السلام عليكم ورحمة الله وبركاته ..
مرحباً أيها الأستاذ الكريم ، هذه الزوجة رائعة جداً وأحترم من هم أمثالها ..
هل تُريدها تشكي للآخرين وتفش عن سرها لوالدها وأهلها ووو وتصير مشاكل ؟!!
الهدم في لحظة أما البناء يحتاج وقت وصبر أيها الأستاذ الكريم ، طبيعي أن تنشغل عنك ..
فلا تتوقع بأنه ستنسى سريعاً كلامك القاسي عليها ..
حاول أن تأخذها ليوم تفاجئها بفندق أو مكان جميل ، حتى لوعملت شيء أشكرها ، شكراً زوجتي
الكلمات البسيطة تكون أشد عمقاً من أي كلمة أُخرى ..
أصلح الله حالكما ..

زوجتـك متعقدهـ من الماضي وهذا الشي واضح مأثر على علافتها معاك
علاقتكم تشبه علاقتي مع زوجي
انا دائما كتومه وتقدر تقول نكديه احيانا بسبب صراع داخلي وبالنسبه له نكدي بدون سبب وهذا الشي ينرفز زوجي حيييلل
ولما يسألني شفيك ماقدر اجاوبه ماعرف اعبر ماعمري فضفصت لاحد واخاف انه يجرحني اذا تكلمت معه
ومع الايام صار يعرف يتعامل معي لا شافني كئيبه مايسأل شفيك على طول يحاول يلطف الجو بنكت الغبيه وسوالف ومزح
وصار يطننننش لانه يدري برجع طبيعيه بعد فتره

فـ انت شيل ببالك انها مو مسامحتك وهالاشياء وافتح معها صفحه جديده لاتحاول تذكرها باللي صار وعيش طبيعي معاها وبتتغير ان شاءالله
لاتخليه هاجس ببالك

تحليلي الشخصي لزوجتك

انها كانت تعيش مضطهده عند اهلها ومحطمة ومعدومه ثقتها في كل من حولها


وانت قاسي جدا معها

واساوبك وكﻻمك مستفز

الله يعينها عليك

عدل أسلوبك ياخي حرام عليك
لو تتمسخر هي في شيء موجود فيك قومت الدنيا وماقعدتها
وصمتها هذا انا متأكده انه وجود احداث مريره متراكمة عليها من كلمه من نظره من احساس الخ
يعني زي رواسب المشاكل
حاول تتغزل فيها تتطلع عليها تبوسها الخ مو تقعد على هالحال يومين تقول مليت اصبر يمكن توصل سنه بس النتائج حلوه

هذآ اللي اسويه معاها لكنها ماتتقبل اي شي وكانها تشك بأفعالي او كلامي لها مع اني دائما اقولها واعتذرلها واوضح لها الموضوع ولكن ماتستجيب كأنها تسلك لي

مثل ماقالوا
بالمدح والشكر كل شي بيتغير بس اصبر عليها وعلمنا النتائج

ماعليه اخوي اصبر عليها ماتدري ممكن بسبب مشاكلها قديما تعلمت تكتم وتكتم وتمشي الحياة وخلاص من غير مواجهه ،، انصحك بهالحالة انه توديها مراجعه لاخصائية وبهالحالة فقط راح تفضفض ومنها تتغير فيها اهم صفه وهي الكتمان على مشاعرها ... خلها تكون وحدها مع الاخصائية ،، ولا تقول لها عن الموضوع عشان ملتحس انك قاعد تضغط عليها او انك معتبرها معقدة ... انا اشوفها انسانة جد حساسة وممكن ماتبين قدامك بس لما ماتكون موجود تطلع كل بقلبها ... وربي يوفقكم وييسر لكم امركم ويصلح حالكم ياارب

لما تروح ترسم اقعد ارسم معها مع عمل جو مرح
وكمان لما تقرأ وتشتغل
شاركها مع اللطف والمزاح
واضح انها تعودت على الكتمان والوحده
دخل نفسك بحياتها غصب
لكن مع الرفق واللين والبال الطويل
حتى تتعود وجودك بجميع لحظات اليوم

مرحبا اختي
هي ماتحب المشاركة ولها غرفة خاصة تقعد فيها وترسم وتقولي مااحب احد يشوف رسمي او يطالعني وانا ارسم لو سمحت خلليني براحتي !!
وانا عشان ابي اعدل الظروف وابي اعدل الحياة مابيني وبينها اسكت ومابين لها اني مضايق وانا العكس تماما تضايقت من كلامها بس ماعليه
مو مشكلة ان شاء الله احاول مره وثنين وثلاثة
شكرا لك اختي

الواضح انك كنت قاسي عليها كثيييييييير بكلام او افعال غير اللي كتبته هنا اتوقع في اشياء انت كسرتها فيها من اول يوم عاشت معك
وبما انها ماتطلبك حتى السوق ولا اي شيء يخصهاهذي صدقني مجرووووووووحة منك (ياليت تصرح اكثر عن اول ايامك معها وكيف عاملتها عشان الاعضاء يقدرون يساعدونك اذا المشكله اكبر ) اتمنى انه مايكون السبب هو اللي في بالي

وبالنسبة لكلامك عن ظروفها مع اهلها ماادري اذا انت تعرف حياتها قبل مع اهلها، ممكن هي مو مبينه لاهلها اللي صاير خوف عليهم انهم يتضايقون لاجلها او يشيلون همها ماترضى امها او ابوها يتكدر خاطرهم ..
كثير حريم يخفون مشاكلهم الزوجية خوفاً على امهاتهم وابائهم من الحزن لاجلهم ..