سؤال وجيه..

ويقررون ان حياتها فارغة برضو 😂

شي جدا غريب كيف فكرة الاستغناء تعورهم

لا .. ما ننقهر ! حياتنا ماشية وان لم يتيسر لنا الزواج من فلانة.. يتيسر من اخرى وان رفضت فلانة سوف تقبل غيرها..
.. بالنسبة للطبيبتين الي اعرفهم وحدة منهم سالتها وقالت لي:
انها تتمنى يكون عندها عيال. وتتمنى تتزوج ولو تصرف عليه ما يفرق اذا باكون احس بالاستقرار والعيال واكون ببيتي مو ببيت ابوي..

لكن كل الي جاها من قبل غير مناسبين .. وتقول ( وش اسوي بحياتي؟ اعيش حياتي واتمشى واعيش طبيعية)

اخي ياسر
انا دائما اقول لصديقاتي اذا جا لبناتكم زوج صالح
لو بالثانوي زوجوهم
الزوج الصالح نعمه والاسره نعمه والعيال نعمه
لكن الي ما كتب لها ربي
او تطلقت من زوج طالح
او اهلها تسببوا عليها ورفضوا رفضوا الى ان لم ياتها احد مناسب
او ترملت اسباب كثيره تجعل المراه بدون زوج
واتكلم عن المراه لان بقناعتي الزواج بمجتمعنا للمراه اصعب من الرجل
بصراحه الرجل متى ما حب طق الف باب والا ما بحصل من تقبل فيه
وان تنازل وخذا مطلقه او ارمله بيلقى من تقبل فيه
اعرف مطلقين اربع مرات ولا زالت البيوت تستقبلهم وابشرك بيوت تتمناهم بعد
ولكن المراه شتسوي
تطق البيبان تروح لخطابات تعرض نفسها تتميلح عشان تجيب لها زوج
الي بقوله ان ماحصل زواج
تستمر الحياه
وممكن اكون عازبه وفخوره وسعيده ومكتفيه ومتصالحه مع عمري
يعني بالنهايه هو شعور
احط راسي على الفراش سعيده ومرتاحه البال الحمدلله وعندي وقت للتحفيظ والانشطه وادلع نفسي
مدري هذي وجهه نظري
لا احسد الحمدلله المتزوجات ولا اعيش بكابه اني ما توفقت بزواجي
وراضيه بنصيبي
لكن لما اشوف البنات الميتات على الزواج
عرض الامهات لبناتهم في كل محفل
استذباحهم للزواج
دعواتهم لي بالزوج
مع اني صرحت ان هالموضوع لا يشغلني
يحسسني يمكن انا غلطانه
وفعلا الحياه بدون زواج صعبه
وانشغالي بدراستي فقط هو ما يزيح هالفكره عني مؤقتا
وغدا اعود ولا اجد لنفسي هيبه ولا مكانه بالمجتمع

هلا مبتعثة وشلونك واش اخبارك يعني لازم نتزوج عشان نحس بالحياة محتارين والله .......

حلو والله انك عايشة حياتك.. وانا لا اقول الي عايشة حياتها بدون زوج انها عايشة بفراغ.. لكن بعض الاخوات شفتها ترفض من يتقدم لها لاسباب جدا غبية.. مثل وحدة من قريباتي عمرها 36 ولم تتزوج وقد خطبت كثيير وكانت ترفض لاسباب غبية مثل ان هذا تفكيره ما عجبني. وهذا عائلتهم محجرة.. ورفضت شخص عشانه يعيش بمدينة غير مدينة اهلها وقالت مدينته (قرية ) ما ابي اعيش فيها مع انو الرجل كان اعزب وظروفه حالت ان يتأخر في الزواج لكنه متعلم ودارس بامريكا وحافظ للقرآن كاملا وامام مسجد من عمره 16 سنة واخلاق ومعروف لنا .. يوم كانت 30 وهو كان نفس عمرها وانا بنفسي كلمت اخو الرجل وجبته لهم . بالنهاية ترفض ووجهي يطيح قدام الرجل عشان سبب متخلف جدا .. ( ما تبي تعيش بقرية ! رغم ان مدينته هي مدينة وليست قرية واكبر مدينة بعد جدة والدمام ) وش تبيني اسوي بالحرمة الي كذا اقولها برافو عيشي حياتك... ؟ هذي مو مقدرة شي وتستاهل انها تجلس بدون زوج..
هذولا اناظر لهم بنظرة تختلف عن الي ما جا نصيبها او ما انخطبت او اهلها متسببين عليها..

لو ما الأهل ..
كان ما فكروا البنات بالزواج !!

الله يسامح كل أم خيلت لبنتها
أن النجاة والحرية في الزواج !


يازين العزوبية ..
لا هم ولا غم ولا كدر ♡
الحياة حلوة ومزحومة

ومحنا بحاجة لرجل عشان ننبسط !
احنا بحاجة لثقة من الأهل ،
ومسآحة أكبر من الحرية ..
في حدود ما يقتضيه الشارع
الحكيم ..

العزوبية سعادة
ماتشوفوا الشباب مايبغوا يتزوجوا
لانهم عايشين حياتهم طول بعرض ♡*

وهل أمهات هذا الجيل نفس أمهات الجيل السابق !
زمان كان الزواج هو الجنة و هو السبيل لتحقيق الأمنيات
اتذكر زمان وانا صغيرة لما نتكلم مع اهلنا واحنا صغار
كل ما تمنينا حاجة يردون مع زوجك ان شالله
تشبعنا بخيال ان الفارس هذا هو اللي بيحقق كل آمالنا

__________________

‏
الوعي هو الملاذ ..

أستغفر الله العظيم ؛
( الفردوس غايتي )

هو الفانوس السحري محقق الامنيات

صفات مرسومه من ثقافة مجتمع ... الحياه بدون زواج مريحه وجميله

اعيش اللحظه وما افكر بالمستقبل , المستقبل بيد الله


ومافي مانع لو تقدم الفانوس السحري بنسوي فيه خير

وبنقبله لوجهه الكريم

__________________
وهل من مصير اخر ؟

ألا ليت العزوبية تعود يوماً
فأُخبرها بما فعل الزواجُ،،

__________________
استغفر الله العظيم وأتوب إليه .. سبحان الله ..الحمد لله.. الله أكبر

اذا احبت المرأه نفسها وسعت لاسعادها في الاخره وفي الدنيا
وجعلت لها قاعده (( ولنفسك عليك حق )) وحققت القاعده من جميع الجوانب
من الناحية الروحيه الدينيه ومن الناحية النفسيه ومن الناحية الاجتماعيه والمكانه الرفيعة المرموقه ومن الناحية المادية ومن الناحية الصحية وسعت ان تكون صاحبة دور فعال من ناحية مجتمعها الصغير و الكبير ..
وقتها تحب حياتها وتسعد سواء عازبه .. مطلقة ..ارمله ..متزوجه
ماتفرق وقتها عندها الحالة الاجتماعيه 💐