبلوماسية
و الله يعينك عزيزتي

بجد الله يعينك لو انا مكانك أنجلط من زمان خخخ
ماقول غير الله يهديهم بس

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو