أنا إِيش اخطأت فيه؟؟؟

الله يهديك
تخلقين جو النكد بالقوه
مااشوفه سوا شي غلط
حتى طلعته من السوق انتي الي قررتي وهو نفذ قرارك
ليش الزعل
حرام تضيعين ايامك بالزعل والنكد على مواقف عاديه جدا

مواقف عادية !!!
أنا اعرف زوجي هو كان متعمد ينرفزني
دائما اذا طلعنا المول نتسوق مع بعض
ايام يروح قبلي يسبقني بس عادي نكون متفقين
مو اُسلوب الطنش والاستهتار

اختي مرام مارح اقول ان زوجك مو غلطان صح انه غلطان بس انتي لو جيتي له باسلوب رح يسمعك مثلا لو قلتي له انا طلعت عشان اتمشى معك اترك الجوال بس شوي ابغى اصير معك ... يعني من ذا الكلام

وفي أسلوب ثاني كمان انك تتركيه بحاله الين ترجعوا البيت اضحكي معاه وسولفي قولي له اليوم استانست معاك بالطلعه واذا ماقدرتي تجامليه بوجهه سوي له رساله ^_^

عاد لو تشوفين زوجي لو طلعنا يقعد يشوف برودكاست ومقاطع احيانا يترك واحيانا لا

وجيته باسلوب الرساله والله بعدها صار مايمسك الجوال لما نطلع الا للضروره

لا تنكدي على زوجك والله الرجال مايحبوا الحرمه النكديه

ربي يسعدكم

أنا تعبت من الشحاده أنا زوجته ام ولده مو جاريه عنده
يبغا يعاملني كذا خلاص عادي بس يتحمل طريقة معاملتي
مو معقول اشحذ الاحترام شحاده
بكيفه بس أنا بكون رسميه معاه لحد مايعتذر
أمس يقول كم يوم مدة البوز قلت لحد ماتبرر موقفك
قال انسي سالفة المول خلاص كبري عقلك!!!!

الله يهديك يامرام

والله الموقف مايستاهل كل ذا الزعل والمفروض لما زوجك حاول يراضيك خلاص ترضين

واحمدي ربك ان زوجك من النوع اللي يعتذر (سواء اعتذار صريح أو بالتلميح) ويحاول يراضيك.. فيه رجال كثير تأخذهم العزة بالإثم

انتبهي تصيرين زعوله ونكديه وتطفشين الرجال منك

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

أنا مو شغالة عنده عشان امشي ورآه ولا من حقه يعاملني كذا لو من البدايه قال ما ابغا اليوم نروح المول
ماعندي اي مشكله بس مو يتحجج عشان يطّلع لاصحابه
احمد ربي جاء يعتذر!!!!
جاء يعتذر عشان نفسه مو عشاني

متأكده انه لو رفض يطلعك المول ماراح تسوين له مشكلة؟ عيني في عينك

كيف يعني جاء يعتذر عشان نفسه !!!

لا تفكرين أن الرجل لهالدرجة مايقدر يصبر عن زوجته ولا يوم

تراه يقدر يصبر شهر مو يوم وممكن سنة بعد إذا كان غرضه التأديب

زوجك حاول يراضيك بطريقته لأنه يعزك ويبي يقصر الشر وطلبك أنه يوديك المول فيه نوع من التشرط و فرض الرأي

(عارفه ان ردي ماراح يعجبك وراح تعطينه أكبر اقنور )

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

مرام احسك معصبه من قبل وما صدقتي غلط غلطه!!

أيه ..
وانا حسيت إن العصبية من طبعك ..
موضوع المول صار له 3 أو 4 أيام ..
وإنتي للحين تتكلمين عنه وكأنه حدث للتو ..