أتوقع مخططين عودتها لك بهذه الطريقة،،
إذا نفذت رأي أبوها تأكد راح ترجع زوجتك بس تتمادى أكثر في أسلوبها،
لكن طنشها واثبت ع رأيك أنك مستعد لتطليقها إذا هي مصرة ع رأيها،

لازم زوجتك تظهر عليها علامات الرغبة في العودة لك،
وضروري العودة تكون ع أساس صحيح،وليس من أجل سيارة،

اهدها ماتشاااااااااء لما تظهر الرغبة في الرجوع.

هذا رأيي قد يكون خطأ،،،
الله يلهمك الصوااااب.

لاتخلف وعدك دام انك وعدت ابوها بزيارتهم يوم الجمعة لازم تذهب.

اذهب وسلم عليهم وعلى الاولاد واجلس معهم وسلم امها المفتاح وقل هذه هدية - يعني مثل ماطلب ابوها منك.
ولاتطلب لقاء زوجتك - اذا جتك هي وسلمت رد السلام عليها عادي,,,لاتفتح موضوع عودتها واترك الكرة في ملعبهم, دعهم يبادرون ويتحدثون, ولاتعطيهم اي وعد باي شئ مستقبلا......ولاتطري الطلاق ولا الزواج بأخرى في هذه المرحلة.

أظن أنهم متفقين ويريدون ارجاعها لك بهذه الطريقة - مايبونها ترجع مكسور راسها - يبونها ترجع وكانك راضيتها
ورأيي نعم لابأس افعل ماطلبه ابوها منك وقول هذا انا سويت اللي طلبته مني ياعمي - وانتظر ماسيحدث واذا لم تعد للبيت رغم انك نفذت طلب ابوها , فأنت راح يكون موقفك قوي جدا امامه هو بالذات وهو مدين لك ولايقدر بعدين يلومك بأي قرار تتخذه. ....يعني بعدين لو فرضنا وطالت المسألة تقدر تحجة تقول انا نفذت اللي طلبته مني وانت وعدتني انها بترجع وبالاخير اتضح انك مو قادر تحكم بنتك, تجلس تذكرة بالموقف هذا كل شوي.

وإن عادت للبيت , وهذا هو الارجح , تحتاج تدريجيا أن تغير معاملتك معها حتى تتعدل ان شاء الله.

اذا كنت تريد ارجاع زوجتك ولم شمل اسرتك اعتذر لعمك انك لاتستطيع المجيء له واياك ان تقدم الهديه الان.
لاتذهب لهم فالفتره هذي انت تنازلت وقدمت مبرراتك لزوجتك واهلها ارفع من شان نفسك وكن حازم بعد كم يوم ارسل لزوجتك رساله قول لها انك اخطأت واعتذرت لها ولم تقبل قول لها اذا تبغي تعيشي معاي الله يحييك واذا ماتبغي تكملي معي الله يعوضك وانا ابغا اشوف حياتي وانتضر ردك الاسبوع الجاي
صدقني هذى الحل المناسب لمشكلتك

واذا جات زوجتك ذيك الساعه اهدها السياره
انت فمشكله والمشكله هذي يبغا لها حل مايبغا لها هدايا هم شافوك متمسك فزوجتك حبو يشدو معاك .
انا مااخببك على زوجتك لا وربي يشهد علي واتوقع انها يوم سوت كذا عشان ترجع لها زي اول

روح ياحبيبي و معك السيارة هذه فرصتك لا تضيعها

اما بنسبة لشوفة زوجتك لا تستعجل اذا طلعت لك الخير واهلة ما طلعت خليها فترة واطلب مقابلتها

وان شاء الله راح ترجع لك

الله يحنن قلبها عليك ويحبب قلبها فيك اللهم أمين يارب العاليمن

مااكول غير حسبي الله ونعم الوكيل حسبي الله ونعم والوكيل على زوجتي الي تريد تهدم البيت وتضيع اطفالي اتصل الان بي ابو زوجتي وقال لي لاتجي غدا لان هو كلم زوجتي وقال لها زوجك يبغى يجي بمناسبة عيد زواجكم وجايب هدية سيارة الك قالت له ماابغى السيارة واني اريد الطلاق فهو قال ابني لاتجي باجر وقال لي اني ابوها تعبت من كثرت ماكلمتها وراسها ناشف وجان كثير مضايج ومقهور يقول بنتي الله جننها وماتعرف مصلحتها يقول تعبت انا وامها نقنعها ونحاول معها ترجع بس هي رافضة الفكرة وابوها جان منهار انا هنا انفجرت وقلت له حتى لو كنت ملحد ويهودي هم الله يغفر ويعفو وبنتك ماتبي الصلح قال لي ابني اني اموت من القهر اني وامها بس مانعرف شلون نتصرف انا قلت له اتركها ولا تكلمها بعد بشغلة الرجعة الي وانا طلاق مااطلق لو وضعوا السيف على رقبتي والان انا منهار وحدي في البيت وحتى نفسي ضاق علي وقلبي يوجعني من الم والقهر بعد كل هذا التعب والسنين الي كسرت ظهري على بيتي وقفت وراها وعليت من شانها بين الناس تالي يحدث هذا لي قلت لابوها انتو السبب لان شافتكم كلكم معها وهي ركبت راسها اكثر قلت له خليها يمك وبعدين يجي يوم من تشوف الذله تحس بقيمتي اسالكم بالله ماذا افعل هل اطلقها واضيع البيت والاطفال ماذا افعل واني كل يوم اموت من هذه المشكلة انصحوني لان عقلي وقف وصحتي انهارت كرهت حتى نفسي

اخي العزيز الله يعينك ويصلح شأنك.

خلاص تزوج وهي اتركها عند اهلها , لاتفكر فيها ابدا, ولاترسل لها مصروف فهي الآن في حكم الناشز.
اما اولادك فاصرف عليهم وخذهم متى ماشئت وهي لاتطلقها حتى لايتشتت الاولاد. خلها تربي اولادك.
وانت تزوج واستمتع بحياتك. الحياة قصيرة.

من باعنا بعناه لو كان غالي .. اتركها واتزوج لعل يطلع لها عقل

__________________

تزوج عليها وهي اذا طاح الا براسها بترجع...

مقدر وضعك الله يجبر كسرك

لكن لازم تنساها ومن باعك بيعه أدري هذا صعب جدا عليك

بداية الفراق تكون صعبة ولكن بعد كذا تيسير الامور عادية

والله يعوضك خير منها ويرزقك بزوجة الصالحه اللي تسعدك وتعوضك

وماتدري وعسى أن تكرهوا شيئا وهو خير لكم وعسى أن تحبوا شيئا وهو شر لكم

والله يعوضك خير منها ويرزقك بزوجة الصالحه اللي تسعدك وتعوضك

اللهم أمين يارب العاليمن