لو بس اصيده يخوني..
لو اصيده يغازل او يشرب
لو يحرمني من المادة والطلعات
لو انه يتعاطى او مايصلي
كان تطلقت اليوم قبل بكرا
لكن بأي وجه اطلب الطلاق؟
ايش اقول لاهلي؟ ولبنتي بكرا؟
تطلقت لانه مايجامعني!!!
صعب صعب واحراج
ما اقدر اتحمل رده فعل اهلي والناس
خصوصا انهم شايفين زوجي لقطه
لان وضعه المادي ممتاز واخلاقه كويسه
ومحد يعرف باللي بين الزوج وزوجته الا الله


انا جالسه افضفض وابحث عن حلول
واحاول افهم نفسيه زوجي الكتوم
وجالسه ابذل كل الاسباب
ومو عارفه بالضبط ايش اخرة هالموضوع


التأقلم صعب وقاتل وما اقدر عليه
والطلاق يعني تدمير اسره وياعالم بكره اتزوج او لا

يمكن يكون عنده ضعف مو بإرادته ،

-

حبيبة قلبي كنافه هوني على نفسك ، ظغطتي نفسك بما فيها الكفايه
حبيبتي والله زوجك انسان جيد مقارنة بالرجال في مجتمعنا
انا ما اقول الغلط عليك لاحشى انتي بنت اصول وماقصرتي
بس في رجال خونه مهما تسوي لهم زوجته ماتملي عينه
في رجال راعين سفرات وحريم وبلاوي
زوجك يحبك وعارف قدرك
زوجك يجلس ببيتك كثير مايستغني عنك
زوجك حنين ويخاف عليك
ف حرام تخسرينه عشان عصبيته وهجره اللي يمكن يكون وراه شيء فوق طاقته

روحي لأهلك ولاتنبشين باللي سواه وماسواه ، لاتفكرين بشيء وانشغلي بحاجات بعيده عنه
لاتسوين ولاترسلين ولاتتصلين ، بس اذا اتصل ردي .. بدون ماتحملين نفسك فوق طاقتها

اتمنى لو زوجك يقرا مواضيعك ويفهم
ليتكم تتناقشون وماتكتمون بقلوبكم شيء

حبيبتي انتي.. هو يكره النقاش بهالمواضيع..
وانا لو ما احبه ماكان جرحي منه كبير بهالصورة
الحمدلله على كل حال

عزيزتي كنافة ،،

لا يزال موضوعك الأول عالقا في ذهني ،، اول موضوع لك في هذا المنتدى لما كنتي تشكتين بأنه ضربك يوم صحيتيه لصلاة الجمعة في رمضان ،،

وكتبت بعد الشكوى انك تحرمينه حقه الشرعي لأنه مو كفو ( حسب قولك)

فأنا اقول يمكن هو زعلان من الفترة اللي كنت تمنعينه فيها من حقه وبروده تجاهك بسبب تذكره لتلك الفترة،،

الله ييسر امورك اختي الغالية

والله ماكتبت الموضوع هذا لمجرد الفضفصه
انا افكر بصوت عالي معكم..
واتأثر كثيرا مع كل رد.. اما سلبا او ايجابا..
وطبقت نصائح بعض الاعضاء سابقا..
حتى وصلت لمرحلة الحياة الهادئة.. لكن ليست سعيده..
بالنسبه له هو كل شي على مايرام.. ومبسوط..
اما انا فمصدومه حتى الان من هذا الرجل..
فانا لا اطلب الا بعلاقه سويه تحدث بين اي ذكر وانثى..
ولا اخفيكم اني اليوم استقبلته بشكل بارد وسيء..
سلم علي ورددت السلام وانا اتصفح جوالي.. بلامبالاه.
وانا الي عودته ان استقبله بالاحضان وقبله على رأسه..
لم استطع ان افعل ذلك.. كنت جامده وصامته..
وهو دخل الغرفه ينام ساعه.. بعدها سأذهب لاهلي..
انا مثل البركان اللي انفجر خلاص..

كنافة ليش انتي مستبعدة انو يكون عندو ضعف جنسي
صدقيني الرجل الي عندو صحة جنسية سليمة ما بيحسن يبقا بلا جنس كل هالفترة
على الاقل بمارس العادة السرية
اما انتي حالة زوجك انا واثقة انو عندو ضعف و انو محروج منك و مو حابب يعترفلك بهالشي منشان ما تهتز صورتو كرجل امامك

ما الفرق بين البرود الجنسي و الضعف الجنسي
و ما سر قوله هذه طاقتي؟
هل هي تصريفة؟ام حقيقة؟
وحللي اذا هي تصريفة هل يقولها و يعترف و اذا هي حقيقة لماذا قالها وكيف
وهل الرجل اللي زي الفل يصبر شهر!

__________________

يارب اقدر يا خاله بيتا..
انا عند اهلي الان.. وبالي مع زوجي..
افكر اكلمه بهدوء بما اني عندهم..
بس خايفه يتصعد الموضوع ويقلب الطاوله على راسي..
مبدئيا هو سألني ايش فيك.. لما كنا بالسياره..
قلت له مصدعه شوي..
قال انتي لك يومين مصدعه خليني اخذك دكتور..
قلت لا مايحتاج دكتور خليني مع الوقت ارتاح..
وبس

سهر الشام ومسز داني..
ما اعتقد عنده ضعف جنسي ولا برود جنسي..
انا سبق وقرأت اعراض هالاشياء
ماتنطبق ابدا على زوجي..

ماشاء الله زوجك يحبك ومرااااعيك ليش ماتهدين بالك
وانا مع خاله بيتا بعد ماعرف حاجتك
خﻻص اصبري اسبوعين وشوفي وش يصير
وعليكي بالدعاء الدعااااء الله قادر على تبديل حالك
بيوم وليله يقول للشيء كن فيكون سبحانه
ﻻتنكدين على نفسك وتنسين كل شي حلو وتخسرين زوجك عشان هالسالفه
طولي بااااالك
بالتوفيق..^ ^