والله يا أختي إذا كان الرجل كفو وانتي مقتنعة تماما بس مشكلته الوحيدة عندك التدخين ، فأنا أشوف أنها مب مشكلة كبيرة ..
الحمدلله ولا واحد في عايلتنا ولا قبيلتنا يدخن !
وأكره الدخان وإذا مريت جنب واحد يدخن يتعكر مزاجي ، عشان ما تقولين هذا مدخن وينتصر للمدخنين ..
التدخين ما أظن أبدا أنه مثل ما تتصورين ، اللي يدخن مو شرط يكون راعي بلاوي ، أعرف كثير من الشباب يدخنون وأخلاقهم حلوة ومحافظين على الصلاة ولا وراهم مشاكل ، وأتوقع لو كان راعي بلاوي تقدرين تعرفين بالسؤال عنه ، لكن انك تردين شاب فقط عشان التدخين أنا أبدا ما أؤيد هالشيء ، ولو بنتي خطبها مدخن ما أرده عشان هذا الشيء !
بالنسبة للأضرار ما فيها شك ، لكن مع هذا في أشياء ثانية اعتدناها مضرة أكثر مثل المقلي بالزيت ..
وبالنسبة للرائحة ، اللي أعرفه أنه كثير من المدخنين ما يدخنون في البيت ، يرقون السطح أو في الملحق ، وهذا يخفف هذا الشيء ..
وبالنسبة للحكم الشرعي ، اللي يقول إنه الاصرار على الصغيرة يجعلها كبيرة ، هذا مروي عن بعض السلف لكن ما عليه دليل صحيح ، وأقول هذا الكلام عن علم ، فالتدخين صغيرة بلا شك ، والغيبة كبيرة بلا شك ، اللي يدخن غير فاسق والمغتاب فاسق ، بس الموازين اختلفت عندنا ، اللي يدخن أهون من اللي يغتاب ، فهذا يدل على أنه مجتمعنا ما يقيم المعصية على درجتها ، لكن على حسب ما يستسيغه !
وتقدرين تشوفين حلول وسط بينك وبينه في هذا الموضوع ..
أنا نصحيتي لك التدخين كلنا ما نتمناه لكن ما يوصل لدرجة أنك ترديه ، و أشوف أنك تفكرين في موضوع الكفاءة الثقافية والعلمية ، أنتي واضح عليك أنك مقتنعة من هالناحية ، لكن شخصية الرجل أتوقع هي اللي تحدد ، أعرف إنسانة جامعية ووظيفتها محترمة وزوجها ما معه المتوسط ووظيفته عادية ومدخن بعد ، بس مع ذلك ما تتمنى غيره !
الموضوع محير ، لكني مصر على أن التدخين ما يوصل لهذي الدرجة أبدا ، فكري في الأمور الثانية ..
ولو استشارتني أختي قلت لها نفس الكلام ..
__________________
[ ادعوا الله لي أن يرزقني بزوجة على المواصفات التي أريد ]
أجد أنه من المناسب كثيرا أن أكتب بالعامية ..
24-01-2012, 08:31 AM
ضوابط المشاركة
العرض المتطور