تعوذي من إبليس وشره فهو يدفعك..
إلى توتير حياتك الزوجية في أمر لا يستحق..
لاتخسري حياتك لاجل شئ تافه..

__________________

بما أني من المعارضين لحصول الزوجة للآيفون و أخوه البلاك بيري

سأسألك سؤال ماهي حاجتك الفعليه للآيفون

__________________

سيلا / هو اللي طلع مو أنا ..
و هو اللي زعل لانه عارف انه غلطان و لا يبغي نقاش ..

...

نهار التجديد / طيب ايش حاجة الزوج بالاي فون ..؟!!
أنا رضيت بالأمر الواقع ،، لكن اللي يقهر ليش يخالف كلامه
ليش علينا حرام و عليكم مباح ..؟!!

أختي الفاضلة أنا لم أسأل زوجك أنا سألتك
و لم تُجيبي على سؤالي
ممكن تُجيبي على السؤال

__________________

معليه باجاوب نهار التجديد ..
و اغششها

الايفون ( أداة ).. انوجدت لتسريع و تسهيل الخدمات ..
تدري انه اخواتي كلهم عندهم ايفون و حريم اخواني كمان
و اخواني الاولاد ماعندهم الايفون لعدم حاجتهم له ؟؟؟

غريب تفكيركم بالمرأة .. و انا بارد دحين من الايفون و باعطيكم
كم وحدة من الميزات، مريحة للحامل بدلا من الجلوس امام اللاب توب
لتصفح النت.. مرة اخوي كان بالمطار و دق علي و قالي اشوف له
اقرب حجز و الايفون كان بيدي و بسرعة حجزت له، من غير مااحتاج
اروح اوصل شاحن اللاب توب و أستنى شاشة البداية و الاتصال بالنت وغيره

و أوفر عشان الاتصالات الدولية و محادثة الأقارب و الزميلات ببرامج كثيرة
مثل الفايبر و الاسكايبي..

أجيب على سوالك / أنا بما أني مطيعة لأبعد حد ،، و اقتنع بالمنطق مو باللف و الدوران
رضيت من البداية ان ما يكون عندي جوال نهائيا ..

و مع الوقت احتجت له ،، يعني مو معقول اكون عند صديقاتي ما عندي
و عند اهلي برضوا ما عندي ..!
حسيت أني متخلفة عن الركب ..! فأ قنعت زوجي و شكيت له حالـــي ، فرق لي وافق
لكن أنا خاطري بالاي فون ،، يأخي حتي البزوره معهم ..! أمي معها .!
لكن الاخ مو راضي .. رضيت على مضض ..
يجي يكسر بخاطري اكثثثر و يشتري لنفسه ،. لا عاد هنا و ما تحمل صراحة
ظلم و الله ...! حسسني أني أنا بس اللي راح يضرني الاي فون ..

أتمني فهمت عليه ..

فكرة أنه اما يصير معنا جميع ولا مايصير ما أشوف أنها جيدة بالحياة، أعتقد انكم تحتاجون إلى مصارحة وأعادة تشكيل للمواقف والحياة، من المفترض أنه على الطرفين التنازل وأحيانا التفاهم والصبر والتغاضي والحياة تسير بهذا الشكل

فعلا نحتاج اعادة تشكيل للمواقف و النظام بشكل عام ..
وهذه فكرت فيها من بداية المشكلة ...

هو اللي رايح لبيت اهله وزعلان

انقلبت الموازين.. والله المستعان .. اجل اشتري له ايبود رضاوه ...

عليك بالصبر والمسايس والحوااااار ثم الحواااار..

وحاولي بقدر المستطاع عدم استفزازه ..
تناقشي معه فقط .. عن اسباب عدم ثقته بك وإستخدام الايفون ومخاوفه ..
ومره بعد مره سيقتنع بوجهة نظرك ..

انتم لسه في اول مرحله من زواجكم .. اربع سنوات ..
تحتاجين لتقربي وجهات نظركم .. وخلق توافق مرضي لكليكما ..

واغلب الشباب وفي بداية حياتهم هذا تفكيرهم :: بزعم خوفه على زوجته وغيرته عليها ..

__________________

مو تناقشنا في بداية الامر ،، و قربنا و جهات النظر ..
و رضينا رغم كل شي ..
لكن أخذت مقلب والله ،، و بدا يخرب الاتفاق ..
فعلا هو مو واثق أبدا ،، و تجاوز حدوده في الممنوعات علي ..
أنا اللي رضيتها للأسف من البداية و الغلط مني أنا و اعترف بهذا الشي

اعتقدت ان الحياة بتكون مثالية ،، و ان اقرب طريق للراحة هو الطاعة العميا
تنازلت عن اشيا كثيرة ،، تلفزيون ،، اتصالات ،، و ملابس ، نظام حياتي بالكامل غيرته عشانه
لدرجة أني عشت بشخصيته هو بأدق الامور ،، متجاهلة نفسي و رغبتي و شخصيتي و ذوقي ..

و كنت اقول لكل المنتقدين لحياتي الزوجية ،، لا إحنا متفاهمين و ماشين سوا ..!
لكن الان عرفت انه هو نفسه ماتحمل المعتقل اللي عيشنا فيه ،، و لا قدر يلتزم بالنظام اللي هو حطه ..
فحرر نفسه منه ،، و بيلزمني فيه أنا ..!

و مع اول غلط ،، تركني بالأيام و بدون ادني شعور بالمسؤلية ..
ما شفع لي التزامي طول هالسنين ،، و لا طاعتي ،، و انكاري لذاتي ..
بتصرفه خلاني افتقد كل الاشيا الممنوعة ،، لاول مرة احس بطعم الحرمان من جد ..

اشكر مداخلتك اختي ..