تصرفات زوجك تدل على أنه يريدك

لكن دون شروط

يحاول إعادتك مرة بالترغيب "السفر" ومرة بالترهيب "المحكمة"


كونه يريدك ولم يتجاهلك -هذي نقطة لصالحك-



أكثري من الدعاء

واستخيري قبل ذهابك للمحكمة

وإن ذهبتي , فاذهبي وأنتي راغبة في الإصلاح -غير متحاملة- وتسئلين الله أن يكتب لكما الخير

أصلح ربي شأنك وكفاك همك

مرحبا اعزائي
ابي اقولكم ايش صار في هاليومين وابي رايكم
يوم الاثنين جاء اخو زوجي وجاب ورقة الاستدعاء طبعا صار بينه وبين ابوي كلام قال لابوي شفتو الموضوع وين وصل
وانتو للحين مصرين على موضوع شقة ايجار قاله ابوي وليش مايطلعها بسكن ويبعد عن المشاكل وهذا حل عشان حياته وحياتها تمشي صح قال لابوي اهو رافض فكرة الايجار يدفع بشي مو له
وانتو براحتكم
المهم اليوم الصبح اتصل على اخوي هيئة الدفاع العام ويقوله ان قضية الضرب إللي رفعتوها بتنرسل للمحكمه خلال هاليومين عشان يصدر الحكم
وطلب من اخوي انه يتكلم معاي وسألني تبين القضيه توصل المحكمه ولاتتقفل قلت له لا لاتسكر القضيه ولاتوصلها المحكمه في الوقت الحالي قلت له طيب زوجي مستدعيني يوم الاربعاء بالمحكمه وش رايك قالي المحاكم 90بالميه بصف الرجال واذا تبين الطلاق روحي المحكمه قلت له طيب انا موضوعي ابي سكن يحفظ كرامتي قالي مو من صلاحياتنا نجبر الزوج بسكن واهو رافض ويقول ماعنده قدره قلت طيب وش الحل قالي اذا تبغين ترجعين وتجربينه وتحكمين بنفسك على حياتك المستقبليه معاه وانا من جهتي بتصل عليه وبقوله احترم نفسك وتعامل بأخلاق مع بنت الناس وبشوف رده واتصل عليك اقولك
اتصل عليه وقاله ترى قضيتك مفتوحه ومابتتقفل إلا من كيف زوجتك فنصيحه ابتعد عن المحاكم وراضي زوجتك
بعدها كلمني المحقق وقالي زوجك وعدني انه بيتأدب معاك وان شاء الله حياتكم الجايه افضل وقالي ترى إهو يبي يعرف متى يجي ياخدك قلتله ماأدري قالي طيب اهو بيتصل عليك وتفهاموا على وقت الرجعه ..
كلمني زوجي كيف حالك قلتله الحمد الله ايش المطلوب مني قلت له احترامي ومكان يحفظ كرامتي قالي ماحد بيكلمك واهلي ماراح يتدخلون وان شاء الله مالك إلا طيبة الخاطر وقفل الخط

دق علي الساعه 2بالليل وقالي بكره بمر آخذك عشان نروح للهيئه وتسكرين القضيه
قلت له ماراح تتسكر قالي ليش قلته طيب واستدعائك قالي استدعائي عشان ترجعين بس خلاص ماله داعي الحين
ويرجع لسالفة القضيه حسيت إنه خايف على عمره ويلزم علي اتنازل قلت له لاتخاف انا كلمت المحقق وقلت له ان القضيه ماتوصل المحكمه قالي خلاص يوم السبت بمر آخذك عشان ترجعين معاي البيت وقفل الخط
كلمت امي وقلت لها قالت انا خايفه هذا بس كلام وشهر وإنتي هنا او يمد ايده ويضربك مره ثانيه وأهله يهينونك وإهو يقول مالي دخل مثل كل مره
قلت لها تكلم ابوي في الموضوع ابوي رفض وقال لا ماترجع يطلعها حافيه في الشارع وامه تطردها وتسبها ويعاند ومايبي يسوي اي شي يرضيها وترجع
وجاء كلمني قالي لايفر راسك تراه لو تندم كان شفتيه قبل اسبوع يوم اجتمعتوا فيه رده غير مو جالس يتحدا وخايف على فلوسه لاتضيع على ايجار ومايبي مساعدات من احد وانتي إللي تتنازلين عن إحقوقك وترجعين وقالي ترى ما اغصبك تبين ترجعين رجعي بس مابيك تشتكين لي منه مره ثانيه ماراح اتدخل في اي شي
رد ابوي خلاني في حيره مدري شنو التصرف الصح
مدري هل زوجي بيغير من نفسه فعلا ولا لا مدري
ابوي كلامه اقنعني يقولي ما اخذتي منه شي ملموس كله كلام في الهواء وماتضمنينه مثل كل مره
طيب وش الحل
محتاره والله ساعدوني

الرجل خذي منه أفعال ومب كلام و مساءلة القضية لا تقفلينها إلا بتعهد خطي يوقع عليه و لو تعرض لك مستقبلا بضرب أو طرد تقدرين ترجعين لهم
ما أعرف كيف الوضع بمحاكمكم نحن عندنا الزوج ملزم بتوفير منزل زوجية مستقل و يعتبر حق للزوجة المطالبة فيه
و إذا فرضا بحالته ما يقدر ماديا توفير بيت على الأقل يقدم رضوة و يقدم اعتذار على الفصل العجيب اللي عمله معاك

و إذا نويتي الرجوع له فاستخيري و توكلي على الله لعله فعلا تغير للاحسن و لكن تحذري من الحمل خلال هذه الفترة لانها فترة اختبار و فرصة له و لازم من طرفك تغيري من أسلوبك معاه و مع أهله ،،،

__________________
[img]http://im33.***********/edShu.gif[/img]

ليش مكالماتك معاه رسميه كأنك موظفه عنده

انا اقول اتصلي عليه وتفاهمي معاه وخوذي راحتك بكل شي يضايقك من تصرفاته وكمان موضوع المصروف اكتبي كل شي في خاطرك بورقه وارسلي له رساله وقولي اتصل ابغا اتفاهم معاك
وتكلمي معاه بكل صراحه وقولي كل شي بخاطرك وقولي مافي احد يقدر يضغط علي ارجعلك انا نفسي احافظ على بيت انت هدمته بتصرفاتك وقولي انا شبعت من الكلام والتبرير واحكي له موقفه في بيت خالك وتبريره وكذبه
وقولي كل مالك تصغر في عيني
واسأليه ليش هو متمسك فيكي ويبغاكي ترجعين

وبعد المكالمه حددي وش موقفك معاه

وربي يكتب لك الخيره

واذا جاء ياخذك خليه يدخل يسلم على اهلك ولا تطلعين معاه وهو جالس في السياره اذا احترم اهلك بعدها يحترمك وهذي قاعده مافيها شواذ

الرجال غير تفكير الحريم يخافو بس مايختشوش

ياأختي الكريمه والله ارى انها فرصتك
ﻻتتعاملي بالعواطف ورأي ابوك صائب هو ماقدم غير
الكلام كيف مالهم علاقة ومدخل بيتك من داخل بيتهم
بعد الاستخاره ارى ان تطلبي منه التفاهم اما يقدم
افعال ملموسه اقل شي مبلغ مالي ويسلم على
ابوك او تحتفظي بالقضيه ﻻتتنازلي

امشي ورا شور أبوك وبس

أبوك اعرف بالرجال واحرص على مصلحتك

اختي الفاضلة كلام والدك واقعي الى حد كبير

فعودتك يجب ان ترتبط بمايضمن عدم تكرار ماحدث

فوجود الرادع القوي امر يحفظ حقوق كل الاطراف

فوجود تعهد خطي موثق في دائرة حكومية حق من حقوقك بعد ماحدث سابقا

فضعي نصب عينيك ان من أمن العقوبة اساء الادب

وفقك الله

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

طمنينا دموع !!

__________________

اختي دموع اين انت؟؟

طمنينا عليك؟؟؟

اسأل الله لك الخير اينما كان و يكون

__________________
لاتضع كل أحلامك في شخص واحد ...ولاتجعل رحلة عمرك وجه شخص تحبه مهما كان صفاته ولاتعتقد ان نهاية الأشياء هي نهاية العالم
فليس الكون هو ماترى عيناك

[img]http://im33.***********/edShu.gif[/img]

يمنع فتح موضوعين بنفس المحتوى :::يغلق

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014