كنت احسب كل الرجال طبيعين وانا طحت بواحد مو طبيعي
هبل فيني واهانني و ذلني
ماهو كفو زواج ولا مسئوليه
تافه وحقير
مافدر حبي له
ماتفاهم ولا تحاور شهرين ماعطانا حتى فرصه
لعل بالامر خيره
واليوم انكشفت اول بوادر الخيره
لا تقولون طليفك مو شين الا ابو الشين كله
وكل الي بسوي سواته شين
سمر طليقك تركك لانه يبي عيال انا طليقي تركني لانه مايبي عيال
شفتي الرجال شفتي تفكيرهم

انا مو مشتاقه ارجع له مشتاقه له لانه اول رجل بحياتي 34سنه احلم بزوج المستقبل ولما جا حبيته وماشغت عيوبه ابد حبيته من افصى قلبي حب كبير و صادق ولما حذفني مت من الشوق لسه عندي افكار مانفذتها طبخات ماطبحتها هدايا ماهديتها
كسر حلم احلمه سنين خلاني شبه انسان افقدني الاحساس كل شي مر
سنين محافظه على نفسي لا كلمت ولا طلعت مع شباب ولاﻻحبيت خشيت هالمشاعر لزوج المستقلل
قلت اقعد ببيت اهلي ملكه الى ان ياتي زوجي لبيت اهلي يخطبني مثل الاميره
وبعد صبر سنين جا وشهرين وتركني حطم حلمي وتوقعاتي وانوثي خذا بكارتي وراح
خلاني للسهر والبكا والحسره والهم نظرتي مكسوره وخطواتي ثقيله وابتيامتي حزينه ودمعتي قريبه
باي حق يسوي كذا
باي حق يعذبني كذا
وفوق هذا اشتاقه لاني غبيه
حسبي الله عليه حسبي الله عليه وعلى كل شاكلته
الي مايخافون الله بحريمهم
صار تقويم المره طلاقها وين اخلاق الاسلام

انا خلاص تعقدت من قصصكم والله ان خاطري حزين عليكم يا حبيبات قلبي

ما ادري ليش يصير معكم شذي والله قربت ابكي

ما رغبتي بشي مستحيل سوى زوج يسترك وتكونين معو اسرة واطفال ليه ياارب يطلعون شذي
ليه يستاهنون ببنات الناس
واايد قلبي وجعني من اجلك ومن اجل الاخت صيتة وسهر

الله يعوضكم يااارب ويخلص كل واحد كسركم

ولاحول ولاقوة الابالله العظيم

احمدي ربك انه بادر بتطليقك بعد هالفترة القصيرة وقبل ما تتعلقين فيه أكثر وقبل ما تحملين
أجل أنا وش أقول الي أمضيت معه سنتين ونصف .. يعني صار شئ كبير بحياتي .. أحسه جزء مني
تدرين اليوم الجمعه من صحيت وأنا أبكي.. يوم الجمعه كان يقوم بدري و أقوم معه أعمل له فطور خمس نجوم ..
و نجلس نتفرج على بعض البرامج وسوالف .. وقبل الظهر ياخذ حمام استعدادا لصلاة الجمعه وانا اولع له البخور ...
ولا مرة يوم جمعه خليته يطلع الا متبخر ... وكل مرة يقول لي ... الله يطيب فالك ... وأقول له وياك ...يروح يصلي وانا اجهز الغداء ... والعصر اتكشخ له ونجلس نشرب شاي .... طقوس اشتاق لها ... ولا راح تنعاد أبد ..

((((ولا راح تنعاد أبد)))

ابدا ما تحكي .. وين ايمانك بالله .. وثقتك بقدره الله .. وحسن ظنك به ... والدعاء والاتكال على الله..
انتي عشتي هذه الطقوس لان الله اراد لكي ان تعيشها .. لان الأمر بيده سبحانه وتعالى.. والله لو اراد لعيشك احلى واحلى واحلى بالف مره من هذه الطقوس مع زوج افضل مليووووووووووووووووووووووون مره من ذلك الذي "استغنى" عن قطعه اغلى من الألماس مثلك...

خلي عينك بعين الله واتوكلي عليه ويااااارب يا صيته ربنا يعوضك بزوج هني تقي ابن حلال يحطك تااااج على راسه اللي هو اللي يبخرك مو انتي اتبخريه .. ياااارب ما في شي بعيد عليك ولا اتقولي انا سكرت موضوع الزواج لاااااااء عمرهم 50 وبيتزوجوا .. انتي مو ناقصك شي بس .. اتفاءلي

__________________
حاسه حالي لحالي بالكون وكل الناس وأهلي حوالي .. بس لأنه غاب عن حياتي """ بس الأكيد انه راح ييجي يوم وأرجع فيه ... لناسي وأهلي اللي أخذني منهم وخلاني لحالي

صيته فعلآ ماراح تنعاد
انا بعد عشت معاه سنتين ونص ولسا اتذكر كل تفاصيل حياتي معه
وطول هالسنين اللي فاتت ماشفته الا مرتين وكل مره شفته فيها اتعب واطيح
اسبوع مريضه
لا حول ولا قوة الا بالله
اللهم فرج هم المهمومين وكرب المكروبين

شكرا سهر الله يعوضك خير وتفرحين بذرية صالحة تنسيك هموم الدنيا
انا أقول هالكلام لشدة ايماني بالله ... نعم آمنت أنه حرمني من نعمة الزواج بالدنيا .. لأنه رايد يعوضني بالآخرة بشئ أجمل من أزواج الدنيا ... والآخرة خير و ابقى...

آآآآآآآآآمين يارب العالمين... ادعيلي يحبيبتي نفسي اصير ماما نفسي ياااارب ....
وانتي .. ديري بالك تقنطي من رحمة ربك الواسعه الله يعطيكي من خيري الدنيا والآخره يااارب

__________________
حاسه حالي لحالي بالكون وكل الناس وأهلي حوالي .. بس لأنه غاب عن حياتي """ بس الأكيد انه راح ييجي يوم وأرجع فيه ... لناسي وأهلي اللي أخذني منهم وخلاني لحالي

استغرب من الي عنده زوجه محبه وقايمه فيه وتركض له ويطلقها ويتركها امس اسولف عن زوجه قريبي مابقى شي ماسوت له فلوسها وشبابها اعطته وضحت كثير دلللت زوجها مره اخر شي يمشي ويتزوج عليها و اهملها مره ساحب عليها ويسب فيها اشوف الي مكلعات عيون ازواجهم يركضون لهم شوفوا بقسم المتزوجين بعضهم مورينهم الويل بس صابرين ازواجهم ومتحملين توقعون لانا ماحملنا تخلونا عنا بسهوله

لا تختلط عليك الامور ...
فيه بنت تستاهل الطلاق لانها بصراحه ماتقوم بابسط حقوق الزوج ..
وماينفع فيها كلام ولا تفاهم .. باختصار تحرم زوجهـأ الراحه والاستقرار وكأنه غير متزوج اصلا
ويمكن على العكس لو مو متزوج احسن ..

وفيه الي تقولي عنهم يتحملوآ زوجاتهم .. بتلاقيه رجال يخاف الله اما عشان يحافظ على بيته واولاه بتلاقي فيه رحمه على اولاده ... بس ما اعتقد حب ... لان تصرفات كثيره بتكون سبب كرره ..
كثير ناس تزوجوآ حريم ووصل لمرحله يقول والله كرهتهـا بس عشان اولادي وبيتي !!
وقد يكون حب ..
الي اقصده بكلامي ذا .. كل انسان ومعدنه

وفيه رجال ظالمين ونفسيات ويكون غير مستعد للزواج ..
اعتقد الرجال الي باقي يعتقد ان رضى الام في ظلم الزوجه انسان ناقص ومازال صغير عقل !!


المسأله مالها علاقه بالخلفه اعتقد ..
المسأله خوف من الله وحكمه وضمير صاحي ..