طبعا لما زوجي عرف اني استشرت اخويا و انه اخويا بيحل الموضوع ..
قال لي خلاص لاتدخليني بالموضوع و خلصي امورك مع اخوك ..

.
.

انا ما قلت لاخويا كذا ..

قلت لاخويا .. فرضا لو زوجي قال خلاص مالي دخل و خلصي كل شي بنفسك ؟

قالي اخوي
(( ولو قال إتصرفي خلاص .. لا يسكن معاكي .. خليه ينقلع ويشوف حاله ))

.
.

طبعا الحل اللي اعطاني اخوي بإذن الله لو اتنفذ اليوم .. الاحد ..
بيكون رووووووووعة و من جد .. وقتها ربي يكون معايا ..

و مجرد ما يصير .. راح اكتبه هنا ..

لانه باستنى رد اخويا التاني .. لانه الي كلمته مسافر دحين ..

.
.

طبعا زوجي ما حكيت له التفاصيل ..
باختصار و كلمتين ..

حسيته انقهر و ما حاول يبين و قال خذي رقم المكتب و اعطيه لاخوك و لا عاد تدخليني ؟؟؟

اوك .. اول حجته .. لا اكون طرطور .. و دحين ايش الحجة ؟

التفاصيل تبع فكرة اخوي باكتبها ان شاءالله بس تتنفذ اليوم ..

دعوااااااتكم ..
لانه اخوي التاني عنده حركات ترفع الضغط ..

بس ارحم من زوجي و ثقة بإذن الله

التاني هو الي بينهي لي الموضوع ان شاءالله .. شغله مثلي مضبوط و بدقة و بسرعة ينهي الامور
و ذكي ماشاء الله ..

بس الكبير الي مسافر هو الي بيوجهه ..

.
.

بس ضروري بكرة ..
لو استنى الكبير بيروح العقار ..

لينة العريكة ..

يعني نوعا ما ..

.
.

اخوي امين

لا ما اتممنا .. لانه الشراء عن طريق البنك و البنك يبغالهم شهر و نص عشان تنتهي اجراءاتهم .. رحت اليوم و سالتهم ..
و المالك جاله مشتري و معاه كاش حسب كلام زوجي .. فما راح يضيع هذاك المشتري عشاننا الا بعربون محترم

قلت لزوجي فرضا اعطيتك العربون و سالتك فين الايصال .. راح تزعل و تقول ماتوثقي فيا و تتهمني اني انكد عليك ووو الخ
و انا مابغى مشاكل و لانخسر بعض .. و كل شوية تقول طيب و بكرة و بعدين الخ

لانه هذه حركات زوجي المعتادة و ما راح اجازف بمبالغ طائلة زي كذا و بنك و محكمة ووو الخ
الا و انا دارسة كل خطوة ..

اختي الكريمة الكريمة اختصاصي كله عقارات و ان شاء الله افيدك بقدر ما استطيع

خليك من موضوع السعر و البنك و الرهن...الخ

الموضوع المهم هو التوكيل انتبهي اختي الكريمة ولا تقعي فريسة و ضحية نصب

راجعي ردي الأخير بالأعلى و اقرأئيه و تمعني فيه و افهميه جيداً

تقبلي مروري

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

اخوي البليغ ..

اخواني صح ثقة و الحمد لله و امناء جدا ..
لكن يومهم بسنة .. و يستثقلوا الصراحة مراجعة الدوائر الحكومية ووو الخ

و هذه ميزة في زوجي .. لانه فاهم شغل التعقيب و زوجي اجتماعي ماشاءالله و لسانه حلو ..
فيلاقي اي واحد على قولة الشباب .. يسلك له .. او يمشي له اموره بسرعة ..

اخواني سيييييدا و ماعندهم ..

.
.

المهم ..

فكرة اخوي انه هو بكرة يشتري العقار من المالك مباشرة ..
و انا لحد ما اخلص اجراءات البنك شهر و نص .. خلاص البنك كانه يشتري العقار من اخويا و بنفس السعر الي اشتراه اخوي
و انا اقسط للبنك ..

باقي شغلة المحكمة و البنك ..
هذه لو زوجي شال يده منها .. اخويا يقول وقتها ما يسكن معاك في البيت و خليه يدبر حاله ..

هذه الشغلات الصراحة اخواني ما راح يتعبوا حالهم فيها ..

عشان بيشوفوا زوجي ايش يسوي ؟
صح طيبين اخواني بس مو لدرجة السذاجة او انه احد يشغلهم و هو جالس مرتاح

فاكهة الشتاء

مافي شي مستبعد ..
اتوقع اي شي ..

و انا من زمان مقررة .. موضوع البيت او العقار ما راح اتهاون فيه ..
مو بسهولة يضحك علي و انقرصت كثيييييييير و كل مرة اقدم شي و.اندم

هذا مو لعب ..

- اولاً : الله يعطيكم خيره ويكفيكم شره ويجعله منزلاً مباركاً

- ثانياً: استمري بالخطوات الي اتفقتي فيها مع اخوانك .. ومهما كان الموضوع ثقيل لكنه مهم

( استعملي اسلوب الدعاء والزن والرجاء مع اخوانك علشان يخلصون اهم موضوع بالنسبة لك)

والله يخليهم لك اخوانك ما قصروا معك فعلاً إن الاخ عزوه وسند..

- ثالثاً : أخرجي زوجك من هذا الموضوع نهائياً وأي موضوع مادي يخصك هذا رأيي بعد آخر موضوع كتبتيه عنه

الصراحة اخواني ما يعرفوا التفاصيل ..
سابقا ..

لكن اخوي الكبير طلب مني احكي له موضوع العقار ..
كيف صار و ايش قالوا وووو الخ

قالي تزعلي و لا ماتزعلي ..
الموضوع فيه نصبببب باي طريقة كانت .. و راح توقعي في فخ ..
و لا تحفري قبرك بيدك ..

.
.

و بدأ يفكر بحلول ..

هو ماعنده قيمة العقار كاش .. بس بعدين جاته الافكار و طرحها علي ..
و لا كان من البداية قالي الحل هذا ..

و انا لما طلبت رأيه .. توقعته ما يتدخل و يشيل يده من الموضوع ..
و كنت بس ابغاه يعطيني رايه في التوكيل و الحمد لله

.
.

صادقة ذكريات ..

ماتتخيلي كيف حسيت انه ظهري استند على شي ..
و هم كبيييييير انزاح ..

رحمة من ربنا ..

لاني دعيت و قلت يارب ..

داماس ..

البيت لي و للاولاد في الاخير .. و البيت مثل ماقلت ..
ما حالاقي بسعره و مكانه .. حتى اخوي لما قلت له عن المواصفات
لو حس انها ماتستاهل .. كان راح يقول لي لاتاخديها ..

و لو ما اخدتها .. فغصبا عني راح ادفع ايجار الشقة الي انا فيها و باقي لها شهرين و نص
و تنتهي المدة ..

و حابة يكون لي بيت ملك قبل لا ابدأ باجراءات السفر و قبل لا اثقل مع الحمل و الولادة و غيره
بس ما هي مكافئة لزوجي .. لانه بالاخير انا و اولادي بنستقر ان شاءالله

و منها اخوي الكبير يتطمن علي ..
لانه لاسمح الله لو صار شي .. هو في الاخير راح يتحمل همي و هم الاولاد

روح انتبهي
ربما يتخذ اخوك شراء المنزل نقطة ضغط لتتركي زوجك.
لا اريد ان اقلقك و لكن ربما يقول لن اسلمك الملك الا اذا ...
اتمنى ان يمهد الله لك افضل الطرق
اسفة ان اقلقتك
و لكن كوني مستعدة لجميع الاحتمالات
ممكن تستاجري بيت و تؤجري الملك الجديد؟ مجرد فكرة