اخويه الغالي
بقولك اياها نحن يوم انتقلنا لبيتنا الجديد الحمدلله مافي شي
بس يوم توفت المرحومه اماييه واخويه بطي يعل روحه الجنه ..
بعد مرور سنه ومن فتره قصيره بالفعل

قمنا نسمع اصوات وانجوف امور بس بين الحلم والواقع يعني تقدر اتقول مااكون بوعي
مرة كنت بالصاله راده من ملجه ولد اختيه ويلست اطالع تلفزيوون وما سرت فوق عشان ابدل ..
رقدت مكاني ..قلت باخذلي كسره نعاس .. جان اجوفلك شرات واحد يرووح ويرد ويتمشى بالصاله وكانه يتعبث بالصور وريموت وغيره ومن يا صوبي كأنه يطالعني نشيت اتعوذ من الابليس .وتكرر وايد معاي وبحجرتي بس مايكون نفس الشكل وذياب اخويه ياب مطوع يقرى على البيت بس بعده الموضوع ماشي الحين انا قمت اشغل الرقيه الشرعيه في البيت .. ومااقدر
اناام الا لازم ابطل التلفزيون بحجرتي واحطه على قناه مكه او قران وكان فيه قناه شفاء بس تغير تترردها وماضبطه للحين ..
مااقدر مستحيل انام من غير لااشغل القران ..
وجربت انا من غير لاابطل القران القى نفسي تخيل حجرتي بالدور الثاني القى نفسي بالصاله من الخوف اطلع من الحجره وانزل للصاله من الخوف .. بس من قمت اشغل القران وانا مرتاااحه ..وكل مااحلم اهليا والا شي لازم اجوف الشاب بشكل مختلف ويالس بينهم
وخبرت المطوع بس قالي كلام مااقتنعت فيه يعني البيت محد فيه وطبيعي الجن يتقصدون الحجر الفاضيه المهجورة قلتله كيف ونحن ساكنين في البيت يعني لازم نشغل الحجر عشان مايونها ؟؟
وقالي امور بالفعل تصيرلي بالمنام وتفجات شكيت انه ساحر بس هو مطوع الله يحفظه ..

وخليفه الله يحفظه يرقد فديته والحمدلله مااشتكى للحين ..


يعني اخوي لاتستبعد اللي يصير امور عاديه وحتى في ارض في بوظبي تخيل للحين مابنوه ها وحول الارض عمارات
كل مايبنون ينهدم البنيان
فالحكومه قررت تتركه جي .. من غير لاتبني فيه ...


اخويه حلي لك .. حطلك رقيه الشرعيه ..وخل مطوع يقرى عليها