ياشيخ وينك انت من زمان خاش وتوك تجي .. اشهد بالله انك كفو ولايهون الباقين .. كلامك جدا عجبني ومنطقي ونفس تفكيري تماما .. خسارة لو ماهي راجعة البيت كان قلت لك والله ان تجي عندي البيت ونكمل عزوبيتنا سوى لين يرجعن الخوانم ..

أكرمك الله ومعرفة مثلك مغنم ..
وحرصك على أسرتك وتلمسك لاحتياجاتهم واضح .

شكلك مثلي .. أنا أشتغل بديرة وأهلي بديرة وأهل زوجتي بديرة .. يعني ثلاث سفرات في سفرة في كل زيارة أو مناسبة .
وشف عاد المشاوير

غالباً من يشتكي من فقد زوجته : البيتوتي
أضف عليها مشاعر الحب والحاجة لإشباع الحاجات .
لكن الجميع سواء البيتوتي وغير البيتوتي إذا حط راسه على الوسادة تبدأ المواجع .

وسبحان الله .. لا يمكن استغراب فقد الزوج لزوجته ..
لأن هذه هي الفطرة والأصل .

الله يصلح أحوالنا .. ويرزقنا من أزواجنا وذرياتنا قرة أعين.

نعم مثلك ):
اللهم امين .. شكرا لك

ام مريمي والثانية نسيت اسمها
انا مستحيل انام بغرفة النوم اذا كانت مو موجودة احسها كئيبة جدا
احسن حاجة ارمي نفسي بأي مكان ويصير الشاحن عندك وريموت الاسبليت وبسس
اليوم طبخت سمان فطور على كيفك طبعا في بيت اهلي وخلاص هذا يعتبر فطور وغدا بنفس الوقت الى العشاء كانك ما انعزمت
الا ياحليل الازواج بس بعضهم مثلي وامجد

ايه والله ياحليلنا ياخوك بس وين زوجاتنا يفهمونا بس ..!

يوميات اليوم السادس ولي عودة الردود السابقة بس عشان توني راجع البيت الحين ونبي نروق شوي ..

نمنا امس من غير عشاء .. الوافي يقول مامعنا الا كبسة او بيض بالخضار .. والاخ great legend راح يتعشى وسحب علينا وجلست انا لحالي فقلت النوم بدون عشاء صحة ..!

رحنا للدوام واخر ايام الدوام الاسبوعي بحيوية وتشاط خاصة ان الواحد صار ينام بغرفة النوم وبدون ازعاج الاطفال او امهم ههههههه ..
المهم صحينا وداومنا وخلص الدوام وتغدينا ورجعنا البيت ..
كالعادة انا الي اتصل وانا الي اسأل وانا الي اسوي وانا الي افعل .. المهم تطمنت عليهم وعلى البنت والحمدلله طيبين والبنت تحسنت عن امس والحمدلله .. قلت لها امس اعطيني ردك اذا تبين ترجعين اليوم المهم سالتها اليوم قالت ابي اجلس اسبوع كمان ههههههههه قلت لها مافي خلاص ترجعين البيت اسبوع كافي وانا مشتاق لك وتعبت لحالي قالت لي خلني افكر وارد عليك .. وشكلها ناوية تسحب علي اسبوع ثاني .. انا والله لاني في العمل ماحسيت بالاسبوع الاول وراح لاني اغلب الوقت في العمل من السابعة صباحا حتى الرابعة عصرا ..
وجالس افكر اطلع اجيبهم هالويك اند ولانستمر في يومياتنا واسبوع اخر ..؟
وش رايكم ؟

بتطاوعها لو تجلس شهر مايكفيها
بس يااخوي الحين اجازة واكيد اخواتها دوم مجتمعين وتبي تتونس
او انت خذ اجازة لو تقدر وروح اجلس معها اسبوع وتعالوا

لا اتركها عند اهلها
وبيمر الاسبوع بسرعه مثل هذا
خلها تنبسط دامها بخاطرها

__________________
سبحان الله وبحمده

يعني مع زوجها ونصفها الآخر ما تنبسط
شريك حياتها

مادري ليش ما تقتنعوا وتعتبروها فترة نقاهه للمرأة! ،، لازم 24 ساعه تدلع وتخدم وتجامل حتى على حساب عمرها و وناستها!؟ تخيل نفسك بغيت تغير جوو واصدقائك عزموك على سفرة اسبوع ببلد واسبوع اخر ببلد الثاني والمسكينة بهالحزة يصير مالها حق تتملم لزوحها لا لازم تشجعه وتدعي له! وفوقها لا اتصال ولا شي الرجال لاهي بمتعته فعليها تقدر وتسكت وما تنكد! وان قالا يفلان اشتقنا لك قال بدينا النكد ...

بالنهاية مو كل شي يحلى بوجود هالنصف الثاني! بعد اهلها امها اللي حملت بها 9 شهور وربتها سنين مت عمرها واخواتها اللي يعرفون كل صغيرة وكبيرة عنها و حتى بطبيعتها اكثر من زوجها وغير انهم من جنس واحد يعني كلشي مشترك ماعتقد يكفيها اسبوع او اثنين انها تملي عينها منهم وخصوصا اذا كانوا هم ببلدة وهي ببلدة وبين فترة وفترة فقط تلاقيهم ...

الله يعيينه احنا النساء ،،، لازم ناخذ سلاسل ونربطها برقابنا عسى ولعل يرضى هالرجال!