يسعد قلبك على مشاركتك الوجدانيه الرائعه

تدرين يا اخيتي العزيزة
من اول ما قرات العنوان نسخته ورحت اسوي ريسيرش بقوقل
عجبني كثييير وحسيته بيت من قصيدة جميلة
لكن للاسف ما لقيته
وكل ما دخلت مشاركات جديدة وطلع لي العنوان اوجعني قلبي على صاحبته
واحمد ربي اني مو عايشه تجربتها
الله يفرج لها همها
بس ابياتك خطيرة خصوصا الاول

مدري تكلميني او تكلمين بالاسلام عزتي

العنوان ارتجلته في ثانيه وانا احاول اكتب لكم المشكله
ولاادري اذا هو بيت من قصيده او لا
وكان ودي اقدر اكمله ببيت ثاني بس ماطلع مني شي

ماقصرت بالاسلام عزتي

انا قد سمعت ب ظاهره اسمها التناذر التحسسي على ما اعتقد يقولك الزوجين بهالحاله ماينجبون من بعض حتى لو كانو سليمين طبياً بس بمجرد ماتتغير الاجسام يحصل حمل سبحان الله،،انتي اضغطي على زوجك انه يعالجك عشان تلحقين على عمرك ..قدرتك ع الانجاب اليوم غير الايام الجايه..زوجك اناني ،،حس بالابوه وجلس يمن فيها عليك ،، قوليله تسبب لي ودني اسوي انابيب والحق عمري

ممكن الله يسعدك تتأكديلي من المصطلح ربما فيه خطأ

لاني بحثت عن الكلمة مالقيت شي يتكلم عنها !

الله يعينك اختي .. صعب القرار ..

طيب كلمينا عن زوجك شوي اكثر .. صفاته وايجابياته .. معاملته لك

والتغيير اللي صار هل منك والا منه؟؟



اسمحيلي بنقل موضوعك للقسم الأنسب ..

قسم المتزوجين

__________________

انا بالاصل طرحته هناك كان ودي اشوف ردود المطلقات بالنسبه لقرار الطلاق من خلال تجاربهم

لكن شعرت هنا بالراحه ربما لأن اغلب الردود جاءت مؤيده لقراري وكأني حاسمه امري ولكن تنقصني الجرأه


احدثكم عن زوجي ... رجل في ميادين الرجوله
كريم طيب متفاهم فيه انسجام بين شخصياتنا
احس معه بالأمان لانه قادر يوفرلي هالشعور

فيه عيوب
سهراته يوميه للصبح ولكن تأقلمت
رغباته الجسديه جدا قليله وهذا تطور مع الوقت وممكن يكون عنصر مساعد في ازدياد البعد بيننا
طبعا مايحتاج اقول انه لايميل البته للكلام الحلو لأن هذا عيب سائد عند اغلب رجالنا


حتى تتضح لكم الأمور اكثر بيني وبين زوجي عشره تمتد ل15 سنه واكثر

يحبني .. احبه .. تمسك فيني ورفض الطلاق لما طلبته بعد زواجه مباشره
جلست عند اهلي سبع شهور تقريبا مصره ع الطلاق وهو ماترك باب الا وطرقه
سبب لي ضغط نفسي بسبب الحاحه علي بالرجوع وكان مصر انه استمراره معي هو الصح
كان يقولي انه تزوج لانه تقدم بالعمر واصحابه اللي في عمره اطفالهم اصبحوا بسن الجامعه وتأثرت وحزنت عليه لاني اعيش نفس احساسه بأني متأخره عن كل اللي في عمري
لكن هو بالمقابل ماتفهم مشاعري وطلبي للطلاق .. كان يقول ان الشرع اتاح له فرصة بدون مايتخلى عني وان أنــا فرصتي تكمن في التخلي عنه

طبعا ماترك شخص في العائله الا اتصل فيه
وكلهم يجون لي متأثرين بوضعه والبعض منحاز معه

خلاصة هالفتره رجعت له لسببين : اشتقت له صح لكن اشتقت لبيتي ومملكتي اكثر

قرأت رد في احد المواضيع هنا كانت تقول ان بعد طلاقها تعبت نفسيا في بيت اهلها ومااستقرت ولا ارتاحت الا بعد استغلالها في بيت لوحدها

صح وجود رجل مهم في حياة المرأه لكن احيانا وجوده مع عدم وجود مملكه خاصه للمرأه يفقدها الشعور بالسعاده والاستقرار

الان قراري بالطلاق لاني اعطيت نفسي فرصه حسب كلامه لي ..كان يصر علي ان ممكن يصير حمل بعد زواجه يقول كثيرات يحملون بعد زواج زوجهم

والخ الخ الخ رجعت له وكلي أمل والحقيقه اني حبيته اكثر في هالفتره اللي رجعت له فيها

لكن تعبت والله انتظار ان يكون لي ضنا امر مرهق جدا ..ودي لو مخرج سينما يفصل المواقف اللي تعيشها كل امرأه تاخر حملها بتفاصيل هالمواقف حتى يستشعر العالم نوع الألم اللي نصبح ونمسي عليه
الله وحده مطلع اني بتفكيري بالطلاق وكأني افكر بتر جزء من جسدي

الان زوجي كأنه مستشعر الحاله اللي انا فيها
لما يسألني ليه ساكته .. فيك شي اقوله مافي شي .. يسكت مايلح علي احس كأنه خايف يسمع الجواب

الله يرزقك حبيبتي الذريه الصالحة عاجلاً غير اجل

أحد محارمي جلس مع زوجتة 11 سنه دون أطفال وبدون سبب كلهم مافيهم سبب يمنع الحمل وبعدين طلقها وتزوج وربي رزقه بأطفال اصبحوا في الجامعه الآن وطليقته تزوجت ورزقت ماشاءالله بالبنين والبنات منهم توئم .....

^
سمعت أنه يصير و الله أعلم ...
كلاهما عنده "ضعف" لا عقم ، يعني لو يتزوج كلا منهما بصحيح استطاع الإنجاب بإذن الله .

وكذلك بالمقابل
أحد محارمي تقريباً والله أعلم مضى 8 سنوات في بداية زواجهما دون أطفال - حبلت مرة و أسقطت -،
و لديهما اليوم خمسة أطفال و لله الحمد .

أعتقد الاستعانة بالأطباء و أهل الاختصاص في تحديد ذلك هو أنجع حل .




" سبحانك اللهم وبحمدك أشهد أن لا إله إلا أنت أستغفرك وأتوب إليك "