انا م أفرط في قراءه سوره البقره من اول وقيام الليل والاستغفار والدعاء الى الان ودايم كنت احط سوره البقره في البيت
انا للاسف لا انا اللي قادرة ادعي عليه ولا انطق بشي طول الوقت اقول انالله وانا اليه راجعون واللهم اجرني في مصيبتي
هو من الفتره الاخيرة يقولي ادعي علي وريحيني ولا كان يكلمني لمده طوييله يقول ماني قادر اسمع صوتك الظاهر كان مقرر ومتعذب كيف يقولي لانه مره قلت له أحجز لي برجع خلاص انا وش قاعده اسوي هنا مارد يوم كامل ونفسيته صارت في الحظيظ عشاني قلت برجع واليوم لثاني سافر عشان يروح لأهل زوجته الثانيه ويخلصون المحاكم اللي بينهم

هل معقوله فيه سحر ؟
كان وضعنا بس سافرت معه للديره وجماعته كان اول مره يشوفوني وكل يوم ناس جايين يشوفون زوجه فلان الثانيه والله من بعد سفرني م شفت خير جلست شهر شوال كله عند اهلي والمشاكل مادري من وين طلعت وفجاه صار يتواصل مع زوجته الاولى كنت اشوفهم متصلين ع الواتس وماكان يرد علي ابدا حتى وهو متصل ورجعت البيت بعد كثير اشياء صارت وجلست 22 يوم غير مستقره نفسيا نهاييا لانه نفسيته كله تعبانة والحين لي 26 يوم عند اهلي يعني من بعد سفرتي معه نتيجتها شهرين عند اهلي وطلاق

انالله وانا اليه راجعون
اللهم أجرني في مصيبتي وأخلف لي خيرا منها

هل استلمتي ورقه الطلاق

اخوي مارد الجنوب

انا إحساسي يقول انه شارطين عليه يطلقني بس يوم قلت له سالتك بالله هم شارطين عليك حلف ان الله يحرمه امه وابوه ان كانوا شارطين عليه بهالشي بس السبب الحقيقي وراء قراره انا ماعرفه هو من الفتره الاخيره وهو كان يقول نفترق احسن ومرات يتراجع ومرات يسبب لي حرب نفسيه يبيني انطق خلاص مابيك لكن م نطقت وصبرررت وهو كل ماله ويتعب نفسيا ويتعذب قدامي وانا ماعرف السبب ماعرف شفيه
لكن ان كان زوجته وأهلها لهم يد في طلاقي بيوريني الله فيهم يوم

اختي مبتعثه :
للان م استملت ورقتي بس رسل لي رساله ثلاث طلقات

نقطة مهمه :
زوجي من ديرتي لكن مو نفس قبيلتي كان يقولي انا تزوجتك غصب عن قبيلتي ودست عليهم ومادري شنو
بانه عندهم ما يتزوجون من برا وزوجته الاولانيه قريبته
وكثير جرحني بكلام عشان ماني منهم لكن سكت
وآخر مرة قبل يطلقني قالي زواجي منك وطا رؤسنا انا وأهلي بين قبيلتنا وجماعتنا ,يالله هالكلمه نزلت على مثل الصاعقة وانا قدامه ولكن سويت نفسي ولا كااااااني وما همني شي حتى هو استغرب
وجلس كل مره يجيب لي كلام يجرح وانا صابره يعلم ربي

انا حرقتي على نفسي من الظلم واني أخلصت له وطلقني بكل سهوله ونسي كل شي
لكن لو يرجع ويبي يردني أظن مارح أوافق لاني احس مره اني فرحت لفرقته رغم حبي له ومره احس تغلبني العاطفه والذكريات

هل رح أنساه
للعلم انا قبل يطلقني كنت احلم كثير احلام واضحه تدل على طلاقي واطنشها
واخر مره أمي حلمت عمتي ان عمتي تقول لامي بنتي فلأنه تطلقت لكن الحين انخطبت وبتزوج
أمي خافت ماقلت لي الحلم قالت لاختي
ويوم رسل زوجي الرساله أمي حكت لي الحلم

الله يبرد على قلب أمي قبل قلبي
انا اسفه اطول بالكلام بس افضفض سامحوني

خذي راحتك يا الغاليه وفصفضي بكل اللي بقلبك
حنا هنا اخوانك واخواتك .. وكل منا له قصه ومعاناه ..
بس أرجع وأقولك عزاااك إنك مظلوومه .. وهذي لحالها تكفيك وتواسيك عند الله ..
الله يخلفك خير مما مضى ..
وأسأل الله أن يمنحك القوه لتجاوز هالمحنه

اللهم امين يارب
جزاك الله خير

مامدى التزامه الديني ؟

كيف هي قوة شخصيته ؟

هل سبق لك الاختلاط باهله ؟

ان كانت الاجابة نعم فما مدى تقبلهم لك ؟

هل علاقة اهله باهل زوجته طيبة ؟

كيف هي علاقة أهلك باهله ؟

هل سبق ان حدثت تلميحات من اهله لك او لاهلك انهم فعلا غير راضين عن زواجه منك ؟

عندما قال لك ان اهله غير راضين عن زواجكما هل تغيرت معاملته لك بعد ذلك ؟

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

لا كان عادي في البدايه وهم عادين بس من فتره بسيطه بعد زواجنا امه كل مره تهاوشة وتختلق مشكله وتقوله روح حب مشاكلك تركت بنت اختي وجبت الغريبة

بس مع الوقت صارت عاديه لكن الله اعلم بما في القلوب
الحين ولدها طلق ولا حتى اتصلت ولا اخد من اهله تكلم كأنهم عندهم علم انه بيسوي كذا ومالهم شغل

اختي الفاضلة

زوجك يقع تحت ضغوطات من اهله واهل زوجته

بالتصريح منهم او التلميح وساهم في زيادة حدتها

ضعف شخصيته ووازعه الديني

فهو يحتاج لرجل حكيم من عائلته او عائلتك يوضح له

خطا مايفعله وينور بصيرته

اما انت فوكلي امرك لله وتضرعي اليه بصادق الدعاء والاستغفار

عسى ان يجعل الله لك من كل هم فرجا ومن كل ضيق مخرجا

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

اهله وش مصلحتهم من الضغط عليه ماهم ماسكين عليه شي مثل اهل زوجته
وهو عائلته همهم المظاهر والتفاخر ولكن اهلي خلاص اخذوا منه موقف ومافي غير اخوي الكبير ولا أبوي متوفي
هو يعلم انه هذا خطا بس مع ذلك مصر ويقول ادعي علي بالموت وبعيش حياتي ضنك في ضنك
مالي غير ادعي ربي يهون علي ويهون عليه