حبيبتي سمي بالرحمن وقولي يالله

استحميليني شوي


اخطاتي بخروجك من منزلك اخطاتي التصرف
كبرتي الموضوع اكثر وكان الحق لك والحين صار عليك

ضيعتي حقك بايدك
الله يهديك بس
ماكان في داعي ابد انك تطلعي من البيت ليه عملتي كذا

ربي يصلح الحال

عزيزتي شنو كان ردك عليه بعد ما ارسل لك رسالته

ان ما رديتي عليه
اشوف انك تسوقي الهبل --اعتذر
وتعملي نفسك ما قراتي المسج -- يعني حاولي تلمي الموضوع

وتدلعي عليه وتغلي عليه --كيد النسااااا
واقلبي الزعل شوي-- اجليه حتى ينلم الموضوع اولا

وحطي في بالك خروج المراة من بيتها سهل
لكن الرجوع صعب جدااااااااااااا

يا اختي والله اول ما قرات موضوعك كنت بقولك
احمدي ربك انه يمسك يدك ما عطاك باكبر ما عنده
ومحد كان راح يلومه --يقولك تخالفي الحشمه وغيرهاااااااااا

حبيبتي تعوذي من بليس ولا تخليه يخرب بيتك ويتشمت فيك

ومن ترجعي ان شاء الله على البيت هنااااااااااااااااااااااااااااااااااااااااااااك ازعلي وعاتبي وسوي كل الي نفسك فيه
بينك وبين زوجك

البيت الي رباك بيت امك وابوك ما عاد بيتك
ارجعي ياختي لبيتك والله الموضوع مو مستاهل


وارضي واحمد ربك على قسمته لك ونصبيك


اعتذر ان كان كلامي فيه شويه قسوة او تشوفين اني جايه عليك وكمان مو ناصفتك
اعتبريني اختك وانصحك
والله اني انصدمت لما قرات انك طلعتي من البيت وحسيت الموضوع قلب زعل وكبر من دون اي سبب

طمنينا عنك وبشرينا برجوعك للبيت

ربي يجبر خاطرك ويصلح حالك وحال بنوتك ويشافيها
اللهم امين يا رب العالمين

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

أيه والله كبرتي الموضوع ..
عشان مسك ايدك بالقوة تنامين بيت أمك ؟؟
معليه تزعلين ساعة ساعتين يوم يومين بس مش مشكلة تطلعك من بيتك ..
ويقول لك رجعي وماترجعين ؟؟
وبعدين يا أختي اكيد هو بينكر انه ألمك لانه ماشافك تألمتي حزتها .. ماصارت عزة نفس هاذي الله يهديك ..
ترجعي بيتك وصلحي الامور قبل لا تتعقد أكثر وتكبر ترى ماتسوى حبيبتي على هالموقف ..

دانه أنت طالعه صدق من بيتك لأنه مسك يدك بعنف. .؟!
الله يهديك أنت العاقلة إلي تنصحينا وتعقلينا تطلعين من بيتك لهذا السبب
دانه أرجعي بيتك وبالبيت تغلي عليه وعاتبيه على كيفك

__________________

اعانك الله حبيبتي و فرج همك و شفا ابنتك و حفظها من كل شر

كنت اوافقك الراي بان تكوني حازمة و تتخذي موقف لكن ماتصل تروحي لبيت اهلك ..
وقت ما تحصليه جاي يمسك ايدك اهربي لاي غرفه .. او انبطحي بالارض
او على طول قولي له شفت ها .. او اصرخي او حتى عضيه سوي اي شي
شكله والله اعلم اتعود عالحركة دي .. قد يكون من ايام صغره و مراهقته الي يعصبه
على طول يمسك ايده (اخوانه اصحابه الخ ) فا صارت معاه لا ارادية ...
فا عشان كدا حاولي تنبهيه ساعتها ..

الشي الثاني.. جبت لك حل ممكن ينفع .. لا تضحكي



البسي هالاسورة في اليدين تحت الملابس .. ولو جا ومسك هو الي بيتعور .. و يبطل ..
ربي يسخره لك و يهديه ويسعدكم و يوفقكم

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

ههههههه هههههههه


والله حل
ربي يسعدك يا ام يوسف ويشافي بنتك
يختي هالاسوار وين تحصله
قبل نشوفه بالافلام
لكن الحين هي من صج من وين تلقيه



ربي يصلح حالك يا. دانه ويهديك ترجعي للبيت

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

والله بجد يادودو لا تفتكروني اضحك او اتمسخر
الاساور دي عن جد قد تكون حل

لانه يقول و اعتقد بانه محق .. لايشعر بنفسه وقت ما يمسكها بقوة
اذن الاساور دي بتعمل عمل المنبه بالفعل .. احساسه بالالم بينبهه ..
زي الي يكون سرحان او بعالم ثاني و تجي تعطيه كف .. فا يصحى وينتبه لك

تلاقيها بمحلات الجوثيك gothic
او دوري عليها بالايباي اسمها spiky armband على ما اعتقد

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

سا شرح لكم بالتفصيل ليه تركت البيت.

صحيح انا امس اضحك واخذ الموضوع ضحك.


لكن والله الذي عالم بحالي.

ان مكان الاظافر ملتهب وفيه ألم كبير.
المسكه كانت قويه لدرجه احس الدم تجمع ما ادري ايش اللي صار في يدي لدرجه اقول معقوله مسكة دقايق تسوي فيني كذا.


لو يضرب احسن مليون مره من مسكه اتخليني اتألم.
اخره مره كفي كان يطلع منه دم وكان فيه طول اليوم حريق وألم.



والله العظيم اني ما أبالغ وهو يعرفني زين. وعندي قوة تحمل.
بس حسيت اظافر ويد جني مب آدمي.


ام يوسف
سيده
دوندرمه
الدانه
بديع المعاني.


اشكركم من قلبي ومستحيل ازعل من كلامكم.
واعرف انكم تحبون مصلحتي الله يحفظكم.


لكن لو اجتمعت فيه كل ايجابيات الدنيا
ما اقدر اسمح له يمسك يدي بهالطريقه.
طول الليل ما قدرت فيها ألم. ما اعرف يمكن انا اعصاب يدي ما تتحمل
بروح المستشفئ واعرف السالفه.


ولا تخافون عليه
لان امس بالليل كان نايم في مجلسنا وسهران مع التلفزيون
وكل احلئ فطور
ودوام وهو مغير جو. ومكان.
وما بيطلع من مجلسنا لين يأخذني.
وكلم امي وقال بنتج تتدلع علي يوما وانا وايد مستحمل لانها بنتج بسس.

اما موقف امي ما بكتبه خلوها على الله.
الفله الحين فاضيه وما فيها احد. ابوي ما يتحرك وما يذكر شي وفي غرفته.
وانا اعرفه زين يدري انه غلطان للنه سبني وشتمني وانا سكتت.
انا ما همني الكلام لاني متأكده ان من وراء قلبه.

ولا الضرب يهمني. وعمره ما ضرب.

لكن المسكه هذه بتذبحني. يا انا يا هالعاده السيئه. وهي مب قديمه
صار لها هالسنه بس.
قبل لا يمسك يدي ولا شي.

يمكن لاحظ ان اتعذب منها.


اخر مسج امس

لا يكون انا ذابحج علشان تنامين عند امج.


يا ناس باقي يذبحني بس. يعني انا ليش اتعير او اكذب. انا تعبانه. لا الموضوع فيه شي غلط. ولا حتئ يسوئ ولا انا راددت. قاعده اقنع بلطف. ما اقتنعت. خلاص النقاب في يدي بلبسه. ليش العنف. وليش تاخذ بنتي مني.

اعذروني هالمره التعبير بالعامي.

بتقولون عاقبيه وانتي في بيتك
والله ما ينفع
في نفس اليوم بيقص علي
بينام وهو مستانس ومراضيني.

لا لا لا لا
لازم يصدقني ويحس فيني.

ارسل رساله طويله
من ضمنها ارجعي

ارسلت برجع بكره اليوم بنام عند امي.
وحتى لو رجعت انا مب راضيه عليك.


قال المهم انا ارضئ عليك.
ارسلت له انك انت شتمت وانت سببت لي تشويه وأذيه.


ارسل هالجمله (طيب انا آسف. )


ما ارسلت شي.


انا ارفض العنف. يا اخواني واخواتي.

كيف احل مشكلتي هذه
هل ارضئ بهالعنف.

هو يرضاها على بنته اذا اكبرت وتزوجت.

الظهر يقول انا ما تغديت بنام جوعان.

وانا عرفت من اخته ان معزوم عندهم. وتغدا.

دايما حيله وراء حيله.

سبحان الله
عجزنا نفهم الرجل.

سلامتك يا دانه الف سلامه عليك ...
والله يشفي ابنتك و يكتب لها مافيه الخير ..
مع اني في صف زوجك ومع كلام الفاضل ابو عبدالله ..


الا الضرب ... خط احمر ..
قولي له ، المره الجايه ابوثق ضربتك بالمستشفى وارسل تقرير لقسم الشرطه وحقوق الإنسان ..
يمكن يستوعب..!


الله يهديه ..

__________________

آمين الله يهديه.

اقسم انه لن يعيدها.

ليس امامي سوى ان اصدقه اختي شقرديه.

اما الشرطه وغيره ولا يهمه يعرف طبعي اني ما اتجرأ

انا اقنعت نفسي اني اتناقش من بعيد.

اي موضوع فيه نقاش بيكون بيني وبينه مسافه. علشان لو قرب اهرب انا منه.

اذا كان قريب بقول تم. وببلع الغصه ولا اني اتألم بهالطريقه وهو ولا حاس.


عموما الحمدلله خف الالم كثير.

واعترف ان قبصني على قولته. ويقول غصب لاني صائم. اتحداه يقبص مديره. لكن القوه على الضعيف.



المهم ما يفيد التشكي الحين.

الله كريم

من داخلي مكسوره. صدق الرسول عليه الصلاة والسلام يوم قال قوارير.
لكن ما خلو فيها قاروره اكسروها بالكامل.

المهم ما علينا.

تطمنوا يالطيبين برجع بيتي إن شاء الله.

والله يوفق الجميع ويبعد عنكم كل سوء