لوف لاتلوم حرصه انت عارف انه مر بتجربة مابي يكررها مع بنته الثانية

الله يكتب لك الخير ويوفقك ونفرح فيك عن قريب

امين الله يكتب اللي فيه الخير ويوفقك انت بعد

بس المشكله الحين يقولون البنت متخوفه اني اكون راعي خرابيط انا وش ذنبي اذا صاروا قد مروا بمشكله

ليه احشر نفسي مع ناس كذا على كل صغيره وكبيره بيشكون فيني

الله يستر بس

-


اسئله تسالها في الشوفه .. افضل شي سؤال عام عن اي موضوع وتعرف رايها فيه
اذا شوفتكم ابو خمس دقايق ما يمديك تسترسل بالاسئله يعني لا تتامل كثير
اما اذا شوفتكم ابو نص ساعه اسالها عن دراستها صاحباتها ولا تقز طول الوقت اعطيها فرصه تناظرك
والبس جزمه كشخه لانها بتناظر الارض طول الوقت يعني لو لابس زبيريه سوي بديكير

من كلامك عن ابوها حسيته حريص على بنته وهذا شي حلو ودليل انه مايبي يرمي بنته على اي احد
في ناس اي واحد يطق الباب يرمي له بنته وصلى الله وبارك , يعني المفروض تفرح بكلامه
لان اي اب غيور وحريص على بنته بيسوي مثله , اذا اعرست ان شاء الله و رزقك الله بنيه وجيت تزوجها بتحس نفس احساسه

ونقطه حلوه ان ابوك وابوها اتفقوا لان في السعوديه اهم شي اهل العريس والعروس يتفقون :14:

حط ببالك مافي انسان كامل و مثل ما انت تدور الزين هي بعد لها مواصفات خاصه بزوج المستقبل
لو أنا رجل ببحث في زوجتي عن هالصفات :
* تكون متدينه ودينها مو بس عبادات حتى في التعامل
* متربيه وأخلاق
* متعلمه ومثقفه يعني اقدر اتكلم معاها في مواضيع مختلفه
* جميله في نظري مو لازم بمقاييس الجمال عند غيري


شي مهم في العلاقه وهو ( التغاضي ) يعني ممكن تكون فيها صفات ما تعجبك اتغاضى وغض الطرف عنها
لان اكيد هي بعد بتكتشف فيك صفات ما بتعجبها بس بتغض الطرف عنها وكذا مركبكم يمشي


بالتوفيييييق

اشكرك على النصائح واحلى نصيحه حقت البيدكير قلتها لاختي فطست من الضحك

لا لسا خليني اتزوج واعلمك راأيي في الحب الامر هذا متقيد بالزوجه اذا كانت بنت ناس وتخاف ربها وتحب زوجها راح يكون نظرتي للحب ايجابيه

اما ان طحت بناس نفس اللي قبل فااتوقع راح تكون سلبيه

بس اشوف واحد كاتب الحب لعنه ؟؟؟؟؟

الله يستر لاتعليق

بشر اخوي لووف ..

وش صار على خطبتك الاخيره ..

اتمنى نفرح فيك قريب ..

__________________

فيه اخبار حلوه انشالله بس ماودي اتكلم لاني كل ماقلت شيء خربت السالفه واخر وحده اللي ابوها بثر خربت السالفه
يعني اقضوا حوايجكم بالكتمان

انشالله اذا تزوجت بخليها ترد عليكم وتبشركم هي بنفسها

بداية طيبه مبروك مقدما اتمنى لك حياة سعيده وموفقه

__________________

ان شاء الله تبشرنا بالاخبار الحلوة الله يوفقك ويرزقك عاجلا يارب العالمين