اخي الكريم اسعد الله ايامك بكل خير.

اولا اهدا يا اخي لان تصرف خطيبتك عادي جدا في عالم البنات , واكترهم بيتصرفوا نفس التصرف لحتى يتاكدو من اخلاق الشاب الي راح يرتبطو فيه, بس فيه الي تنكشف والبعض لا. وانا ما اشوف فيها شي ابدا, بل حتى بعض الشباب بيعملو هيك لحتى يتاكدوا من عفة البنت, ولو خطيبي عمل ها الشي والله ماراح ازعل منه لانه من حقو يعمل هيك وهذا دليل على حبو الي.

تانيا خطيبتك بتحبك وبتموت فيك ولو كنت مو هاممها وماتفرق معاها مستحيل تعمل هيك. وانت هذا الي كنت حاب تعرفوا من الاول من خلال مواضيعك كلها. يالله يا خوي انبسط لانها اتبتت لك وبالدليل القاطع .

تالتا ارجوك مايدخل حدا بينكم ولو حتى ابوها لانها لو قدر ربي انو تستمرو مع بعض راح تحتقرك وماراح تنساها لك ابدا. وليه تدخل رجال ,ولو كان ابوها, لحتى يحل مشاكلكم انت فيك البركة اتبت لها رجولتك وان هذا زواج مو لعب وادبها بطريقتك بس بعد ما تخبرها انك كشفت الملعوب , اسحب عليها كم يوم ولو بدك شهر ما تكلمها ابدا ولو ارسلت شي او اتصلت ماترد عليها ابدا يعني طنااااااااااش لمدة شهر . ووالله راح تكره نفسها ودا اكبر عقاب للقلب العاشق وبعدها راح تفكر مليون مرة قبل لا تتهور.

رابعا قرار الطلاق شي عظيم ومو بالسهولة هذي, يعني البنت غلطت مارتكبت كبيرة لحتى تفكر بتسريحها.

خامسا فيه بعض الاعضاء ,بحسن نية, كبروا الموضوع براسك, وحكموا على البنت غيابيا انها بدون عقل وانها ماتصلح زوجة وووو....... ارجوكو ارحموا البنت شوية لانها بريئة ولو كانت راعية خرابيط والله ماراح تتق حتى فاختها لحتى تعطيها رقم خطيبها .

وفقك المولى وانار بصيرتك وازال الغشاوة عن عينيك وهداك لطريق الخير.

السلام عليكم ورحمة الله

أخي الكريم

انا دخلت مع اني من فترة طويلة لم أدخل ..

الكل قال أن الفتاة مخطئة .. البنت يمكن تكون مظلومه .. كيف تصدق وحده غريبه دقت ولعبت عليك .. يمكن تكون تتبلى على حرمتك .. للأسف الكثير يحاول يخرب بيوت الناس بسبب الغيرة و الحسد .. انت ما تعرف مكر النساء و دهائهن .. للأسف الكثير يحاول يفركش زواجات ناس .. من كذا الناس بعضها رجعت لعادات قبل .. ملكة محد يعرف و عرس على طول .. بسبب الناس اللي تطلع كلام و تدخل كلام .. في ناس أعوذ بالله ما تريد الخير .. و أتوقع الكثير من اللأعضاء مروا بالتجارب هذي

اللي انا مستغربة منه .. كيف تصدق فتاة لعبت عليك و حكمت على خطيبتك و قررت الإنفصال من دون حتى ما تخبرها .. لو هذا الشي كله ما صار و كان افتراء على البنت .. يا خي أنت مب أفضل من الرسول صلى الله عليه وسلم ، الرسول بأبي هو و أمي تكلموا على زوجته و هي أم المؤمنين و طلعوا عليها كلام .. ونزل تبرأيها من السماء ..

أنا أعرف وحده من الصديقات المقربات .. من كانت ترسل لها مسجات مجهوله تهددها إذا تزوجت الرجل .. و في يوم الملكة .. أرسلت لها مسج مجهول تبارك لها بالرجل و تلفظت عليه بألفاظ .. و الحمدلله الرجل مافيه أي شي

المهم هو إحسان الظن و عدم الحكم من طرف واحد ..

معليش أخوي أحس أنك قاعد تستغفل الأعضاء بقصص وهمية، أخوي الدعوى مو لعب لو افترضنا أنك صادق على طول طلاق !!!!!!!!!!!!!!!!!! ، البنت حتى لو أخطت وراحت تختبرك ماتشهر سلاح الطلاق، صراحة أحس أن القصة تمثلية، وإذا كانت كذلك خاف ربك في عقول الأعضاء المساكين والمتحمسين معك، واضح الأكشن بالقصة من أولها إلى آخرها، وحتى من مواضيعك اللي قبل ماهضمتها ..

اخووووي اللي فهمته من صاحب الموضوع في مواضيعه السابقه انه كان يحبها ومنزعج منها لانها ما ترد على اتصالاته بحكم ان البنت مستحيه او من شغله في اعمال البيت - وبعدها بفترة البنت تحلمت انه له علاقات مع البنات بسبب انشغله عنها وبعدها تقريبا انكتب هذا الموضوع في كل الاحوال انا ما اشك في العضو اذا كان صادق فالحمد لله جميعنا هنا نساعده والله يوفقه ويكتب الخير له ان شاء الله

اخي العزيز لا حب بعد اليوووم

انا افضل انك تواجه زوجتك اللي هي خطيبتك لان الموضوع غريب - و زي ما تفضلو الاعضاء وقالو ممكن ان في ناس تبي

تخرب بيتك مو معقوووله ان تكون بنت خالتها صديقتها الروح بروح وتعمل كذا - وحتى لو كانت هي مستحيل مستحيل مستحيل

تفضح نفسها لان عارفه النتائج ( المشكله اللي راح تصير ) - حاووول تفكر بعقلانيه ولا تحس انك عرفت تجيب منها كل

التفاصيل هي اعطتك المعلومات اللي تبي توصلها فقط لك - يعنى لو كان اختبار كان انتهاء الموضوع من

الاخر ما تتصل عليك بعدها ولا عرفت هي مين من اساسه . والله يكتب اللي فيه الخير لكم

زوجتك على نيتها ياقلبي وا لا فيه وحده تعطي رقم زوجها بنت تتميع على زوجها وتتغنج طيب مافكرت ان زوجها يمكن يعجبها ولا فكرت يمكن خطيبها بنفسه يعجب في البنت ويتركها
مسكينه والله حزنتني والشيطانه ذي مستمره في وقاحتها وقلة ادبها ولاتستبعد انها تنوي التفرقه منجد غيرة بنات وحسد بمعنى اوضح والا المفروض لما تشوف الموضوع تطور اذا كانت صادقه على قولتها توقف من اول ماتشوف انكم بدأت العلاقه تتطور
ذكرتني بزميله لي والله انها مسكينه مااهي حقة شباب ولا الامور ذي بس غباااااااااء وسذاجه وحركات مراهقه وبتختبر خطيبها ونفس طريقة خطيبتك وعرف خطيبها وصارت مشكله وبغت تتطلق بس ربك ستر
على العموم انا اشوف انك تسامحها شكل الدنيا باقي ماورتها الوجه الثاني للحياة
سامحها اخوي اعتبرها غبااااء مراهقه لعب الشيطان براسها اوفسرها باي طريقه لكن لاتتركها حزنتني كثير
الله يهدي الجميع ونصيحه لاتستمر مع بنت خالتها لانها يمكن تشوه سمعتك وينتشر الموضوع اقطع علاقتك بها نهائيا وخطيبتك سامحها ترى اغلب الحريم يختبروا ازواجهم لكن الفرق هنا انك عرفت
الله يوفقكم يارب ويصلحكم ويبعد عنكم خبث شياطين الانس والجن
احترامي

__________________
الحجاب عبــاده وليس عاده

السلام عليكم ورحمة الله وبركاته .اخي الكريم ،لم ارى موضوعك قبل الان, اولا:اسمح لي ان اقول لك قليل مثلك في هذا الزمن ممن يحافظ على نفسه من الشباب اكثر الله من امثالك ثانيا:هذا الشيء الفخم والانثوي الذي تتحدث عنه لعله تدرب كثيرا على تحسين صوته قبل ان يتصل عليك ولعله تكلم مع كثيرغيرك وهدم كثير من البيوت الآمنه.لقد كثر الفساد في بلادنا بشكل مخيف ،تحضرني آيه من كتاب الله عزوجل ابكت الصحابه رضوان الله عليهم في ذلك الزمن الطاهر العفيف قال تعالى(ظهر الفساد في البر والبحر بما كسبت ايدي الناس)فقط ادعو الجميع لتأمل هذه الايه الكريمه

اتخذت قراري بعد تفكير وبعد ماصار اليوم بيني وبينها

تسريح بأحسان

والله يعوضني ويعوضها خير


وبالنسبه للأخ اللي اتهمني بالكذب الله لايسامحك وتهمتك الباطله ذي معلقه في رقبتك الى يوم يبعثون
والله ما اسامحك

أمبيـــه!!
والله خلاص انفصلتوا ..
+ ممكن طيب تحكي لنا ايش صار لو حبيت..
واجهتها وخبرتها بالطلاق ؟؟
ياربي ..
كيف بتتحمل الصدمة المسكينه ..
ليتك من أول ما عشمتها وانت ماتقبلتها..
بس احسن لها .. يصير الحين .. ولايصير بعدين ..بصراحة اهون.. الله يثبتها ..
ولاتخطب بسرعة ارتاح لك فترة .. واخطب برى الاقارب احسن وبمزاجك وذوقك انت ..
عشان تتمسك بالبنت بقناعه..
والله يعوضكم اثنينكم .. ويعينك أنت كمان .. ويصلح بالك ..
طمنا عنك وعن نفسيتك..

__________________
إلى من تحدثه نفسه بترويض مهرة برية حرة
نوّآرة ( .. لا تروّض أبدًا .. !

لآحول ولاقوة الا بالله
تسسرعت اخي الكريم بقرارك هذآ والي صار مو عذر كـآفي عشان تطلقها
ياليتك وضحت لها وسمعت منها ليه تصرفت كذا والبنت هاذي صادقه انها من طرفهآ او لا

والله ضآق خلقي صرآحه الواضح عليها انها تحبك مرررهـ
والله اني كنت من حبي بطليقي كنت اتمنى ادخل في بوكه والا جيبه واراوح معاه كل مكان يدخله
من حبي فيه
لدرجه تمنيت احط له كمره او جهاز بسيارته عشان اكون معاه كل لحظه
ماهو شك فيه او عدم ثقه لآ والله لكن محبتي له اعمتني عن اي شي غيــرهـ

والله الانثى مسكينه اذا حبت تتصرف وتسوي اشياء ماتحسب لها حساب

اتمنى تتواجد وتكمل لنا باقي حكآيتك واذا فيه مجأل تسسامحها ياليت ماتتردد

__________________
سبحان الله وبحمده