اعتذر انا هلا شفت المستجد الأخير...

ماعليها حسافة ربي نجاك وهي واضح ايش اخرتها..

لغاية قبل لا آخذ الاولاد الجميع بمن فيهم اهلي كانوا يختلقون لها الاعذار لكن الحين اكيد لا
ما تفرق تغيرت من الشخص ولا لا. النتيجه وحده هذي خيانه. ما خلت شي اولادها يحترمونها عليه. عاشوا عندها سنتين ونص واهي ما درت عنهم ولاهيه مع عشيقها تلفونات. هذا مو تحليل او شك. هذا واقع أولادي عاشوه وشافوه وقالولي عنه.

لاحول ولاقوة إلا بالله العلي العظيم
أخوي عبدالله الله يجبر بخاطرك ويعوضك خيرا منها
استرجعت كل ردودك ومواضيعك خلال السنتين الماضيات وانا اقرأ هذا المستجد والله منصدم ولا اعرف شو اقولك غير حسافة على وقتك وعمرك وصحتك الي انهيتها وانت تدور على مجال للصلح ولم الشمل
ماعرف شو اقول بأمانة غير الله يعوضك بالزوجة الصالحة
بخصوص الحضانة تلقائي تنتقل للاب بعد زواج الأم هذا المعمول به
وبعدين كيف تسافر بالأبناء الي اعرفه انه ممنوع يسافرو الا بموافقة ولي الامر الي هو انت
كن حريص على أن يكون أبناءك تحت حضانتك اخوي عبدالله
الله يوفقك ويعوضك خيرا
تحياتي لك

هلا الشيخ
شخبارك؟ شعلومك؟
شنسوي ياخوي وهذا الي الله كاتبه
الحضانه معاها والأذن يكون شفهي مو خطي من الاب بس الوضع كان خطر لانها كانت ناويه تسافر وأتزوج هناك ف لو فعلا كانت ماخذتهم كان يمكن خلاص ما القاهم.

انت شصار معاك؟ لا اتقولي انك للحين منتظر

الحمدلله اخوي عبدالله نشكر الله على كل حال من الاحوال
ههههـ اضحكتني والله ياخوي
انتظرت بما فيه الكفاية بدون فائدة وخلاص انتهى وقت الانتظار بريت ذمتي .
على قولة أختنا مبتعثة متفائلة ما بقى غير انصب خيمة قدام بيتهم واجلس فيها .
المشكلة اني استوعبت متأخر أن الي يتركك بدون سبب مقنع مستحيل يرجعلك سنة وثمان شهور وانا احاول وفالنهاية استوعبت كل شي وانسحبت .
إن شاء الله اضبط اوضاعي المادية بس وببدأ صفحة جديدة .
الحين اهم شي انت تكسب القضية وتاخذ حضانة عيالك والله يوفقك ويعطيك على قد نيتك الطيبة

هلا الشيخ
الله يوفقك وتلقى بنت الحلال الي تسعدك
الله يسهل الأمور

-أعتذر من الأخ عبدالله لدخولي في نقاش مع شخص آخر في موضوعه.
-الأخ لا تتركيني/ أحسنت التصرف، وابدأ بضبط أوضاعك، وافتح صفحة جديدة في حياتك، وانطلق لبناء أسرة جديدة.

بإذن الله أخي البليغ
بارك الله فيك وجزاك الله خيرا

صددمه
الله يعوضك خير

اخذوا عندكم
طليقتي لغت جوازات الاولاد والاوراق الرسميه وتبي اتطلع بدل فاقد ( بعد ما خذيت منها الأوراق الرسميه بعد اعلان زواجها للعلن وإقامتها خارج البلاد ) والحين لغتهم تبي انطلع بدل فاقد.

انا ماني فاهم هذا مرض نفسي ولا شنو؟ هذي للحين تحلم تاخذ الاولاد واتخلي الحثالات يربونهم. طيب ليش ما اتييب عيال منه وترتاح

انا اتخذت الإجراءات القانونية وبانتظار المحكمه