السلام ورحمه الله وبركاته


دعواتكم يأخواني وخواتي لولد اختي حمدان وربيعه سلطان بالسلامه ..
.. حمدان عمره 20 وسلطان 22

السالفه ومافيها فيه شله شباب معادين اخو سلطان ومتحلفين على اخوه سلطان وحمدان بحكم انه ربيعه وخويه عرف بالسالفه وجاف الاتصالات المتكرره وحارقين تلفون سلطان على اساس يبون يجوفونه ويتفاهمون ماه لانه سالم اخو سلطان رافض يرد ليهم وحمدان حلف مايخلي سلطان يروح بروحه
هاذيل يطلعون كارهين اخو سلطان لانه يكلم وحده وهاي الوحده كانت حبيبه سالم واحد من الشباب
ربيعه يعني سخافات بينهم كم مره حاولوا يعتدون سلطان ويتصيدوله لين ماصار اللي صار

ثلاث شباب اعمارهم 17/20/22 والحين مفرورين في الحبس


قاموا اعتدوا على ولد اختي حمدان وربيعه سلطان بالسجاجين حسبي الله ونعمة الوكيل
قهروا اختي الله يقهرهم
الحمدلله الله سلم حمدان وسلطان ماتعوروا في رقبتهم سلطان حصله كم طعنه في ريله وشمخات في ويهة وحمدان فديته ضربوه بالسجين في جتفه اليمين الحمدلله جزاه الله الف خير كان عامل قريب منهم دخل معاهم على اساس يفرقهم وزين فرقهم والشباب شردوا بس اقل من 24 ساعه ماسكينهم في المركز فارينهم في الحبس
المهم اختي ام حمدان تبا تتنازل وزوجها مارضى يتنازل ..
ابويه قلتلهم لاحد يخبرى لين مايقوم حمدان بالسلامه بيعقد يفكر ويتلوم ويستهم .. وانا من يومين مع اختي وبنتها واختي الريم في المستشفي نتناوب كسرت خاطري اختي وهي تصيح عورت قلبي لين مااقنعها زوجها ترد البيت مارضت تفارج المكان لين ماطمونه على سلامته وعندها صغاريه في البيت .


من امس العصر انا مع بنت اختي بايتين عنده وعدالنا كان اهل سلطان والله من جفت سالم اخو سلطان استحقرته يعني انت تخطي وغيرك تحمل خطأك

قام يتحمدلنا بالسلامه بنت اختي قالتله يا اخويه سالم رجاءن لاترمسنا ولانرمسك جان يقول حصل خير انا مقدر وضعكم ..
ويلس يتكلم اذا محتاجين شي تراني هني يالس عند اخويه خبروني
جان ارد عليه واقوله الله الغني
عصب وقتها عليا
وقالي انتي وايد رافعه خشمج من الصبح اجوفج تخزيني وتخزين اهلي
سكت عنه وطالعته يعني فارق من غير لااقول كلمه عشان ماانطولها وهي قصيره ويوم راح اليازيه ضحكت عليا وقالت كنتي تخزينهم قلتها والله ماحسيت بعمري

المهم كل اللي اتمناه دعواتكم في ظهر الغيب لاخوانكم لحمدان وسلطان بالسلامه ترى اختي وايد طيبه وماتستاهل حد يحرق قلبها وماانكر ولااخفي عليكم اني كرهتها للحظه لاني ماجفتها تصيح بهالطريقه في عزى اخوي وامي الله يرحمهم

الله يحفظهم و يسلمهم من كل شر ..


وربي يطمن قلب امهاتهم عليهم


ينقل للقسم المناسب ...

__________________

‏
الوعي هو الملاذ ..

أستغفر الله العظيم ؛
( الفردوس غايتي )

اللهم أمين يزاج الله خير اخت فردوس وشكرا على النقل

الله يشفيهم ويطلعهم بالسلامه ويهديهم
ويحفظهم،،،،
ولاتشيلين همهم ياروضه ان شاءالله يطلعون بالسلامه
وبالنسبه لاختك
لاتتعبين نفسك بهالتفكير عشان مابكت ع امك واخوك؟
امك واخوك
وفاتهم كان فاجعه كبيره وفجأه يمكن موقفها كان من الصدمه
اعرف وحده تموت في ابوها ويوم مات مابكت عليه
تقول ماطلع ولا دمعه،،،،بس مع الوقت تعبت نفسيتها.

نسال الله يكتب لهما الشفاء العاجل

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

اللهم آمين عزيزتي
الغاليه انتي فهمتيني غلط اختي مااقولج ماصاحت الجذب خيبه صاحت بس موب بالطريقه اللي جفتها من يومين وبعدين اختي الكبيره أمها طليقه ابوي تطلع بنت عم ابويه فطبيعي انها ماتأثرت على موته أماه كثر تأثرها بولدها حمدان عسى الله يخليه ان شالله..
وانا مااذكر منوه اللي تاثر ومنوه اللي ماتاثر لاني وقتها ماكنت اجوف شي جدامي بس حسب كلام الريم اختيه انها ماكانت بهالشكل الهستيري و تاكدي عزيزتي كانت لحظه بس ومرت يعني ماحقدت من قلبي
اشكرج الغاليه وربي يجزيج خير

وهذا المطلوب اخويه المارد عساها ان شالله في ميزان حسناتك
ربي يحفظك لغاليك ومغليك

عن أبي الدرداء رضي الله عنه قال قال رسول الله صلى الله عليه وسلم : ما من عبد مسلم يدعوا لأخيه بظهر الغيبالا وقال الملك ولك بالمثل " (رواه مسلم)



أشكر لــ كل من دعى لولد اختي حمدان وربيعه سلطان بالسلامه و هذا من طيب اصله
واللي ارتز في الموضوع وماكلف بعمره يخط دعوته اقوله مااجوف شر ان شالله



يرجى غلق الموضوع من اخوة الاداريه 21.6.2013

يغلق.................

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014