__________________

يَا ذِكْرَيَاتِ الصِّبَا عُودِي لِذاكِرَتِي

فَقَدْ يَجِدٌّ إِلَى لُقْيَاهُمُ أَمَلُ

الاخبار العاجلة

الله يعينك ويصبرك
خلك شديد معهاااااا لاترخي
خصوصا أنكم ببدايه
اذا انت شديت عليها وصرت قاسي ورايك ماتغيره
بتكون كذا تعودت على هالشي

بقولك قصه واحد من الجماعه
زوجته عوووووووووبا وزعلت وراحت لأهلها
المهم الرجال اندبلدت كبده
وراح اخووه يخطب من جيرانهم
الحرمه من عرفت انه يخطب انهبلت
ورجعت لبيتها
وصارت سسسنعه

__________________
ياقبر وش ضميت من ذيك الاجســاد
الله ياضمـٓـه أبوي الحنونه

اخوي

مع اني والله ما الومك على جفاف اسلوبك معها ببعض الاحيان
لكن .. بما انها قاعدة تتحسن شوي شوي .. فحسن اسلوبك انت بعد
عشان ماتتحطم هي وتقول اسلوبه هو هو خدمته ولا ماخدمته وشو له اتعب نفسي
يعني مثلا المفروض يوم سوت لك القهوة تمدحها بكم كلمة لو من لتحت ..
تحسسها انك تشوف بها حسناتها مو بس عيوبها .. انتبه اسلوبك لا يظل نفسه

وشي ثاني مهم : تبيها تتغير بس مافي احد يتغير بيوم وليلة ... ابدا بالاهم ثم المهم
يعني انت سوت قهوة ما مدحتها بعدين غسلي ثيابي غسلتها بعدين اكويها ردت الفجر
شوي شوي لا تدقق بكل شي وتعطيها اوامر ورى بعض انتبه ترى تحس انك تستفزها كذا

الله يسخرها لك ويجعلها قرة عين لك ويجعلك قرة عين لها ويالف بين قلوبكم
امين

__________________
شتان .. بين من تسيره مبادئه ، ومن تسيره مصالحه

بالعكس زوجتك عسل تهبل بسم الله عليهاا شوف ماشالله عليها سوتلك القهوه من دون ماتقوولهاهذي هي
البدايه ماراح تتعدل من يوم وليله اصبر عليهااا شوي
وبعدين تقولك انت ماتوضي وصلاتك سريعه يعني هي تقتدي فييك استغل هذي النقطه
زوجتك سريعة التاثيير بسرعه تتأثر
اذا جيت بتوضي حااول توضي قدامهاا وارفع صووتك (قوول لااله الا الله) <<<<<يعني ياعالم قوموا صلوا
واذا جيت بتصلي صل قدامها كوود يليين قلبهاا وارفع صوتك وانت تقرا خلهاا تسمع الايات واثبتلهاا
انك احسن منهااا

واسلوبك خلك جاااد معهااا اكثرر لانها بأسلوبك هذا بتاخذ الوضع عادي وتتمادى

يبدولي إنها قابله للتغيير ..
واصل .. ويبغالك نفس عميق وحلم وصبر طووويل للترويض ..
لكن قبل كل شي :
علاقتك مع الله يا أخي ..
(( من أصلح مابينه وبين الله , أصلح الله مابينه وبين الناس ))
الدعااااء..
أقوى سلاح للأصلاح ..
والأستغفاار ..
مع الأخذ بأسبااب التعامل معها..
أصلح الله حالكم ..

__________________

لاحول ولا قوه الا بالله
اخوي هذا مو اسلوب تنقل لنا بس احداث اليوم وبكذا مارح توصلون لحل
ضروري تجلس معاها وتكون شوي حازم وخليها تحس انك هاذي المره غير كل مره
الموضوع جدي ولازم تتخذون قرار عشان حياتكم

ولازم تعرف انه يلزمك الصبر الكثير فوق صبرك وتقتنع انه التغير مارح يكون بيوم ليله يعني خطوه خطوه
الله يعدل احوالكم وان شاء الله جديدك يبشرنا بالخير الكثير

السلام عليكم
أخي الكريم إذا أردت التغيير عليك أن تسعى إليه ، عليك أن تحسن نفسك أيضا قبل زوجتك
يجب عليك أن تغير من بعض طبائعك التي تزيد الطين بلة
عليك اكتساب الهدوء، في الكلام و الأفعال ، لكي تصل لأهدافك
لقد تجاوزت نقطة مهمة و هي إدخال أهلك في المشكلة ، أنا أرى إذا أعاب أحد أفراد الأسرة زوجتك أن لا تكون معها و لا عليها ، كان يمكنك أن ترد بأنك ستحاول إصلاحها
وتذكر زوجتك ليست عدوك بل هي نصف دينك فإن أحسنت إليها فقد أحسنت دينك
زوجتك صغيرة في السن ، هي كالعجينة في يدك أنت من يصنعها كما يريد ،أفسدتها في البداية بالدلال لكن يمكنك تدارك الأمر فلا تعجل في الحكم عليها
البلاك بيري أرى أن تتخلص منه لأن خطير في يد مراهقة 0أقصد زوجتك0 ، حاول أن تتخلص منه بطريقة غير مباشرة

لا لالالالالالا تدخل أهلك في الموضوع و لا تشتكي إليهم

تذكر دوما في حياتك و في أي مجال أن بعد العسر يأتي اليسر

__________________

	رأيي يحتمل الخطأ

1) إصلاحها للقهوة دليل إحساسها بالخوف منك..وهذا شيء حسن.
2) يا ليتك أجبرتها للقيام إلى الصلاة، وهذا هو الأهم...حاول أن تراك تتوضأ أمامها، وادعها للوضوء والصلاة أمامك..لا تتهاون في الصلاة أبداً.
3) اجعلها تكوي الملابس، ثم امدحها بقولك (جزاك الله خيراً)، ولا تزد عليها..وامدحها لأفعالها الحسنة في الأيام القادمة.
4) أخرج أختك وأهلك من الموضوع..واحذر أن تنصحها أختك؛ كي لا ينقلب الأمر ضدك، وليس كل النساء يقبلون النصح من أهل الزوج، فانتبه لهذا.
5) لا تدخل معها في جدالات عقيمة، وإنما اكتفي بالأمر وتوجيهه، ولا تناقش وإن حاولت أن تناقشك إلا إذا رأيت النقاش مهم.
6) وافنا بالجديد من جبهة (متورط بمرتي).

فيها شوفة النفس يجوز ! لكن

انت تراك منت خلي فيك كبررره ..

اعتقد زوجتك لصغر سنها ولجهلها ويمكن من طريقة حياتك معهاا اعتبرت تدليعك لها بس لجل تشوف حالك عليها وانك قادر وسويت لها اللي ماسووه اهلها ولا ازواج خواتها لها ومن هالكلام

فماحسته انه لها كل هالدلع مو لسواد عنونها لا لجل ترضي غرورك انت لااكثر "انا اقول احتمال هيك "

ونتيجة كل ذا تصرفات زوجتك معاك

انت راجع نفسك وتصرفاتك معها من اول شهر ان لاحظت انك كل شي منيته عليها بوقت الزعل فاعتبر نفسك ماقدمت لها شي لجل تحاسبها عليه

كل شي بمنننه ينعاف

حبها لنفسها ودلعها لنفسها مو تقدم لجل تنتظر الجزاء ع طول ولا انتي فيك وفيك وماتسوين ومن هالتجريح

شي ثاني البنت صغيره .. ماعليك من اللي يقولون بعمرها وفاتحين بيوت و وو وهالخرابيط

زوجتك مدلعه ببيت اهلها فتحملها اذا جد تبي حياتكم تمشي

وامش معها حبه حبه ..

البنت يمكن جد حامله بقلبها مثل اللي انت حامله واكثررر بس مهي مثلك ع الطالعه والنازله تعاتبها او تنتقدها او تعلم اهلك او اهلها كل شي استخدمته وهالشي يسبب لها تبلد بالعكس مايخليها تتعدل تقول فاضحني فاضحني وشوله اتعب عشانه

خذ مابخاطرها قالت لك انت فيك شوفة نفس اسمع لها لو مره بجديه بدون استظراف وبدون تجريح وقول قولي كل اللي بخاطرك علي من تزوجنا لليوم وحسسها انك جاد بليز لاتجرحها بكلامك ولاتتضحك ولا شي امسك يدينها وحط عينك بعينها وقولها كلمتين حلوه وبعدها قول اطلبك طلبه تقولين كل اللي بخاطرك علي ونبهيني لكل شي غلطت فيه بحقك وخلاك تعامليني كذا

حسسها انها مظلومه حتى لو انت حاس العكس .. وان فضفضت وبكت بعد لاتستغرب

وان قالت اصلن مو هامني انت لجل افضفض لك و قول انتي هامتني احرجها بكلامك وخلها تفضفض وان رفضت

قول الا ترسلين لي ايميل فيه كل اللي بخاطرك علي اذا اريح لك كذا وخذ وعددد منهاااا ترسله ولزم عليها بهالشي

اتوقع بتتضح لك اشياء واجد انت غايب عنها لانك حاط نفسك المظلوم وبس فمركز على عيوبها

انا ماشوووف كل اللي تسويه الا (( رددددة فعل ))

لان مافيه انثى تقدر توصل لهالمرحله من اللامبالاة بكل شي الا ان قلبها مليااان وتعبان

بليز اذا شاري بيتك خذ مابخاطرها كلللله قبل تاخذ نصايح العالم باللي لازم تسويه معهاااا لانك سويت وكفيت ووفيت وكل شي سويته

خل زوجتك مره تسوي وتقول مابخاطرها بدون تتحرش فيها لجل تنفعل ويتطاول لسانها وتقول عوبا وطويلة لسان

تعالها بالحسنى وشووووووف

شي اخير

نومها بهالشكل يمكن انه هرووووب منك او البنت مكتئبه فتهررررررررررررب من الواقع بهالشي لاتستبعد شي

الله يسخركم لبعضضضض

__________________
(وَقُل لّعِبَادِي يَقُولُواْ الّتِي هِيَ أَحْسَنُ إِنّ الشّيْطَانَ يَنزَغُ بَيْنَهُمْ إِنّ الشّيْطَانَ كَانَ لِلإِنْسَانِ عَدُوّاً مّبِيناً) الإسراء"53"