الأمل والنور شكرًا لك ..

ارجوا من الادارة اغلاق الموضوع فقد استوفي حقه من النقاش ..

كما أني ويشهد الله أخشي علي دين البعض هنا ..

وان يقع فيما حرم الله بسبب هذا النقاش والغيرة علي الدين بغير علم ..!

استغفر الله لي ولهم ولسائر المسلمين من كل ذنب ..

[[/QUOTE]
يغلق الموضوع

__________________
أشتقت لكم جداً 💔

مع إحترامي للأعضاء الي يهاجمون ويعصبون ..

أقولهم لا تدخلون الموضوع ومو شرط تحطون تعليقات ..؟؟؟!!!!

ومع كامل إحترامي لهم :

أحسهم يسألون ويستفسرون ويدخلون الكلام ببعض ويركزوا على جزئية معينة

ويصدرون أحكام غير عادلة نتيجة الفهم الخاطئ ..!

الأخت شرحت ووضحت وجاوبت على كل التساؤلات , وما زالوا يصرون على مواقفهم ..

وكانهم يحاولون إقناعها ..؟!!

خلاص الموضوع صااااااااااااار وانتهي , وهي ادري بنفسها , وادري بأهلها , وادري باحداث موضوعها

بتقنعونها على ايش ؟ وبتفرضون عليها أراء ما تناسب حالها ..!!

وبعدين لا تنسون يالي تقولون إن كلامها متناقض إنها قالت في بداية الموضوع :

" إن الموضوع مشفررررر " وكررت هالكلام في الردود ..!

يعني ريحتكم من البداية من التفكير باشياء غير مهمة وركزت لكم على المهم بس ..!

ويالي يقولون تعلمي المراهقين :

أعتقد إن المراهقين متوفر لهم أساليب وروايات أكثر جراءة من هذى الحكاية المشفره ..

والأخت كما وصفت حالها بعدين حتى بعد ماتزوجت وهذا شيءجميل ويبطل دعواكم ..!

وكمان استغرب من الي يقولوا مو باين الندم :

بالعكس من أول مرة قراءة فيها موضوعها حسيت بندمها جداً , وتاكد لي الإحساس من ردودها ..

وقبل كل هذا عنوان الموضوع يدل بشده على الندم ..!

وما أقول إلا :

الله يعينها ويصبرها وهذا قضاء وقدر وكل إنسان يأخذ نصيبه ..

بنت متعلمة ومثقفة جداً "وهذا ايضاً لمسته من ردودها " ومن عائلة , يكون هذا قدرها ..!!

شي مؤلم صراحة , ولكن لكل شيء سبب والله وحده يعلمه ..!

واقول لك ياغزلان :

ممكن يكون هذا ايضا خير اقدارك من يدري ؟ فكل محنة في داخلها منحه ..

والله الهادي والموفق لكل خير ..

أوافق ام سفيان بكلامهما واقول لك همسة أخيره :

وينــــك عن ربـــــك؟

عن أنس بن مالك رضي الله عنه قال: سمعت رسول الله - صلى الله عليه وسلم - يقول: قال الله تبارك وتعالى: (يا ابن آدم إنك ما دعوتني ورجوتني غفرت لك على ما كان فيك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة) .
هـــذآ كلام ربـــك .. مو كلام بشـــر

اش تبغي اكثر ؟

تبتي ؟ توبتك كآن مع نيه وندم واصرآر ؟
الحمدلله ..

التآئب من الذنب كمن لا ذنب له ..

كل الي عليــك الحين :

تتقربيــن من ربك ..

أهــــــــم شي
ركعتيـــن قيآم الليل فالثلث الاخيـــر ..
وادعي فييييييييهم بالي تبينه .. ربك يسمعك.. خلي توآصلك ويآ ربك مبآشر مآعليك من البشر كلهم !

الزمي الاستغفــآر طوووووول اليوم والتسبيح والتهليل والصلاه على الرسول .. ولا حول ولا قوة الا بالله ..

اذكـــآر الصبــآح والمســـآء و النوم .. خذي لك كتيب صغير من اي مكتبـــه ..

قرآءة القرآن..

تصدقي بدون لا احد يـــــــــدري .. كل يوم ع قد مآتقدرين ..

صومي تطـــــــــــــــــوع ..

والزمي صلاتك بـ وقتهــآ
ومتى مآتضآيقتي قومي ع طول بدون تفكير .. توضي وصلي ركعتين والي بخاطرك قوليه لـ ربك

وانتظري الفـــرج

وافضل العبــآدآت انتظــــــــــــــــــــــآر الفــرج


عسى ربي اييسر عليك امورك كلهــآ .. ويرزقك من حيث لا تحتسبين ..
ويستــر عليك دنيـــآ وآخــــــــــــرهـ ..

مآفي أحلــــى من القرب من الله .. جربي ومآبتندميـــن ..

وبشرينا عنك ^ــ^

كاااان الله في عوونك
حزنتيني عليكي كثيررر

واللي قالك عن الابتعااث راااي سليم جدا
الله يفررررج همك عاااجلا

عليك بسهام الليل والاستغفار

((قلت استغفروا ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا ))

__________________

أسرعا بالتقديم أنت وزوجك ولا تلتفتا لشرط الابتعاث الخارجي إذا لم ترغبان به

فعلى حد علمي أن التخصصات الإسلامية والعربية مستثناة من هذا الشرط

__________________
إلى الماءِ يسعى من يغَصُّ بلقمةٍ ::
إلى أين يسعى من يَغَصُّ بِمَاءِ؟!

والله يا غزلان كان ودي أساعد ..

بس من جد تخصصاتكم تربوية مالكم الا انتظار التعيين

وأشوف لو ترجعين الصالون افضل من الفراغ ، والصالونات رواتبها نسبية

يعني ممكن يطلعلك مرتب عالي في بعض الأشهر ..

علي حسب شهرتك بين الزبائن ، والي اعرفه انه لايقل عن 10000 ريال في المواسم ..!

وبعد ما تحققي الشهره تشتغلي لحسابك وتتركي الصالون ..

او توقعي عقد موسمي مع الصالون يعني تداومي بس في المواسم بنسبة معينة

ما انصحك أبدا بالمرتب المحدد لانه ما يحقق اي ربح ..

استمري بالصالون فالارباح خيالية و تتجاوز في الإجازة 60000 ريال في الشهر الواحد

وهذي أرباح صالون اختي وهو ماله شهره واسعة ..

فما بالك بالصالونات المشهورة ..!

واحنا الان مقبلين علي موسم والأسعار تتضاعف فيه استفيدي من قدراتك وخبرتك افضل لك..

و ياليت لو الادارة تسمح تتواصلين معاي ..!

__________________
في صدري ضيقة ~~

جعلها في صدر منهو تسبب فيها ~~

غزلان
مشكله .. مشكله فعلا
قبل ماارد عليكى نصيحتى لكل الاباء والامهات
لاتتركوا اولادكم وحدهم دون رعايه او مراقبه
كلامى للاجداد اشد
انتم تحنون على احفادكم وتتركوهم بحريتهم حبا فيهم ولكن من الحب ماقتل
مايبنيه الاباء فى سنين يهدمه الاجداد فى ايام
انا جد .. ولكنى انصح الاجداد وانصح نفسى الانترك الحبل على الغارب لاحفادنا ونتركهم يلهون كما يحلوا لهم
ربنا يستر على بناتنا واولادنا
اما انت ياغزاله مادام حدث ماحدث فلا ينفع اللوم ولاالتقريظ ..
تزوجتيه ولم تكونى تعشقيه ولقد اعتقدت وانا اقرا مشكلتك انك احببتيه حب مراهقه ولكنه الفراغ وعدم المتابعه من الاهل والكل مخطئ ولن نبرئ احدا .
ما عليك سوى الصبر على اهلك واهله واحتمى بزوجك فلا سند لك الان الا هو ..
حاولى ان تقنعيه المره تلو الاخرى بضرورة عملك ولو لفتره حتى يتحسن مستوى معيشتكم واعتقد بعد فتره مع حسن العشره سيرضى عنكم الاهل خاصة عند انجاب اول مولود لكم.. فلا تعلمى غلاوة الاحفاد عند الاجداد ولكن لاتكررى خطا اجدادك وتتركى الاولاد عندهم مدد طويله بدون متابعه او رقابه
نرجو ان نسمع عنك اخبار سعيده قريبا

اخت غزلان ...مشكلتك ليس الخطاء الذي ارتكبتيه مشكلتك مشاكل الحريم يعني امك وزوجك عمك مايحبون بعض ...ولكن بكل امانه كوني مع زوجك مبسوطه ...وبعدين انت تحملين شهادة جامعية وزجك كذلك ....والوقت والله ينسيهم ويرجعون لك ....بالنسبة حاولي تواصلي مع اهلك اما مع اهل زوجك اتركيهم عادي حتى يجون لحدك....ولك الف تحيه اخوكد. مازن

عن اذنك اختي غزلان بس مانب مستوعبه اللي يقولون انك تشجعين على نشر الفاحشة وقصتك تبين انتصار الحب!

الحين كل اللي شرحتيه عن المشاكل والضرب والاهانات اللي تعرضتي لها قبل الزواج والمشاكل والحاجة والتعب بعد الزواج وتعتبر قصتك تشجيع؟! هذا غير انك صرحتي بانه كان حب مراهقه وكان ممكن تتجاوزنيه لكن غلطتك انك قللتي خياراتك ! يعني بالعربي قصتك فيها عظه وعبره لكل مراهق ومراهقه يقرونها بانهم ما يكررون غلطتك..

لا تتضايقين لان كل شي بالحياه له جوانب ايجابية وسلبية يعني المنتديات فيها ميزة انه محد يعرفك وتاخذين راحتك بالتفاصيل لكن العيب انه كل من هب ودب يجي يرد فلازم تتعلمين اسلوب الفلتره يعني اي تهجم ردي بكلمتين ولا طنشي حتى ونقي الردود اللي تحسينها منطقيه ومقنعه.. وصدقيني لو رجال اللي كاتب الموضوع الكل بيشجعه انه صلح الغلط وتزوج والكل بيعتبره تاب ويدعيله لا تخافين هذا هجوم عادي لانك بنت..

الحين نجي لك .. اولا اختي لازم تعرفين انك محظوظه جدا جدا.. كثير بنات غلطو وتوهقو يعني انتي ولد عمك بصراحه طلع رجال بكل ما تحمله الكلمة من معنى وقف بوجه الكل وحتى الضرب اخذه عنك ودافع عنك باللي يقدر واللي مايقدر عليه.. راح وتكلم مع جدتك بدون ما يشاورك وتصرف وتحمل المسؤوليه لين تزوجك غصب عن الجميع.. اختي ترا هالنوعيه نادرة الاغلبيه بيتوهق ويحاول يتهرب بالذات اذا فيه ضغط من الاهل واذا كان قلبه طيب بيقعد يتألم لحالك بس مارح يسوي شي وانكانه ماعنده احساس بينساك ويطنشك لكن زوجك غير .. اسمحيلي انا جدا جدا معجبه فيه هذا غير انه خلال شهر من الزواج تصرف ودبر وظيفه وبيت مهما كانت بسيطه بس برضوه ما رضا الا انه يكون قد المسؤوليه ويفتح لك بيت ويصرف عليك.. ولا رضا لك البهذله وشغل اخر الليل بدل ما يقول خليها تساعدني بقرشين! اختي هذا الرجال اللي ينشد فيه الظهر واحمدي ربك انك تزوجتيه لانه صدقيني من خبره لو تلفين الدنيا قليل تلقين رجل بهالمواصفات..

احمدي ربك بعد انه خريج جامعي وما توهقتي مع واحد معاه ثنوي ولا بنص الجامعه وقرر يترك الدراسه.. انا جدا جدا ارشح فكرة الابتعاث كاني فهمت ان معدلك اعلى من زوجك خلو اللي معدله اعلى هو اللي يقدم والثاني يكون مرافق بالبدايه.. روحو حتى لو ما قدرتو تدرسون على الاقل اقعدو سنه او سنه ونص وخلصو اللغه وارجعو بس فترة تغيير وبدايه جديده لحياتك.. ولو ما قدرتو تدرسون الماجستير اكيد اللغه بتساعدكم بالوظايف..

وبالنسبه لاهلك رغم اني ابدا ما اشجع الانجاب الحين وارشح الانتظار لين تستقرون وتضبط اموركم الماديه لكن اتوقع انه اذا جبتو طفل اهلكم بيتغيرون فما احب من الولد الا ولد الولد وياما ناس كانو غضبانين على عيالهم ولما شافو احفادهم نسو كل شي..

اختي ربي اذا احب عبد ابتلاه وانتي ربي يحبك استغلي هالابتلاء عشان تثبتين لربي انك صابرة وراضيه بكل ما يجري عليك.. خليه يكتبك عنده من عبادك الصابرين وطبعا الاستغفار ودعاء الليل واخر ساعه من نهار الجمعه لا تتركينها ابدا ابدا فالدعاء يسوي المعجزات وربي يحب العبد اللحوح والاستغفار يرزق اموال وبنين كما ذكر في كتابه الكريم..

انا اقول لو ما طلعتو بعثه وزوجك تعين ارشح له انه يدرس لغه وكمبوتر ويشوف له وظيفه بقطاع خاص اتوقع الرواتب تكون اعلى لكن ماعرف كيف وضع تخصصه..

الله يوفقكم ويسعدكم ويهدي بالكم وتمسكي بزوجك لانه رجل والرجال قليل..

__________________