طيب لو هو مش مخطئ ليش يبعث رسائل يترجاني... دليل غير مباشر

سابعا هو صار يدور علي و يتصل على اهله و يقول ابي اكلمها ما حصلتها....

حاليا بعثلي مسج و كاتب انتي مهملتيني انا ادور عليك و انتي و لا رديتي .. فبعثله مسج و قلتله انا مو مجبرة اني ادور عليك وانت بايع

بعث مسج و قال انه مظلوم و انه النقال لما ايكون خارح التغطية يعطي مشغول او محول و الانتينات بها مشكلة و عدد قنواتها محدود..( فلسفة ناسي اني مهندسة انصالات ..يلا نمشيها ) و كتب انا ما ابيع عمري حتى ربعي ما بعتهم... انا ما ابيع بس غيري يمكن يبيعني...( الحين صرت عمره )

برد عليه و اقوله : اني صدقتك و اعتبرها نغزة شيطان بيني و بينك بس انا وكلت امري للحي القيوم وان كنت تكذب علي هو اللي ياخدلي حقي ...

شوركم...؟؟؟

الله يجزيك خير على دعوتك ي اختي روحها عطر...

أوونا لا ما جيتي متأخر قلت انتظر و اشوف رايكم و كتبتله مثل ما كتبتي و لو اني اخاف يمسكها علي و يظن اني ضعيفة..

الله يجزاك الخير و الله انك عزيزة و مشكورة و ما قصرتي و كنت لي فعلا عون في مشكلتي...

اختي نورا انتي بعد الله لا يوريك سو و يجزاك عني كل خير يالغالية و ان شاء الله بحاول اسوي اللي قلتي عليه.. بالنسبة لموضوع اخواته احيانا احس بذنب لما اشوف وحدة فيهم تكلم من ورا اخوها اللي هو زوجي لاني احسها كاني انا خنته لاني ما بلغته و شفت الغلط بعيني مع العلم انا حاولت انصحهن كثير بطرق غير مباشرة...

و الله شكورين و ما قصرتو و مش ندمانة اني اشتركت بالمنتدى و لقيتم ربي يفتحها بوجهكم و يسخر لكم ازواجكم و يهديهم و تفرحون بذرياتكم يالله

مدري كيف الهيه يعني هو تحطينه بسجن يقبل بس اهم شي عنده جواله.... يعني الشي الوحيد اللي ما يقدر يستغنى عنه

زمان كان يسمعني حتى مكالماته مع اصدقائه و اللي طبعا ما عندهم وقت حتى الساعة 3 يتكلمون اوووووووووووف

بس بحاول اظاهر اني اكلم صديقاتي في ذاك الوقت يا رب ينزعج عشان اقوله وانت ليه ما تحس فيني

كيد النساء اخ منه ما املك منه شي او بالا حرى يبدو انه اللي تتزوج تنسى الكيد

تصورو الحقارة و المساخة اتصل على جواله اللي بيه دبل شفرة ينادي و ما يرد
اتصل على جواله اللي كان يكلم فيه بنات مشغووووووول و خارج التغطية
بعثتله رسالة و اقوله كلمني
بعدها رد علي و قالي انه التغطية تعبانة و و و و قلته و الله و واضح و اظن انه حس اني اكلمه بمسخرة لانه يكذب

و الكاذب لا يكون مؤمن الله يعطينا الصبر...

كل ما اجي و افتح كتبي ابي ادرس تجي صورته و هو يضحك و يسولف و يعطي كل وقته لوحدة غيري و انا الهبلة الخبلة اتزين و اكلم الحيط و اقول بسويله و اقوله و لا اتصال مطول و اللي قبل كان يتصل فيني ساعات يكلمني زوجي و اعرفه

ماني قادرة ادرس اناجي ربي و اعرف زين انه الله و واثقة فيه ما يخيبني بس القلب اخ منه واخ من وسواسه

كيف يا ناس بضمه لصدري بس.؟؟؟؟؟

كيف بقوله احبك ؟؟؟؟

كيف اخلص دراستي اللي اتعطلت فيها بسببه؟؟؟

يا قهر قلبي اه اه و ستين اه

يالله الصبر يالله الصبر

افكر الحين اذا رجع بطلب من اخته تنام عندنا لحد ما تخلص دراستها و اذا هي نامت عندنا هو بينام بالمجلس افتك من وجهه

خله ياخد راحته وانا بنشغل بابني و علاقاتي الاجتماعية و امسحه من قاموسي و دراستي و اروح لدور تحفيظ القران و الجيم و وقتي كله رح يكون مشغول و انسى بلاه و بلاويه

و لا اجيه الا لما ابي منه فلوس فقط... ابي احسسه انه مجرد بنك بالنسبة لي و اني مو بمحتاجتله و لا ابي اشوف او اسمع صوته....

الله يكون باعون يا اختي لينة...

اللي مشيب راسي انه احنا نعاني من ازواجنا و السبب جنس النساء نفسه

ليه الوحدة تفرط في نفسها فعلا ابتلاء هالامة في النساء.... يالله كن لنا عون على انفسنا

باذن الله انا احاول المحافظة على اذكار الصباح و المساء و اقولها بصوت عالي لاجل ابني يسمعها

ما ابيه مثل ابوه اللي ربي بلانا فيه...

انا غضبانة و هو بدل ما يخاف احس اني بعد اخر رسالة بعثتها و قلتله سامحني حبيبي استانس

وو يمكن كلم غيري.........

نفسي افهم ليه ابوي يحب امي و دائما معاها في كل مكان و ليه اخواني ملتزمين و ما يكلمون بنات و لا علاقات

و الحمد لله هذا منعكس على اخواتي و منعكس علي ما عمرنا سوينا غلط رغم انه درسنا و سافرنا

ليه هو ما يخاف على عرضه و يفكر ستين مرة قبل لا يسوي اي شنيعة

ليش بس؟؟؟ اخر مرة صارت مشكلة بينه و بين اخته لانه شك فيها ليه ما يفكر انه هو السبب

و الا يبي بنات الناس تضيع وعرضه لا؟؟؟؟

حاليا مشكلتي كيف اركز على دراستي و الا هو بالطقاق ما يلزمني