معليش تلخبط معي الرد وانا بكمل معك يا ضيعتني
اقول ومع هذا استفدت كثير من ردك جزاك الله خير وكنت بقول من الرجال من تكفيه اثنتان مو شرط يكمل الدرزن خخخخ

الله يسعدك ويوفقك ويجزاك خير

حبيبتي أنا نصحت بشكل عام لا أعرفك ولا أعرف نيتك ولا شفت لك رد في موضوع ثاني
ونصيحتي لك بنصح فيها كل وحدة بتتزوج معدد

تمنيتك تقبلتي النصيحة وقلتي على راسي ومشكورة ماقصرتي

وانا قابله نصيحتك يا ام الدانه
ولا اعترضت على كلامك ابدا..بس وضحت نيتي في الزواج رد على كلامك الا ادخل بنية الحرب

وجزاك الله كل خير واسعدك دنيا واخره

حبيبتي أنا كنت زوجة معدد وماعندي مشكله مع التعدد وأشوفه حل لكثير أمور

ولما قلت لك توقعي ياخذ الثالثه أنا قاعده أحط لك كل الإحتمالات ممكن مايعدد وممكن يعدد إنتي أعرف فيه

أصعب مرحله إن الرجل يعدد للمره الأولى لكن بعد كذا تسهل عليه ومو شرط ياخذ الثالثه قريب ممكن بعد سنين

عشر أو 15 سنه ولنفترض سواها بالمستقبل مو نهاية الدنيا أهم شي العدل والمعامله الطيبه والإحترام والتقدير

مو شرط تحتلين قلبه كله المهم يكون لك فيه جزء مهما راح وسوا وفعل يضل هالجزء موجود مايتغير

الله يسعدك ويوفقك

اخي المهموم
جزاك الله خير ووفقك لكل خير ولا نستغني عن اي نصائح تتذكرها

ضيعتني العاطفة
شاكرة توضيحك وان شاء الله اكون الثانية والاخييييييره بقلبه وعقله وحياته
بدون ظلم للأولى والله مااارضى عليها ظلم لو ارضاه لنفسي

اخواني واخواتي حبيت استشيركم في نقطة
كثيرات قالولي اشترطي ما تشوفين حرمته ولا تشوفك بس شفتها صعبه افرضوا عزيمه عند اهله او مناسبه
طبيعي ثنتينا بنحضر يعني كذا كذا بشوفها

ونقطه الثانيه
شايله هم عياله مو كل ما راحت امهم مشوار ولا موعد لمستشفى جابهم عندي
ما ابغا اعودها عشان ما تاخذها حلى وطريق لخلق المشاكل بيني وبين زوجي
كيف افهمه عيالها اذا احتاجت مشوار ما يجون عندي

نقطه اخيره ويمكن تكون تافهه وتضحك
ما ابغا اركب السياره معاها
لانه اكيد بكون يا قدام يا ورى ودائما اكره اتخيل شكلي جالسه ورى اتخيل انهم شايلين معاهم غنمه او ذبيحه الله يعزني ويكرمني
بتقولون تفاهه لكن والله منجد افكر في كل نقطه فين بيكون مكاني
والعمره بيعمر كل وحده لحالها ولا يحوشنا مع بعض ابي اركز بعمرتي ما بي ببيت الله ناقر ونقير
سامحوني ولا تستهينون بتفكيري لي حق افكر كيف يتصرفون المعددين بهذي الحالات!!

لي عودة ان شاء الله

بقولك الثانية كيف تفكر ( هذا كلام زوجة ثانية لي )
تآخذ رجل متزوج وتحس انها تزوجته هو وزوجته وتكون راضيه بالأولى في البداية فقط واذا جاها اهتمام وحب من زوجها راح تكره الأولى وتبدأ مشوار الغيره منها ولو زوجها فكر يآخذ عليها راح تقوم قيامته لانها بظنها استولت عليه وصار لها لحالها ، انت عاد انتبهي تمرين بهذي المراحل وتعلمي تتحكمين في مشاعرك وانفعالاتك المسأله لا تظنين انها سهله لا عليها ولا عليك
شيء ثاني لاحظته في موضوعك حق عناده وغيرته وحبه لك كوني حذرة في التعامل معه لحد ما تفهمين شخصيته عدل وش يحب وش يكره ونصيحتي لك ولأي مقبله للزواج انها ماتنجرف بعاطفتها وتصدق كلام الحب اللي ينقال انا تعرضت للخيانه واكتشفت انه كان يعاملني زي مايعامل بنات الحرام اللي يعرفهم وكان عنده اسلوب يخلي كل وحده فيهم تحس انها هي بس الملكة اللي في قلبه لدرجة توصل فيهم يغارون مني !

اختي جروح
جزاك الله خير
لكن مدري صراحه ما احس ناحيتها من اي غيره وكثير قالولي بعد الزوج غير بتغارين منها
الله يستر ما احب اعيش بجو مشحون صراحه لكن الله المستعان
اتمنى تطلع بنت حلال وتلعن ابليس لاني صراحه اعرف نفسي ما آذي احد لكن اللي يآذيني ارد على اذيته لاني اكره الظلم على نفسي او على غيري

وكيف اعرف اذا هو من النوع العادل ام لا هل للعادل غالبا صفات با زة..؟

قوه الشخصية شرط العدل
احياناً يكون ملتزم بس ضعيف شخصية وتحصلينة مو عادل والعكس صحيح

اختي الكريمه الكثير اللي قالوا لك الكلام هذا مع احترامي لهم يا هم ما يبغون لك الخير ولا فاهمين الحياة الزوجية خطأ ... اتوقع مو مشكلة لو جابت اولادها مره او مرتين لك يبقون اخوان اولادك ... وش المشكلة لو ركبتي في السياره في الخلف مو من ناحية الزواج من ناحية الاكبر سناً ...
صدقيني اختي لو تعيشون مثل الاخوات بتكبرين في عين زوجك ...

جزاك الله خيراخوي الجنوبي
فيه حل وسط لحكاية السيارة
اللي يومهاتركب قدام واللي مو يومها تركب ورى حتى لو هي الاكبر العدل عدل

بالنسبة للعيال اكيدبيجيبهم ماعندي مانع بس زيارات عاديه لكن ما يجيبهم عشان امهم بتروح السوق او اي مشوار
تحطهم عن اهلها بصراحه