الحمدلله انك ما ترضئ بنتك تكون ضحيه لرجل زاني

أبو عبدالله عجوزي جمبي اسولفلها عن هالموضوع
تقولك يوليدي يابو عبدالله البنت اللي تسوي هلون تقطع رزق خواتها وبنات عمها ومحد بيجيهن في حال صارت فضيحة. وأتركوا هالمواضيع وكلن يداري على اهل بيتة.

__________________
استغفر الله واتوب إليه

وهي صادقه ذي العجوز الله يطول بعمرها ولا بعد يحطن راس رجاجيل بالارض من هول الفعله , وين ذولا نسوان عن حريم اول اه بس

أتفق معاك أخوي ابو عبدالله .. فعلا الناس تنظر لخيانة الرجل على أنها أهون وأخف ضرر من خيانة المرأة ..

مع الاتفاق مع اخواننا وأخواتنا بأن الشرع كال للخيانتين بنفس المكيال ونظر للاثنين نفس النظرة ونفس العقاب .

وهذا هو الحق اللي لازم نكبره بعيون أولادنا وبناتنا وما نهون على شبابنا الخيانة لأنهم رجال مو بنات وكأننا نعطيهم العذر والضوء الأخضر لارتكاب الرذيلة .. مجرد أننا نكرر كلام كبارنا بأنه عيب الرجال بجيبه وما تعيبه الغلطة فاحنا بدون قصد نفهمهم أنه ما عليه يا وليدي روح ازني والعياذ بالله .

الحين اذا غلط أو غلطت خلال الحياة الزوجية فالعفو والسماح على حسب الشريك .. في ناس تقدر تسامح وفي ناس قلبها ما ينسى .. مو بيدها .

وخليني أخي أعطيك معلومة عن المنتديات والمشاكل اللي تنكتب فيها عشان ترتاح شوي .. أشوفك تتأثر بالمشاكل المطروحة وتنقهر عليها من قلب .

ترى وأنا اختك اللي يكتب ما يقول كل شي ولا نعرف كل التفاصيل وأحيانا بعد ما يصير الموضوع بعشرات الصفحات يتكرم علينا صاحب الموضوع بمعلومة لو درينا عنها بأول الموضوع كان رأينا تغير وتغيرت ردودنا .
وغالبا صاحب الموضوع ما يقول الا اللي بصالحه وما يذكر عن عيوبه شي ولا يجيب طاريها ونظن انه ملاك .

نلوم البنت على خطأها لكن ما نغمض عيوننا عن خطأ الولد .. هو بعد نلومه على خطأه .. ونقول لهم الاثنين انه البعد عن الله أكيد بيجيب النكد والجفا وكل المشاكل . المفروض صاحب القوامه يهدي على زوجته ويذكرها بالعبادات والذكر مو يكون أبعد منها...

__________________

كلامك ما عليه اعتراض سنع

يا اخي انت تتكلم عن ردة الفعل لما نعلم ان رجل اخطا عندنا
نعم نرتاح ان رجل ليس امراه
ولكن الذي اخطا معها ليست من اهل احد اليسوا يتحسرون قد يدمرون هذا الرجل او يقتلونه اذا عرفوا انه تعرض لعورت بنتهم


بعدها ماذا نفعل
هل نهون فعلة الرجل

يا اخي هذا التفكير يدمر الرجال وهم ضحيه ويفعلون ما يريدون بحكم ان المجتمع يغفر لهم ذلك


وهذا خطا عرفي

لو الرجال رجال
لما رضوا بذلك

وبالتالي لن يكون هناك زاني او زانيه

عفو تعف نسائكم

لا يستغرب اي زاني ان وجد احد من بيته يزني


كما تدين تدان

مادري وش تقصد بالماضي

,,,,,,, اذا كان الماضي مكالمة ولم تتعدا نطاق المكالمات فهنا ليس من حقه ان يطلقها ...... فمرحلة المراهقه لابد وان يمر الرجل والمراءة بمرحلة طيش الا من رحم الله ....

اما اذا كان الماضي زنا والعياذ بالله أو ملامسة الرجال والخروج معهم ...... فلا اعلم هنا يجب التوقف .....فالمراءة الشريفه مطلب كل رجل شريف ...
اللهم استرنا فوق الارض وتحت الارض واهدي كل مبتلى ياحي ياقيوم

ذلحين انتن الله يهداكن تعدن وتزدن بكلام ماله معنى

أنا قلت ماني راضي على الرجل الي يخون ولاهي من عوايد رجاجيل ولكن اذا ذا رجال غلط وتاب ورد لصوابه الجماعه بتسامح ولاحد بيذكرله شيء من ذي الفعله

ولكن المراه أبد ماحد مسامحاها وبعض الناس لو ماتت عندهم أرحم من حياتها ذا شيء موجود ولا تفلسفن

وبالنسبه للزوجين اذا ذا الرجال غلط وصلح وتاب ماهوب من حق المراه تحاسبه مادامه ماهوب مقصر شيء

ولكن المراه يعتمد على ذا الرجال بيحتمل وبيسكت عليها ولا بيسرحها لبيت أهلها ومن غير جهالها لانها ما تصلح تربي

محد يرضئ تكون بنته مع رجال كذا
ولا يرضئ رجال يكون مع مره كذا

ومن حقهم يا اخوي اللي يتعرض لاعراض الناس مرفوض عندنا

لان لو هذه تربيته كيف تاليه

الله يستر علئ المسلمات والمسلمين

اخي انت قلت وجهة نظرك وانا قلت وجهة نظري وصدقني احنا بقبيلتنا مرفوض هذا الشي من الرجل والمراه

اذا تابت و صلحت توبتها ليش الطلاق؟؟؟*

انت تقول ان الحرمه لازم تتحمل الزوج الزاني اللي يتوب و تصلح توبته فليش ما يسري نفس الشي على الرجل؟؟؟

اخوي احنا بيدنا نغير عاداتنا العقيمه اللي مازالت تعشش في عقولنا....

الزوج عندما يزني فهو يزني بامرأه لها اهل و اخوه فليش التفرقه؟