جزاك الله خير .. بيت القرية صحيح مابستفيد استثماريا بس بستفيد نفسيا .. اذا سافرنا لاهله زوجي عادي جدا نجلس مدة السفرة عند اهله بس انا مااخذ راحتي واحيان يجون اخوانه وزوجاتهم ويصير زحمة وما ارتاح .. وباقي امور بسيطة في البيت ماراح تكلف علي كثير وبالنهاية هذي بيتي والكل يعرف اني انا اللي سويته وزوجي كان مصر ان الكل يعرف اني انا اللي بنيته وهالشي يحسب له بهالموضوع،،

اذا بنيت بيت وشقق استثمرها اكيد العائد علي .. بصراحة زوجي ماقد طلب شي لنفسه .. او طلبني اطلع قرض مثلا عشان هو يستفيد ،، بالعكس كان هو اللي يساعدني اجمع فلوسي وكان دايم يقول البيت اهم شي عشان لاسمح الله مت ماتلاقي نفسك بالشارع يكون عندك بيت واستثمار يعود عليك بالفائدة ..
زوجي صحيح يبيني اساعده في امور حياتنا بس مو لانه بخيل او لانه طماع لا لانه ماعنده .. بس اللي يقهرني فيه انه مايحاول يدور دخل ثاني مع انه يتمنى يلاقي دخل ثاني يحسن فيه وضعه ..

والله ان المودة والحنان والاحترام تساوي عندي فلوس الدنيا كلها.. واكثر من رأي قرأته يقول أن انتي ادرى بزوجك اذا يستاهل توقفي جنبه وتساعديه ولا مايستاهل.. وهذا اللي مريحني من هالناحية..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

امي دايما تقولي الوحدة لازم تعز نفسها بوظيفة اذا توظفت دخلت في عين زوجها تقصد يشوفها شي ويحس بكيانها ان جاء حياه الله وان راح الله يستر عليه ماتنكسر من دونه

والله الوظيفة ماهي شي اذا غاب الحب والاحترام والتضحية..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ماهي بنود صلحكم؟
من اقترحها؟
اكتبي كيف اتصالحتوا ومن كان المبادر للصلح؟؟
هل في الصلح قدمتي تنازلات وتضحيات؟؟

بعد ماترجعوا من السفر بالسلامة اكتبي لنا كيف سارت الأمور
المادية بينكم؟؟؟

مافي بنود معينة بس اتفقنا اننا ننسى اللي فات ومايفكر كل طرف ان الطرف الثاني مايحبه ونخطط لامر الانجاب ونبدأ في الموضوع فورا .. ولم اقدم اي تنازلات ابدا مع زوجي اصلا ماتكلمنا في امر امادي ..

الصلح تم ان تكلمنا في ليلة وبكيت بعدين طلع .. وارسلت له رسالة اذا ابي اجي في حضنك بتردني .. ودخلت نمت على سريري ورجع البيت ونام جنبي وحط يده على راسي واخذني بحضنه وبدينا نعاتب بعض على خفيف واتفقنا اننا ننسى اللي فات ونبدأ صفحة جديدة..

ان شاءالله اذا رجعنا من السفر بكتب اللي صار..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

وظيفة تسند وجمبها حب واحترام مافي تعارض
المقصد اذا ﻻسمح الله حصل انفصال بين الزوجين ماتعاني الزوجة وتلاقي شي يسندها

كنت اتفقت مع زوجي قبل فترة انه يحط بحسابي شهريا3000ريال 1500قسط السيارة و1500ايجار البيت يقول انتي جمعيه عندك واذا وقت الايجار اعطيه صاحب البيت .. مدري هل ارجع اطلب من زوجي انه يجمع ايجار البيت او اتركه .. انا اخاف مايمسك الايجار واذا جاء وقت الايجار يقول ماعندي ساعديني .. ابي اعلمه كيف التوفير وكيف يقدر يرتب اموره ويخطط صح لوضعه..وش رأيكم؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

الزبدة يا احبه حبيبي
انك تقنعي و تعطي بدون ما تربطي الموضوع
في المستقبل بأنه سيراعي نفسيتك و مشاعرك
انت عندك مواضيييع كثير تفتقدين فيها العاطفة
وتتشكين من عدم فهمه لك رغم انك دفعت و فعلت و تغاضيتي عن المبلغ الفلاني و ما سدد و الخ
هل عندك نفس طويل انك ما تربطي ذَا بذا
وهل هو وعدك او مستعد يحاول يتفهمك اكثر
اخاف انت بس تتغيرين وتزيدي العطاء ثمن تنفجري

__________________

ام يوسف وسما
تسللللم يمينك
👍قلت هالكلام بس بشكل مختصر
لازم اختي احبه تقرأي رد ام يوسف مرتين و ثلاث
و تكوني قد التغيير. انت محتاجة تتغيري و تفصلي الأمور
اذا اردتي تساعديه. هذا الامر اي الفصل بين مساعدتك و اهتمامه
سيريحك نفسيا. و الا انت حقك محفوظ بما ان كل شي باسمك

__________________

السلام عليكم ورحمة الله

اخر المستجدات

الحمدلله سافرنا يومين لمنطقة سياحية كانت السفرة من أروع مايكون .. طبعا كانت على حساب زوجي.. وقبلها اعطاني قسط السيارة..

طبعا مثل مانصحني الاخوة والاخوات مافتحت معه اي موضوع مادي.. كنا انا وزوجي في هالسفرة من اروع مايكون .. الحمدلله استمتعنا وانبسطنا،،

في نقطة ثانية الحمدلله زوجي اليوم وقبل قليل يبلغني انه زاد راتبه الف ريال والحمدلله .. بصراحة انبسطت له كثير..

بس سؤال وش يعني هالشي ؟ هل يعني حبه وصدقه معي ؟ عل تعني ثقته فيني؟
طبعا لما بلغني بالزيادة قالي هذا بفضل الله ثم بفضل وجودك جنبي ودعمك لي ودعائك..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..