خصوصا ان كل ما اخطب انرفض
هل اصر عالرؤيه الشرعيه اذا قبلوا خطبتي
او ابحث من جديد عمري 30 سنه وما حصلت قبول من سنوات وانا اخطب

مع اني واثق من نفسي وما علي قصور لا من ناحية الشكل ولا الاخلاق ولا الشهاده ولا الاصل ومرتبي عالي

ما ودي اكسر بنفسي واوافق عمياني مع اني اخطب من ناس متفتحين ومتحررين بس لما توصل عالرؤيه الشرعيه يقولوا لا !!!!

هل انزل من مستواي واقبل باي وحده بعد كل هالسنوات !!

انا ما يهمني الشكل كثير اهم شي القبول والراحه النفسيه

طبعن تمسك بموقفك ولاتلين تحت اي ضغط
ولاتقدم اي تنازلات هاي عشره عمر موب لعب عيال
والنظره الشرعيه الرسول صلى الله عليه وسلم وصى عليها يعني لاتقولي تقاليد وعادات ممنوع وماادري شو
وبالتوفيق ان شالله

اعتقد راح اطبق كلامك يا اختي الغاليه

ولكن الواحد يتغير وما يعرف نفسه لما يصير بهذا الموقف

يمكن اضعف واوفق تحت ضغط اهلي

لان اللي يده بالماي مو نفس اللي يده بالنار

ويالله تقدرني افعل الصواب

بس هذا مايمنع انك تتشرط وتقول اباها جي وجي وجي
يعني خبرهم بالمواصفات المطلوبه واترك خواتك يوصفلك اياها اذا لقوا البنت يخطبونها موب يخطبون اي حد وعقب اطيح بجبدك وتظلم نفسك وتظلمها
في سالفه صارت بالسعوديه رجل قبيلي يبا يزوج اخته واثناء النظره الشرعيه كل مايطلع اخته المعاريس يسيرون ومايرجعون واخر من تقدم لها طلع بنته للنظره الشرعيه والريال انعجب في البنت بس عقب العرس تفاجا انها موب نفس البنت تخيل انه مادخل على الزوجه وطلقها ورفع قضيه على اخو العروس والبنت اهني هي الضحيه لانه شكلها ماعجب المعرس .

يعني بدل لايصير ضحيه يصيرون اثنين ضحايا


والله يسهل امورك فكر الف مره قبل لاتخطي الخطوة

النظرة الشرعية يا أخ ضرورية جداً

حتى ترتاح لها وترتاح لك



عموما قرأت شكواك


الله يرزقك من حيث لاتحتسب
زوجه ولود وودود ويهنيكم ويسخركم لبعض
عاجلا غير اجل

ولاتضيق يا أخوك هذا النصيب

يا اختي انا مو لاقي قبول علشان اتشرط !!

ابي وحده مقبوله وذاكره ربها بس لا اكثر

حدي مرن عالاخر

اختي ابتسامه الله يجزاكي خير

بس اغلب اللي نخطب منهم ما يوافقون عالنظره الشرعيه يقولون انت تخطبها لاصلها مو جاي تدور شكل

مع ان البنت كاشفه وجهها ومتعلمين بس ما ينفع معاهم وقت الشرع يرفضون

الرؤية الشرعية حق من حقوقك لا تتنازل عنه مهما كان !
لا عليك من أي شخص ولا تكترث لمن يضغط عليك ، هي حياتك أنت من سيرسمها وفقا لرغباتك واحتياجاتك .
النظرة الشرعية أيدها رسولنا الكريم - عليه الصلاة والسلام - لتستأنس بها وترتاح إليها وهي كذلك .

وفّقك الله وكتب لك الخير في كل أمورك .

اخي لا تتنازل عن شيء و ثق في نفسك كما لو أنك حدبد ، و اعلم أن الـأرض فيها العطر و النساء و أمامك شبابك فتريت و انتقي الزوجة المناسبة على خاطرك

إخواني يمام البراري والرشاد الله يجز أكم خير

وهذا اللي راح يصير أن شاءالله