الله يسعد الجميع على ردودهم ويبارك فيهم
بس بوضح نقطة حسيت انها سبب في خروج موضوعي عن مساره


صح قلت عني عصبية وعنيدة ولا اقبل الانقياد


بس ابد ماقد عصبت على زوجي ورفعت صوتي وقليت ادبي لمجرد دلع واني زعلانة
ولا عينك عينك ارفض كلامه او اعانده وبالطقاق

كل مافي الامر لما يهيني وينتقدني ارد عليه انه غلطان او هذي مشكلته
ممكن لمن يعصب ويستفزني ارد عليه لكن حتى مو مثله كلام بذئ وسب ودعاء علي
ولما يمنعني من شي مااعاند اسويه بس ممكن الح عليه لحد مايوافق
كل مافي الامر لما نتناقش يكون رايي مخالف عنه
لما ينتقدني ارفض نقده خاصة لمن يكون باسلوب جاد وبزيادة وبشدة
ولمن يبين انه فاهم وعارف ومحد يلعب علي هنا اعصب ومرات حتى حرف مايسمع مني


ولا عمره طلب مني شي حتى لو زعلانة ومقهورة منه ماعمري قلت لا او تعبانة مو الحين
بالعكس البي طلبه مباشرة

وطبعي لمن اعصب هو هذاك الوقت ويرجع وضعي طبيعي خاصة لمن يكلمني عادي
ماتلاقوني متزمتة واعامله برسمية ابين زعلي الا نادر


صح ربما سلوكي مايعجبه بس مهما كان سلوكي عادي
مايحتمل الوضع اللي انا فيه من صدود نفسي وعاطفي وجنسي وكل شي


ارجع للهدف من كتابة موضوعي

كيف اعامل رجل مثله لايفتقدني ولا يرغب فيني
بالشكل المناسب بحيث اقدر اهدي الوضع ولا يزيد توتر نفسي
في نفس الوقت مستحيل احاول اتودد له واتقرب منه والامس جسده
مو تكبر مني او عناد قد ماهو حفاظ على مشاعري من شخص ماعاد يهتم فيها

كيف اعامل رجل مثله لايفتقدني ولا يرغب فيني ج-حسسيه انه مهم جدا بحياتك
في نفس الوقت مستحيل احاول اتودد له واتقرب منه والامس جسده
مو تكبر مني او عناد قد ماهو حفاظ على مشاعري من شخص ماعاد يهتم فيها
اهتمي فيه وبيني قدام اولاده انه اهم واحد في الدنيا وكلمته تمشي ع الكل وشوفي النتيجه

بكل اختصار الرجل فينا يبغى وحده تضحك عليه بالدلع مو تغشه لا تعطيه ريق حلو وتتدلع عليه حتى لو هيا ماهي فايقه بس حتخلي اسير عندها

الله المستعان...

والله لو الحلول بالكلام المعسول
والمدح
والتدليل
وحب الرجل
وإحترامه

كان أنا أسعد زوجه..

أشوف طريقة واحده مافي غيرها ترتاح نفستك ويمكن حتى زوجك يرتاح

أعطي الاهتمام الأكبر والهدف الوحيد لأي شيء تعمليه أن يكون رضا الله سبحانه وتعالى .. وحتى اقرب لك الصورة لأنه في الغالب نحن نظن بأن هدفنا الأول هو رضاء الله لأنه منطقيا مافي جواب ثاني لكن لو نفكر فيها فعليا راح نلاقي أنفسنا نعطي الأولوية وهدفنا الأول هو رضى أزواجنا .

تخيلي لو جات المربية وهي كبيرة بالعمر وأعطتك رأيها بالطبخة مثلا وقالت لك أشوفها مالحة .. . كم الاهتمام والحرص اللي بيكون بداخلك لأنها تضايقت من الملح ؟؟؟ وشنو بيكون جوابك لها ؟؟ ما راح تهتمي كثير وأكيد بتقولي لها جواب فيه احترام لعمرها لكن ما راح يكون رد عصبي ولا راح تتوتري .... بينما لو ولدك أو زوجك اللي علق نفس التعليق بتتوتري وتحتري .
وكذلك الأمر مع زوجك ومع الله عز وجل ولله المثل الأعلى ... المفروض أي تعليق من اي بشر يكون له نفس ردة فعلنا على المربية وردة فعلنا تنفعل فقط عند الله عز وجل .

زوجك له احترام وعلى عيني وراسي لكن ما يثيرني من الداخل .. هو مو هدفي ولا هو غايتي فما يثيرني .

حتى عند النقاش من يكون حتى أبذل كل جهدي لأقنعه برأيي .. أسايره حتى بتعليقاته على أخطائي .. ومع اني فاهمة انه يفتري عليي وعارفه تماما انه غلطان لكن اغلب ردودي .. ان شاء الله وحاضر .. والمرة الجايه بنتبه .. وفاتتني هالمرة .. حاااااااضر .
فقط بالأمور عالية الاهمية للدرجة الحمرا لو جا بشرفي .. شرف بنتي .. وقتها بس أناقش وأقول رأيي بحزم وما أعطيه مجال ..
أي أمر ممكن أن تمشيه على شوره .. أغلب الأمور تقدري تمشيها على شوره ... مشيها .. خلي النقاش للأمور النادرة اللي ما تصير الا بالشهور مرة .. الأمور اليومية أعطيه اياها .. خل يشبع فيها ويمشي رأيه فيها

لأن عندي هدف أرفع وأكبر منه ومن هالدنيا ومتاعها وفرشها أسعى له

__________________

ماعليش اختي ايش نمط زوجك عشان اقدرانصحك نصيحه تناسب نمطه

شمالي شرقي ياقلبي

جعل ربي يسخر لك ويسعدك
ريحتيني ربي يريح قلبك

أنا حقيقة صرت مااعرف اتصرف
صرت أخاف من أي كلمة أقولها لو بسيطة تسبب ضرر
ماأبي بكرة الوم نفسي على أي تصرف
تجي من الله زي ماتجي بس ماأبي أي خطأ مني

عشان كذا أحس أحتاج لرأيكم عشان أطلع من الدائرة اللي أنا فيها

طيب فيه كلمات دايم يرددها وأحتار بأيش أرد وحقيقة أنفعل منها

- لمن يجي ينبهني بشغلة سبق ونبهني عنها فهو يبتر كلامه ويقول بالطقاق وشو له احرق دمي!
- الواحد يفهم من مره وحده كم مرة كررت كلامي!
- انتي انتبهي للشغالة وبيتك وعيالك مو بس حاطه عينك علي!
- ينبه عن شي ..اي شي ويجي يقول ويردد :أنا أفهم أفهم أفهم ماينلعب علي!
بس أمشيها بمزاجي!...( وهو والله من جنبها!)
- لمن ينتقد نظافة البيت وترتيبي بهوس مع إنه نظيف ومرتب
هالشي يخليني أحقد عليه كأنه يبي يهلك صحتي ونفسيتي بالكرف والنقد!

- فيه موضوع حارق دمي الفترة الأخيرة
يعني وضع زوجي الآن أستقر ومفكر يتقاعد وبدينا نأثث بيتنا الجديد
بس اللي حرق قلبي محسسني ماعندي ذوق ابدا
ويحاول يستعين بمصممات ومن كثر مادعيت اي وحده يتفق معها يتكنسل شغلها معنا
فصار يعتمد على قروب من رجل صديق له ومعه قريباته لهم في التصميم
الحاصل اي خطوة يخطيها يأخذ رايهم ويردد حنا مانفهم
بالاخير لاحظت اغلب رايهم نفس رأيي
يعني بقول موقف/ رحت وياه ننتقي سجاد لغرفة الضيوف
واصر على سجاد أرض معين سبق وحطيناه قبل كم سنة!
و طول ماكنت أمشي معه كنت أقول حرام تكرر نفس الشي فيه أشكال جديدة والوان حلوة
والا مصر إن غرف الطعام لازم يكون لون فرشها أحمر! والدليل المطاعم!
حاولت بالاخير قلت زي ماتبي وشراه وتكلف بذيك القيمة بالأخير لمن جاء صاحبة
رشح نفس اللون اللي كنت أقول!..لمن ضحكت قال ايه أعطاك ربي على قدر نيتك!
اللي يحزني إني أتمنى أأثث بيتي عندي ذوق حلو ورغبة في التنسيق وزي اي حرمة أحلم أضبط بيتي بذوقي
واللي خلاني أحزن زيادة أن أي شي كنت أقوله يجي الرجال يقول مثله!
فلاحظ زوجي تشابه أفكاري مع قروب المصممين اللي شايفهم شي
وأنا مسلمة له الأمور وبكيفه وأحاول أحط نفسي مبسوطة
بس لازم ولابد يكرر على مسمعي شبه يومي إن ذوقنا عادي
ووش فهمنا وانتي مشاويرك لناس معينة وش يعرفك بالموضة!
آسفة ع الإطالة بس حتى تفهموا الموقف زين...

كمان لمن يكلمني لمن ارد عليه دايماً يسكتني ويقول خليني أكمل
ويستمر يتكلم نصف ساعة أنسى فيها أم السالفة وياليت على كذا
تعابير وجهه لمن يسكتني ولمن يتكلم مافيها مرونة يعني اللي يشوفه من بعيد يقول قاعد يلعن خيرها!

ولمن أجي أوضح وجهة نظري أو بقوله سالفة يقاطعني ويسترسل ويرجع نفس الموال اللي فوق

يعني لغة الحوار فاشلة كيف أتعامل مع هالموقف؟

القائمة تطول بس ماراح أطول أكثر من كذا

إذا اي أحد عنده لو نقطة بسيطة ممكن تساعدني لايحرمني منها..

أحس كني متزوجة من كم شهر ماأعرف كيف أتعامل مع زوجي هههههههه

بخصوص أثاث البيت احمدي ربك أنه استعان بشركة متخصصه مو أخذ رأي خالته وأخته وبنت الجيران

واحمدي ربك مرة ثانية لأنه رأيهم قريب من رأيك يعني بالنهاية بيشتري على ذوقك ... ما تشوفي هذي نعمة من ربنا ورضا وتوفيق يمكن بسبب دعائك أو صلتك بالله ؟

بالنسبة لي ما غير زوجي عادته هذي إلا بعد ما صرت أعلق عليها قدام أقاربه المقربين وأحرجه فيها .. أعلق عليها بتنكيت .. واذا جاوب أقول له يللا تمون أبو فلان لك الشور كله

لكن بعد كذا مرة صار ياخذ رأيي وغير طريقته ...

لما يوافق رأيي الصواب ما اعديها .. لازم أنبه اني كنت على حق بس بمزح وبكلمة أو كلمتين مو أكثر ... كذا مثل هبة نسيم سريعة ...
يسعدلي اياها مرتك اللي كلها ذوق ... والله اني شاطرة وطلعت ذوق وأضحك ... ابسط يا عم مين قدك مرتك ذوقها حلو مع دغدغة وضحكة ... طبعا يلقاني على طول بتعليق سمج أو بسمة صفرا أو حتى جملة سخرية لكن ما يهمني المهم اني زرعت بذرتي بداخل عقله الباطن ..

شنسوي بعد ؟؟ ما عندنا احد يمدحنا بوجود أزواجنا .. لازم احنا نقوم بالمهمة

وصدقيني يا مليت ما خطيت خطوة وأنا بعيدة شوي عن ربي وتوفقت .. أوك مصلية وأقرأ وأدعي لكن هذا قليل ..
ما تكفي الواجبات والسنن للمحن ... المحن وطلب التوفيق يحتاج كثافة بالعبادات وقيام ليل ودعاء من قلب محروق

__________________

ونقطة مهمة: (


كثير يردد انه صابر علي وماعنده رغبة
وإنه يمشيها عشان العيال يعني لو علي بس طلقني!
وإني ناشبة له يعني مو قادر يطلقني!
وانه متورط فيني

حقيقة أنا مادري وش سالفته وليش كل هذا
ماكنت أسمع الحكي هذا إلا هالسنة هذي

لما أسمع هالكلام بجد الومه انه ينطق هالكلام
يعني وش بيستفيد غير تباعد أرواح وغير إني أحقد

لمن أرد بعصبية أقول هل صح ردي!
هل بستفيد!
طاقات غضب مني ومنه بلا فائدة بس نحقد على بعض

/

كثر ماأني اواجه منه انتقادات يومية كثيرة متواصلة
أنعميت عن التعامل المناسب معه

إن سكت زاد ببجاحته
وإن رديت كبرت المشكلة!

متأكده ماعنده زوجة ثانية ..
ليه الجفاء هذا كله معاك مهما كان انتي انثى ..
ايش السبب بعده عنك وعدم اخذ رايك ومعاندتك .. ليه يعني هو يبغى يعيش حياته على طول كذا ..
الصراحة الله يهدي سركم ويشرح بالكم .*

__________________