الله يعينك اختي ويكتب لك مافيه خير من اول ودي اعلق بس خفت يكون تخبيب ماشاءالله عليك انسانه صريحه وقويه
ومقهورة ان الاعضاء قاعدين يحطون اللوم عليك انتي تحاولي تسيريه انتي شماليه حاولي تتنازلي سيري مثله كل انسان له شخصيته صعب انه بعد فترة طويله يغيرها ويسير شخصيه ثانيه المفروض الزوجين كلاهما يحاولون يتفهمون بعض ويتغاضون عشان تمشي الحياة ومع الوقت يتعودوا على بعض
ومثل ماقال احد الاعضاء اللي يحب الشخص مايشوف اغلاطه الله يكتب لك اللي فيه خير

انا وش محيرني غير الضياع الي هو فيه
ضياعه هو وعدم معرفته وش يبي مخليني انا بعد ضايعه
مو عارفة كيف اتصرف وكل شوي بس الوم نفسي واحط الحق علي
عشان كذا معتبرة الرجعه له مغامرة والطلاق بعد مر ومو هين

اللهم اختر لي ماهو خير لي

-هل تواصل معك مرة أخرى بعد ذاك التواصل؟
-إلى ماذا تميل نفسك من الداخل؟

ليش ما عندك فن التغاضي وبما انك واثقة بنفسك أعطيه الطنان
القوامة للزوج وليس للزوجة اجعليه يعيش حياته بالقوامة ويكون هو الامر والناهي في البيت وانت المنفذ له
وترى هذا قمة الانتصار والصمود وليس انت تهدمي بيتك علشان من القائد فينا
لا تقولي شخصية قوية هذه ماهي قوة شخصية عند الزوج هذا اسمه تمرد يعني اذا طلب منك شيء وهو مافيه معصية لله نفذيه وبنفس زينه وتوددي له وتقربي وانسفي الماضي وراء ظهرك
افتحي صفحة جديدة معه وليكن التغير منك اولا
صدقين الطلاق ترى ماهم بالسهل وماتدرين لو تطلقت وأخذت واحد بعده أفظع من زوجك هذاستندمي كثر شعر رأسك وانت تذكرين زوجك هذا
اترك الطلاق عنك وعيشي حياتك

عودي اليه ان طلب الرجوع
واستخيري
كم عمرك
هل تحبينه

أنتي رائعه وراقيه الله يختار لك مافيه الخير ويرضيك فيه ...


وزوجك للاسف تربيته هشه وشخصيته ضعيفه رغم بساطته وطيبته إلا إنه التعامل معاه متعب الله يكون في عونه ...

أسأت الأختيار ممكن أسألك سؤال بعيد عن موضوعك ماقد ذكر لك شي عن طفولته هل كان احد يصارخ عليه او يضربه

أبغى أعرف هل هذي الامور فعلاً تجعل الشخص هش ضعيف مايعرف حتى يقرر قرار مصيري متى ماتروقي اكتبي الي شفتيه من والدته بذات وبإذن الله ماانساك من دعائي....

الله ييسر لك الخير يارب

السلام عليكم ورحمة الله وبركاته...
قمتِ بواجبك تجاه إنقاذ هذا الزواج وأكثر
دعي الأمر له الآن لو كان لك في قلبه بقية فليبادر هو
وإياك ان تقبلي الرجوع الى نفس الوضع السابق لو كتب الله لك رجعة
ليس في شخصيتك او في اي من المواقف التي ذكرت ما يدل على انك تحاولين السيطرة والقيادة بل كانت اغلب محاولاتك لإنقاذ زواجك وامتصاص ردود افعاله الغير منطقية واللا عقلانية
حافظي على وظيفتك واتزانك ولا تفقدي نفسك لتتماشي معه او مع عائلته التي اراها تعيش فوضى لا تناسبك
بالتوفيق ان شاء الله
دعواتي

الله يسمع من كل الي دعا لي اشكركم من قلبي

مبتعثة متفائلة

اعود اليه ع اي اساس انا ذكرت الشروط التي اريدها ف حال طلب مني العودة ارجو ان توضحي لي وجهة نظرك ف العودة بعد قراءتك لما كتبت سابقا عن شروطي بالنسبة لعمري في منتصف العشرينات

متفائلة
الله يسعدك يختي اكيد التربية لها علاقة في الشخصية اقري ف قوقل مواضيع كثيرة تتعلق بالتربية وتحديد شخصية الطفل اما وش شفت من امه ف امه سحلية ماينفهم لها تسب ولدها قدامي وتقولي ولدي مجنون وانتي بنتي وتجاهليه وتحمليه هو كذا مثل ابوه وتحرشه من وراي مع اني ما اشتكيت لها الا مرة قبل لا اكشف طبعها بعدين صرت بس اسكت بس هي تشوفه يعصب وكذا تقولي ماعليك منه خله يولي فانا كثير انا انقهر منها مافي ام تسب ولدها حتى لو تكره فمابالك تسبه قدام زوجته وبرضو ماعمري قلت لزوجي امك تقول عنك كذا بس اكيد يحز ف خاطري مرة واحزن عليه لان احس امه تغدر فيه وهو انا متاكدة انه قاعد يسوي كل هذا بناءا ع تعليمات امه

ازهار الدنيا

شكرا لك والله يجزاك خير ع دعواتك

البليغ

هو تواصل معاي مرة عشان يقولي اني كلمت والدك وقالي اصبر ليش يبيني اصبر انا سالت زوجي قلتله ليش انت وش قلت له بالضبط قالي قلتله انو قررنا ع الانفصال وقرارنا ماراح يتغير ع ايش يبينا نصبر انتي في خاطرك شي قلت لا ابي سلامتك وطلب مني لما تجيني الدورة اعطيه خبر قلتله انشاءلله ولا اعطيته خبر احسني مترددة طبعا هذه المحادثة كانت بالواتساب
وامس برضو كلمني واتساب ارسل بس سلام عليكم وانا للحين مارديت مدري وش فيني متخوفة

انا صراحة نفسي تميل للطلاق خايفة من الرجعه وخصوصا ان هو ساخط من حياتنا اكثر مني خايفة من اني اظلم نفسي واظلمه لاني ممكن اكون ادركت اخطائي بس ماتوقع اني اتقنت التعامل مع الخطاء لان مافي شي يجي بين يوم وليلة وهو مافيه صبر ابدا مو فاضي ينتظر وغير كذا هو مايبادر ولا عنده نية تغير ويد وحدة ماتصفق
فما اعرف وش تنصحني؟؟

قلبي سر معناتي

الله يرضى عليك اقري الموضوع من بدايته زين

ليان
نصايحك كلها في محلها وفعلا يمكن لو عرفت اتعامل معاه كان صار خاتم ف يدي وهذه الجملة كرر لي والدي اكثر من مرة بس انا كنت رافضه اقتنع بهذا الشي ومابي احد يكون خاتم بيدي ابي يكون لي راي وله رايه المستقل بس الحين شبه اقتنعت انه هذا صحيح لكن الحين توصلنا الى ماذكرته اخر شي ومو عارفه هل اتم ساكته واشوفه لين هو وش بيتصرف ولا في تصرف احسن؟؟

مرجانا
رأي نفس رايك وانا مابي ارجع عشوائي لنفس الوضع القديم لان فيها ظلم له ولي وخصوصا ان هو الي مو راضي بالوضع اكثر مني لا وقد سبق قالي ان انتي حتى لو تغيرتي راح نتفق انا وانتي بنسبة خمسين في المية ويمكن اقل يعني مستحيل نتوافق ولو بتكلم بلسانه هو حاس بخيبة امل واحباط وسخط اضعاف ما انا حاسه رغم اني ماظلمته ولا سويت في شي لكن كان يعتقد ان المراه بس تتزوج الرجل يقدر يغيرها لنفس مايبي ويقدر يلعب عليها وتفاجأ فيني الي مانفع معاي كل نصايح الشباب من هجر وتهديد بالزواج والخيانه وسهر لاخر اليالي وحرمان من الطلعات
صار يقولي انتي غير انا ماعرف لك ولا انتي مثل الحريم يقولي سولفي مع المتزوجات وشوفي كيف يتعاملو وايش يسو اقوله طيب انت علمني وانا حسويه انا ما اسال الناس عن خصوصياتها يقولي هذه مشكلتك انا مو فاضي اعلمك المفروض اهلك معلمينك ومرسلينك لي مو كل شي ع الرجال ويزوجون الحرمة يقولو خلي زوجها يتحملها انا ماراح اتحمل مو فاضي لك

ابي اصحاب الاراء السديدة يقولون لي رايهم ف قراري والله ماستشرت الا وانا خايفة اكون في شي غافله عنه ومغيبني
هل استمر على ما انه عليه واترك القرار له وانتظر مصيري؟؟