جزاءك الله علي هذا الموضوع الرائع
والله صدقتي في كل كلمه
الزمن هذا اصبح غير والناس صارت غير بس الله يستر

اهلا وسهلا غاليتي نور المنتدى برجوعك وحياك الله اشتقنا لك وافتقدناك يادكتورة فقد طال غيابك عنا عساه المانع خيرا ان شاء الله ويسعدني مرورك العطر بارك الله فيك ان الزمن لايتغير ولاكن هي النفوس التي تتغير والتربية لها دور في المجتمع هناك فرق بين انه يخرج لنا جيل متكاتف ومترابط يتميز بالشهامة وحسن الخلق وحب الخير وجيل متفكك اسريا غير مبالي ولامهتم يعامل الناس بكل كبر وغرور ويرى نفسه افضل الناس ويحب ان يجعل الناس تحترمه وتحبه بماله وقوته ومنصبه فهو قد يرى الناس عنده جميعا عبيد في الماضي كان الصغير يحترم الكبير ويوقره ويقوم بمساعدته ان اراد المساعدة ولو نهاه الكبير عن منكر لأستمع له بكل أدب وإحترام لاكن مالاحظته في الجيل الجديد بالذات الصغار لايوجد فيهم للكبير اي تقدير او إحترام إلامارحم الله تجدهم في وقتنا الحاضر يسخرون ويستهزئون بمن هو اكبر منهم وان نهاهم عن منكر فعلوه اجابوه بأن هذا ليس من شأنك ولا يخصك ولم يبقى سوى ان يضربوه امام الناس لأنه وجه اليهم النصيحة
مثل هذا الجيل كيف سيتعلم حسن الخلق وهو تربى على هذا السلوك الأسرة والمدرسة لهادور كبير في تربية الأجيال على مكارم الأخلاق هناك بعض الأسر تهمل ابنائها في التربية ولاتفكر سوى في اكلهم ولبسهم تغذيهم بدنيا بأشهى المأكولات وتلبسهم افخم الماركات ولاكن تنسى ان تغذي عقولهم بالشئ المفيد والنافع الذي يجعل منهم الأبناء الصالحين الأخيار اهل الأخلاق الحميدة يكبر اطفالهم وهم حتى اهاليهم لا يحترمونهم ولا يحترمون الناس وتجدهم من اكثر الناس فسادا دينيا واخلاقيا إذا كانت الأسرة حريصة على ابنائها تقوي لديهم الوازع الديني لأني انا ارى ان الوازع الديني يقترن بحسن الخلق لما تجد شخص مواضب على صلواته وبار بوالديه ويصل رحمه وملتزم تجده يتمتع بحسن الخلق وإن لم يكون يتمتع بصفات حسن الخلق جميعها
تجده يحمل بعضا منها .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

اهلا وسهلا بك حبيبتي والله وانا كمان اشتقت لكم كثيرا وكنت مرات ادخل واقرء ومن كثر مااكون تعبانه الاقي نفسي نمت بس الحمدلله والله اموري تمام الحمد والشكر لله انا في فتره الامتياز ودوامي مرات يطول لاكثر من 17 ساعه متواصله وبيتي مرره بعيد فا يادوب اوصل البيت واصلي ومااكل بس الحمدلله
صحيح والله عندك حق تغيرت نفوس الناس للأسؤ صدقتي والكل صار يقول نفسي ونفسي سبحان الله
صدقيني عدت عليا مره وانا اناوب في قسم مرضي النفسيين انه شخص عربي من دوله عربيه جابه والدته علي مستشفي عندنا وقالها انه الدكاتره هنا راح يعالجونها من مرض الكبد اللي عندها وطبعا الام هذه ماتتكلم اي لغه ثانيه غير اللغه العربيه وطبعا او ماداومت الكل ينادي بحكم لغتي العربيه مع انه مو مررره المهم اني رحت وسلمت عليها وقلتلها ياخاله ايش بك!تحسي بشئ؟تشتكي من شئ!قالت لا والله يابنتي بس ابن الوحيد جابني عشان اتعالج هنا من مرض الكبد!سالتها من متي وانتي هنا!قالت من 8 ايام وماحد من اهلي سال عليا ليش!قالت هل المستشفي مرره بعيده عن منطقه كذا وكذا! قلتلها مو مرره والمهم بعد ساعات جاء ابنها الوحيد وكان تقريبا مابين 35-45 المهم سالته ايش بها والدتك؟قالي والله بناتي مايبغو ياخذو بالهم منها وامهم سافرت واخذت اجازه وانا ماابغاها تتكلم كثير وتشتكي من عيالي والحل هذا كان انسب حل عندي!! والله العظيم اقسملك بالله كنت ابغي اصفعو هذه مو مستشفي لعبه وبعدين نحنا مو في بلد اسلامي وعربي يعني اذا شافوها المرضي تصلي وتسجدي ممكن يحسبو انها قاعده تسوي شئ ممكن بسهوله يجو يضربوها باي شئ او يسو اشياء وكانت اخر يوم ليا في هذا القسم وربي بكيت حسيت انه خلاااااااااااص هذه نهايه العالم ابنها الوحيد يرميها كذا!!حسبي الله عليه المهم بعد كذا يوم الدكتور كتب لها خروج لانه مافيها اي شئ ولانه لا يجوز انها تكون في المستشفي حسب قوانين المستشفي

الحمدلله علي كل شئ والله الواحد صار يضعف امام رغباته المهم انه يكون راضي عن نفسه مو مهم اي شئ

حياك الله غاليتي واهم شئ انك تكوني انتي بخير وعافية وهذا اهم شئ عندنا وربنا يعينك ويسهل كل امورك ويكتب لك الخير والأجر والثواب على عملك اللي تقومين فيه والقصة اللي ذكرتيها صراحة محزنه وأثرت فيه بصراحة اذا كان ولدك اللي حملت فيه وربيتيه وقمتي على رعايته وخدمته حتى صار رجل يرميك مثل هاذي الرميه عاد كيف تبغى الناس تشفق عليك وتحن عليك واللي خلفته وتعبت عليه ما اهتم فيك والله انها مصيبة وزيادة في دار غرب وكفر ليست بدار مسلمين وين يبغاها تروح وعند مين تجلس ومن يهتم فيها ويرعاها يالله بيلاقي جزاه عند رب العالمين
خايف على مشاعر اولاده ومو خايف من الله في هاذي الأم المسكينة الضعيفة المغلوبة على امرها الله يكون في عونها ويسخر لها من يهتم فيها ويرعاها يارب
وشاكرة لك مرورك وإضافتك لتلك القصة الواقعية المؤلمة نسأل الله ان يصلح امورنا ويغفر لنا ذنوبنا وخطايانا ويكتبنا من قومه الأخيار الأبرار اللهم آمين يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله