__________________

اللهم آمييييييين
جزاك الله خييير اخوي ابو مريم

والله يا ابو مريم ان الوالد والوالده الله يحفظهم لي
ملتزمين ومشهود لهم بالخير والاعمال الصالحه الحمدلله
وخصوصا الوالد رباني على قيم ومبادئ يحسدني القريبين مني عليها
ولكن انا خنت الثقه

برجع بإذن الله اعلق على نقاطك اللي ذكرتها بالامس

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين

والحين برد على كلامك بخصوص موضوع الوالد والوالده الله يحفظهم
ويسامحني ع اللي سويته فيهم



اخوووي كلامك كله ع العييين والراااس
وصح كلامك لو كان عند غير اهلي .. بس اهلي كانوا مراقبيني من كل النواحي
من غير شك طبعا مجرد يتطمنون علي

حضرتك اخوي تفضلت وقلت
دور الاب والام المراقبه والبحث والتدقيق

امي وابوي ما قصروا معي من هالناحيه
انا ما كنت اروح بيت صديقاتي الا بعد ما يتأكدون من اهلهم ويسألون عنهم ويتطمنون ان هذي العايله محترمه وماعندهم شي ينخاف علي منهم
وطبعا زياراتي لبيت صديقاتي واللي اغلبهم اهلهم معرفة مع اهلي ما تتعدى الساعتين بحدود مرة كل شهر او شهرين واحيانا تطول الفتره
ولا كنت اطلع مع صديقاتي برا البيت مطاعم او مجمعات او او او

تصدق .. الدش اللي تقول عنه
ماعرفته ولا شفته الا يوم كان عمري 16 سنه تقريبا او بعدها بشوي
قبلها ما كنت اعرف وش يعني دش ووش يعني قنوات "فضائيه"
وبفاجئك اكثر .. انا دخلت عالم الانترنت قبل لا اتعرف على الدش
وكانت عندي علاقتي الاولى وانا ماعرف ايش يعني فلم او شلون اغير من قناة لقناة او كيف يستخدممون الدش اصلا

ثاني شي اللابتوب والجوال مثل ما تفضلت
اللابتوب انا ما اخذته الا قبل اخر سنة ثانوي عشان جهاز البيت اخترب وصعب يتصلح وكنت احتاج اسوي بحوث ومن هالكلام وكان اللابتوب بيد الجمييييع وانا اصلا اجلس عليه وانا بين اهلي حتى كلمة سر ماعليه
الجوال ما اخذته الا بعد التخرررج من المدرسه وكان ابوي يقدر يطلع على سجل مكالماتي وحتى الجوال مفتوح
بتقول لي الايميل .. الايميل كان ينفتح قدامهم والمضافين الاهل والصديقات

تبي الصراحه .. انا كنت ذكيه زيادة عن اللزوم وبغبااااء صراحه
انا بحكم ذكائي شوي بالكمبيوتر وبمساعدة صديقتي تعلمت امسح كل شي
الهستوري ومواقع الشات وأي شي استخدمه
الايميل .. سويت لي ايميل ثاني محد يدري عنه الا انا وصديقتي عشان ذيك السوالف ومن البدايه ما كنت احفظ المحادثات
الجوال .. عمري ما كلمت احد فيهم من جوالي الخاااااص
كان عندي رقم ثاني طلعته بمساعدة احد الاشخاص واشغله من وراهم
واكيد محد بيلاحظ لان الشريحه صغييييره حيييييل وانا ما افتحها طول الوقت

بالله عليك .. كيف راح يشكون
كل الاشياء اللي ذكرتها بكلامك فوق كانوا يشوفونها ويدققون فيها لاني انا افتحها قداااااااااامهم وحتى كلامي يشوفونه
كنت شيطان بصورة انساااان
ولو احد بيفتش غرفتي او جوالي او جهازي
ما راح يلقى ولا شي
لا صور لا مكالمات لا ارقام لا محادثات ولا شي يثير الشك
وفوق هذا انسانه ملتزمه بمركز قرآن وتسوي كذا ؟؟!!!

والمصيبه وين ..
تدري انا اول انسانه لبست الحجاب بين قريباتي حتى الاكبر مني
ابدا بحياتي ما طلعت متبرجه حتى وانا صغيره
كنت البس حجاب ساتر مو حجاب الموضه زي ما ينقال الحين
تحجبت وانا صغيره بقناعة تامة مني

وهذا الشي اللي خلا امي وابوي يفتخرووون فيني ويثقون فيني
حتى لما كنت اسمع ان بنات يكلمون شباب او مثلا اهل فلانه مسكوها وهي بتطلع مع حبيبها
اهلي كانوا يشوفون علي علامات التعجب والاستغراب والاشمئزاز
وهذا الشي ريحهم
يمكن تقول اني كنت اتصنع هذا الشعور قدام اهلي عشان ما يشكون فيني
بس ابدا والله .. كانوا يكسرون خاطري وافكر بيني وبين نفسي ليش يسوون بنفسي كذا
مع اني انا بعد اكلم نكته صح
لكن لاني مستوعبه ان اللي اسويه غلط واني ابي اطلع نفسي من الموضوع هذا عشان ما يجي اليوم اللي اكون فيه بنفس موقفهم
ولان الشي اللي كان يعطيني افضليه عليهم مع اني اسوأ منهم في الداخل
هو اني ولله الحمد مافكرت اطلع معهم ولااا مرة

شيء أحسن من شيء الحمدلله

بالله عليك .. لو انا بنتك -والله يبعد بنتك عن هالسوالف ويجعلها من الصالحين ويحفظها بعيد الشر عنها والله لا يقوله تصير مثلي- بتشك فيني وانت ماعندك ولا اثبات ولا حتى لاحظت ارتباك او تغيير مني ؟

بالاخير .. انا فاهمه كلامك وعارفته ومعك حق فيه
لكن انا حبيت اوضح لك وجهة نظري
لان الموضوع هذا يحز بخاطري كثييير
وربي وربي ما ودي اهلي يتعذبون بسببي وهم مالهم ذنب
والله ربوني احسن تربيه وغرسوا فيني احسن المبادئ والقيم وحافظوا علي
بس انا ابدا ما حافظت على نفسي وللاسف ذكائي وشجاعتي استخدمتهم عشان ادمر نفسي
ولعبت على نفسي وعلى اهلي
انا بس ادعي ربي ما يحاسبهم على اللي سويته
مالهم ذنب ان بنتهم اللي حافظوا عليها ما حافظت على نفسها

ايام كنت اكلم كان كل خوفي اهلي يكشفوني ويتدمرون بسببي
والحين صرت اخاف عليهم ان ربي يحاسبهم على شي مالهم ذنب فيه
بس ربي غفور رحيم كرييييم مايرد عبده اذا سأله

هذا تعليقي اخووي
وبالقلب كلااااام اكثر واكثررررر بس ما ودي اثقل
كفايه عليك كل الكلام اللي كتبته فوق

اكيد بنتظر تعليقك عليه
حسب وقتك بارك الله فيك
وساااامحني ثقلت عليك كثيير

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين

كل انسان يطيح بالغلط ياعمري
اهم شيئ انك تبتي ومحد كامل الكمال لله سبحانه وتعالى
وتذكري الله اذا احب عبد ابتلاه اصبري
عللى نفسك
الله يوفقك ويفرج همك
ويدخلك فسيح جناته
انشالله يارب

والنعم بالله
اللهم آميييييييين
واياااااك اختي

جزاك الله خييير رفعتي معنوياتي
مشكوره على كلامك وردك

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين

حبيبتي انتي مو سيئه زي ما تتصورين
انت كنتي تكلمين شباب بس ماوصلتي لشي كبير زي ماقلتي
وخلاص ندمتي واستغفرتي
وربي تواب رحيم
انتي بس اكثري من الاستغفار
وصلي فروضك بوقتها
تصدقي
سوي اي شي يقربك من ربي
ولا تفكرين كثير بالماضي
وحتى لو فكرتي خلي تفكيرك ايجابي
يعني لما تتذكري اخطاءك خليها دافع لك ان تسوي الاحسن
الين توصلي لمرحله الرضا عن نفسك
اما بالنسبه لعقوبة ربي
مستحيل ربي يعاقبك وانتي انسانه طائعه له مستغفره متصدقه
لو اراد ان يعاقبك لعاقبك وانتي منغمسه في المعاصي والحرام
لكنه ستر عليك لانه اراد لك الخير ولان انتي اصلا فيك خير
احسني الظن بالله وراح تعيشين مرتاحه
والله يثبتك

اللهم آمييييييين
صدقتي اختي .. الحمدلله ربي ستر علي وقتها ولازم اشكره على هالنعمه وما ارجع للي كنت فيه
يارب اوصل لمرحلة الرضا عن نفسي بس صعبه اللي سويته مو شوي
والحمدلله احسنت الظن برب العالمين وشفت من الرااااحه الشي العجيييب

كلامك حلووو كثير وريحني بدرجة ما تتصورينها
سبحانه ربي الغفور الرحيم الكريم

مشكووره يالغاليه
الله يجعله بميزان حسناتك

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين

__________________

والنعم بالله

اخي ابو مريم
ماني عااااارفه كيف اقدر اشكرك والله ان كلامك يفرحني حيل
ويشيل عني همي
الله يرزقك اضعاف ما تتمنى

الحمدلله انا ما وصلت للمرحله هذي الا بفضل الله سبحانه ثم بفضلك
وكل الاخوان اللي ردوا علي وساعدوني وشجعوني
ولولا الله ثم وقفتك وتشجعيك ومتابعتك المستمره لي كان الله يعلم بحالي الحين
ومدري وين كنت بوصل
عسى ربي يكتب لك بكل خطوه خير واجر يارب

مقدره لك كل هذا وثقتك فيني وخصوصا انك تبيني اغير معرفي
لكن اخوي انا ماقدر اسوي هذي الخطوه قبل لا اتخلص من كل توابع الماضي
احتاج وقت شووي استرجع نفسي بصورة كاملة لاني لازلت متضايقه من نفسي
بس اكيد اكيد اني بحتاج وقفتك معي لين اصير شخص ثاااني تماما
وتكون هالصفحه هي المتنفس والطريق بإذن الله لحياتي الجديده

وبالنسبه للنصاايح .. عاااااال العااااال مثل ما تقولون
الحمدلله صرت نشيطه ومتحمسه اكمل كل اللي علي
ووضعي تغير الحمدلله راحت مني حالة الخمول والكسل
صار عندي هدف لازم احققه بإذن الله
وخلاص صرت اسابق الزمن عشان ألحق اكمل كل شي بس متوكله على ربي وما راح يضيع تعبي وجهدي بإذن الله

بس اللي احتاجه منك هالفتره دعوة بظهر الغيب بالتوفيق وتيسير الامور
والله يجزييييك عني كل خير

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين

__________________