أخي الله يعوض عليك....
كان عندي شك من اول ماقلت انك بتكلم الشرطه واختلقت المشكله وقالت لاتجي البيت! كل هذا تشتيت لفكرك عن البلاغ
ان شاء الله انا مانظلمها... العلم عند الله

لكن شف كلام الأخ/الأخت بحر العطاء واقرأه اكثر من مره وخصوصاً آخر جمله....
الإنسان عندما يكون تحت ضغوط يتصرف تصرفات على غير طبيعته ويصدم اللي حوله لأن ما احد يدري عن قوة تلك الضغوط اللي يمكن تصل به لحد التهور

نصيحتي تطلب الله العوض واهم شيء تتأكد فلوسك لمين راحت!!!

سبحان الله .. ليش مكبرين الموضوع كذا هذي وحده اعطيتها عمرك وحياتك..لنفرض انها أخذت الفلوس خلاص ماتستاهل الحياة..

وليش تدخلون الرجال في مواضيع خاصة والبيوت اسرار.. قولوا خير أو اسكتوا..

صدق بالحلف وعيش حايتك عادي.. معك قصتك توجع في القلب.. بس من عفى واصلح اجرة على الله فمابالك بالزوجة..

خلك قدوتها والايام راح تبينلك أن تضحيتك ماراحت سدى.. ومن اليوم حرص ولا تخون.. والي عند الله أحسن..

__________________

اللهم إني استودعك المسلمين في كل مكان.. فإن ودائعك لا تضيع..
اللهم ارزقني سعادةً تجعلني أسجد لك باكية.. وارزقني بعدها سعادة لا تنضب أبدا .. اللهم آمين برحمتك يا ارحم الرحمين ..

حرام عليك لا تظلمها وحتي لو اخذته سامحها ولا اتزعلها واذا عملت كذا اكيد رح اتصارحك بس اتحس بالامان بعدين هي اعطتك عمرها كله شنو فلوس

آسف لكن حكاية انها وهبته عمرها لا يعني ابدا ان نبرر السرقة لان هذا السلوك مشين جدا فكيف يأتمنها على نفسه و اولاده و كل شئ و هي سارقة. طبعا لو فرضنا انها هي التي سرقت و لهذا عليه ان يتاكد و يكون حازما معها لو كانت كذلك

__________________
الحمد لله

السلام عليكم ياخي انا لدي ان شاء الله الحل الحل هو ان تاخذ زوجتك من منزل اهلها وتخرج بها في اي مكان اخر يهداء اعصبها واعصابك ثم ابدا بلكلام بهدواء ان كنت ترغب في الحقيقه بلطف يظهر كل شئ تقولها انا اسف ولاكن ارغب في المعرفه من اخذ الفلوس ان كان انتي اعلميني انا زوجك لست بغريب فقط ارغب في الاعتراف من اجل نستمر في حياتا بثقه اثق فيكي وتثقين في ان كان انتي فاخبريني وساسمحك على فعلتك حتى ولو كنت واثق انها هي من اخذته اتركها هي تعترف اذا اعترفت لن تكررها وقل لها ضعي نفسكي في مكاني لو انتي جمعتي هذا المال وتعبيتي على جمعه هل ترضين ان اخذ منه من دون علمك ثم قرر انت ماذا تفعل بعد ذالك.......بليسر لابلعسر......وشكرا

500 ريال ممكن تطيح من المحفظه وممكن ينسى وين صرفها..

لكن 20000 مستحيل ينسى او تطيح من دون مايحس
بعدين الاخ متأكد انه يخبي فلوسه في مكان معين ماعمره غيره ولافكر يغيره...واساسا ليش يغيره

بصراحه كل الادله ضد الزوجه...لانها تعرف مخبأ الفلوس..والمبلغ المفقود قريب جدا من المبلغ الي طليته..واخيرا واكبر دليل
طلبها من ان ياخذها الى مكان عشان تتسلف فلوس...واعتقد ماراح تتسلف راح ترجع الفلوس نفسها وتوهمه انها اتسلفتها..بعد ماشافت منه الغضب والضغط عليها باسترجاعها..
وانصحك اخوي قبل لاتوديها المكان الي تبيه فتشها من راسها الى رجولها ممكن تكون مخبيته وبعدين تطلعه على اساس انها اتسلفته...

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

لاحول ولاقوة الا بالله هي لهذي الدرجه غبيه يعني طلبتك قبل يومين مبلغ كبير لصاحبتها بعدين تاخذ 20000 ريال من جيبك يعني لهذي الدرجه شايفتك مغفل اكيد انك بتفقد المبلغ لانه كبير واكيد انها اول وحده بتشك فيها كونها طلبتك مبلغ مقارب له قبل بيومين و كونها الوحيده في البيت الا اذا كنتم اثرياء والمبلغ هذا عادي عندكم لدرجة انها ماخافت انك تفقده يااخي طالع في عيونها قلها يابنت الناس اذا اخذتيه انا مسامحك بس اعترفي ولاتشككيني فيك لاني ماراح اسامحك عليها لو عرفت بطريقه ثانيه اذا انتي تكلمي اذا اصرت انها ماهي هي اعتذر منها وقلها فتشي البيت كله لايكون حاطه في مكان ثاني يصير اذا مالقيناه بنبلغ الشرطه
يااخي انتبه تكون ظالمها لان موقفك بيكون بايخ المبلغ كبير ويرغب اي احد يسرقه او من حرصك حطيته في مكان ثاني او في جيب ملابسك اواهلك او اي احد
والاخوان اللي تركوا الموضوع وراحوا للصلاه الحرمه تابت وصارت تصلي اتقوا الله ولاتشيشون الرجال على حرمته

صراحة لو انا مكان الزوجة المفروض إني أفرح بحكاية تبليغ الشرطة بل وأعجّل في طلب الشرطة كي تظهر برآتي.
ولكن تصرفّها صراحة أكد بأن لها يد في الموضوع سواء من بعيد أو قريب.
أنا أرى والرأي لك
- بأن تراقب هاتف البيت ورسائل جوالها.
- تتعمق في الحيل النفسية لكي توقعها بلسانها ، ولاحظ بؤرة عينها إلى أين تتجه ؟ إن ذهبت العين للزاوية اليسرى العلوية من ناحيتها _من ناحيتك انت تكون اليمنى_ فهذا معناه انها تستدعي مركز الذاكرة من الدماغ وبالتالي فهي صادقة ، إما إذا ذهبت عيناها للزاوية اليمنى العلوية من ناحيتها -اليسرى من ناحيتك- فهي تستدعي مركز التخيل من الدماغ وبالتالي فهي تكذب عليك. (المعلومة هذه اخذتها من دورة لتحفيظ القرآن).
وغير كذا أنا اللي مخلي الفار يلعب في عبي التدخل الفوري لأمها وجدّتها مما اعطاني احساس بأن الفلوس لهم وليس للصديقة .
على العموم هذه احتمالات قد تصيب وقد تخطئ ، وخليك بالجانب الآمن ، واجعل لك خط رجعه

والله يعينك على ماأصابك.

أعانك الله

على هذه القصة قيس باقي أمور حياتك

ومادام كذبت كذبه كبيرة زي هذه مااستبعد تسوي شي ثاني اكبر

حط نفسك مكانها
افرض انك اخذت المبلغ لأي سبب كان ، و كنت حاطط في بالك انك ترجعها من غير ماتعرف ، ولكن سبحان الله انكشفت بدري وتلخبطت حساباتك ولاأرادياً بدأت تنكر الموضوع ، وبعدها دخل في الموضوع والدتك ووالدة والدتك فأصبح الاعتراف ليس صعب فقط وانما مستحيل ، أخبرني الأن لو أنت مكانها متى سوف تعترف على نفسك ؟

أنا أرى انه عندما احصل على الآمان وعندما يهمني الشخص الآخر سوف أعترف لأنه اعترافي وقتها سوف يعبر ندمي وحبي لهذا الطرف (الزوج).
ترى اخوك (اللي هو أنا ) بعد عشرة سنين وتعمق الحب والحمد لله والله يبعد عنا شر العين والحاسدين ، صرت كل فترة أسمع اعترافات ( فلان معليش ترى ذاك اليوم سويت كذا وكذا ، وأكون انا ناسي الموقف وعندما اتذكره ازعل حبتين وبعدها اسامحها )
والله هو الموفق.