ومهما طالت مدتي في بيتنا إلا مابيجي يوم وأبعد عنه بزواج أو تكملة ماستر أو وظيفة خارج مدينتي .

صحيح السبب الرئيسي لرغبتي في رجوع أبوي هو افتقادنا له، بس كمان فيه سبب فرعي أنا ذي الأدمية أجهلها أكثر من إني أعرفها، أبي أعاشرها وأعرف خيرها من شرها هو الواضح منها طيبة بس العشرة هي الفيصل، أختي مسكينة شخصيتها ضعيفة وماكول عشاها، لازم أتطمن عليها أشوف موية هالإنسانة اللي بتجي تسكن معاها لو أنا بعدت عن البيت لأن مستحيل أبوي يترك أختي لوحدها مع الخدامة في البيت لو طلعت، ف قلت أدرسها لها وبالمرة أعلمها على أنظمتنا في البيت عجبها خييير وبركة ما عجبها الله يستر علينا وعليها .

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

تكلمي مع ابوك .. و خلي ابوك هو الي يضع لها نظام للبيت ..
و يشترط عليها اشتراطات ..

و أمك الله يرحمها .. تحتاج دعوة في سجودك
و ما يهمها الان ابوك و لا يهمها زوجته .. و لا يهمها بيتكم ..
هذا الواقع و الحقيقة ..

الحياة الحقيقية لنا .. هي في الآخرة ..
ابني بيت لامك في الجنة .. بكثرة الصدقة و الدعاء لها ..

خلي هدفك انك تبني قصر لامك في الجنة ..
عشان لما تقابليها في الجنة باْذن الله .. و أمك تشوف جبال من الحسنات لها و ما تدري من فين جات لها !؟
ربي يقول لها .. هذا من بنتك فلانة ..

تتخيلي فرحة أمك !؟

صدقيني هذا الأهم لها من الدنيا الفانية ..

صح كلام روح الطير
مو انتي الاولى في ابوج ولا هي الاولى
هي ايضا لها في ابوج مثل ما انتي لج
انتي صح بنته بس هي هم زوجته
حبيبي مو صح تخلونها تعيش عندكم بهااشروط كأنها داخله سجن
ما اتصور فيه وحده بترضاها
انتي واختج روحوا عيشوا مع ابوكم واذا ما عجبكم الوضع ردوا بيت امكم

او خلوها تعيش معاكم من دون هالشروط عدا جناح الوالدة ما تلمسه

لا تدخل زوجة ابوك البيت البيت بيت أمك يمكن بعدين تسيطر على البيت هي وعيالها الي بيجون انتو بنات ومصيركم تتزوجن اذا كان بيت ابوك كبير روحو اسكنو عنده شوفو كيف الوضع هناك هل طيبه تجاهكم هل بترحب فيكم اذا طالت تتضايق منكم

بصراحة .. أسلوبكِ وشروطكِ فيهما شيء من الإهانة!!

وكأن والدكِ وزوجته هما من يرغبان في العيش معكِ .. وليس العكس!!

__________________


اللهم طِيبَ الأثر .. وحُسْنَ الرحيل.

اتوقع بتتضح عندك الصورة لو حطيتي نفسك مكانها

وجت بنت زوجك وعرضت نفس العرض.. لانها مشتاقة لابوها

انتي مو صغيرة يافرح


انتي راعية الحاجة.. وتحطين شروط؟!

شروطك بكرا تحطينها ببيتك عند زوجك

ما اعتقد في وحدة بتطلع من بيت هي الامرة الناهية فيه ويعتبر بيتها

عشان تروح بيت هي "ضيفة" فيه و يتشرطون به عليها

حلو إهتمامك بتواجد والدك ما شاء الله عليه..

بس حتى زوجة أبوك مهما كانت طيبة لازم يكون لها رأي وكلمة في المكان اللي بتعيش فيه..
هي عايشة في بيتها اللي هو مملكتها معززة مكرمة، تبيها تجي تعيش في غرفة وبشروط بعد..

ومهما كنتم متفاهمين لا بد من حدوث صدامات مع الوقت..

بأقلك شي..
أنا مرة جبت الوالدة ألله يحفظها تقعد معي فترة..
يعني لها البيت وأحنا العتبة، أمي مو أي وحدة..

فلاحظت عليها أنها حزينة، وحساسة، ما تطلب شي، ولا تدخل المطبخ..
مع أني كنت أحاول أوفر لها كل شي، وقلتلها، البيت بيتك سوي اللي يعجبك..

لكن بعد فترة قالت يا ولدي أنا ما أرتاح إلا في بيتي، تكفى بأرجع..
وبعد إصرارها رجعت..
والله أنها تغيرت نفسيتها الحمد لله 180 درجة للأفضل..

فإذا تقدرين تروحي أنتي وأختك تعيشون مع أبوك أحسن..

وفقك الله

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

شروط تعجيزية ،

اقترحي على ابوك مثلا كل فترة يجي هو زوجته ينامون عندكم

لا تفتحين على نفسك باب مسكر بوجه مشاكل كثييييرة

لكن تقترحين تنتقل نهائيا لبيتكم وتكون ضيفة؟؟؟
حتى وان رضت بشروطكم واستبعد هذا
الحقيقة والواقع انتو اللي بتكونون ضيوف ..
مصيركم تتزوجون ويبقى لها تامر وتنهى !
هي اللي بتدوم مع ابوك وانتو بتزورونه بين فترة وفترة .


اذا ما خانتني الذاكرة كان فيه اخت امارتيه هنا
ابوها تزوج وجابها لبيتهم و ما ارتاحت لين نقلها
لان شيء طبيعي بتعتبر بيت زوجها بيتها مو بيت زوجته المرحومة

وش نوعية الشروط اللي ممكن يحطها لها أبوي بحيث إنها تحفظ لها كرامتها كزوجة ؟ وترضينا أنا وأختي ؟؟ ما أعتقد راح يقدر يطلع بشروط بعد شروطنا !

وأمي مهما سويت لها بظل مقصرة ~ الله يقدرني على برها وصلة أقاربها وحبايبها ..

وأدري إنه مايهمها البيت ولا يهمها أبوي ولا زوجته ولا الدنيا بكبرها بس إحنا نهمها واللي يأذينا يأذيها .

وعلى فكرة لا تعتقدين أنا أسوي هالشيء كنوع من البر، لا أبد ياااقلبي أنا أسويه عشان أحافظ على حلالها اللي تعبت فيه عشانا إحنا يابناتها مو عشان تتنعم فيه مرة غريبة !!!

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

رابطة الأبوة والبنوة من أقوى الروابط البشرية وأقوى من رابطة الزوجية بعد لأن الأولى لا تزول أما الثانية ممكن تزول .

وقلتها من قبل صعب نروح نعيش في غير بيتنا، أختي تدرس، وأخواني وأخواتي يزورونا في الويكند، وغرفنا وحياتنا وعالمنا وذكرياتنا من إحنا بسن المراهقة بذاك البيييت .. مو سهل نطلع منه وننحشر في شقة نفس حجم شقق العرسان !

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔