ومن يقول انه ما يحبج؟


بس يحب نفسه اكثر ....و ان ظلمج بيلقاه عند الله

__________________

كلام بيكي فيه الكثير من الصحة.. تمعني فيه

واغلبه هو اللي كنت احاول دائما اقولك اياه يازين بس يخونني التعبير وما اعرف اوصله لك

الحين مو مهم يحبك او لا.. لان حتى لو كان يحبك فالحب هذا ماجاب لك راحة البال خير شر!

تجاوزي هالموضوع..

__________________

اختلافي عنك لا يعني اختلافي معك

اعرف ان يحب نفسه وايد
و يبحث عن راحته هو ..
وادري هالحب ما ريحني
بس تزوجته وانتهينا
مو كل يوم بتطلق وبتزوج
عندي عدة خيارات ..

- استمر واحاول اكون مثل ما يبي
- ادخل رجل دين يثق به جداً
- ابين له ان عادي عندي وفليكن ما يريد

مخي يقف عاجز..
واعرف كلام بيكي رغم قسوته فيه الكثير من الصحة
كلامها كان مثل الكف على ويهي عورني بس بدأ يوعيني

بس انزين شسوي ؟!
استغفر الله يا رب استغفر الله يا رب
ربنا لا تحملنا ما لا طاقة لنا به 😔😔
بس جذي بكل سهولة اقول له طلقني
زين وطلقني ؟ وبعد الطلاق ؟
ونفسيتي بعد الطلاق ؟
وكلام الناس ؟
ووضعي الاجتماعي ؟
وقسوة الحياة والرغبة في العاطفة والحب ووو ؟

😢 عليك توكلت يا رب

ومن قال لك ان معنى الكلام هو طلبك للطلاق؟

زين لاقدر الله افرضي تطلقتي..

وتزوجتي رجل اخر.. تتوقعين وضعك بيكون احسن؟

اذا نظرتك وتعاملك مع كل شي كذا ماتغير؟

وكذا عالكلمة والنظرة وردة الفعل تطيحين بسريرك مريضة؟

الله يطمنك ويريحك يارب..

__________________

اختلافي عنك لا يعني اختلافي معك

كوني له مثل ما يبي

كل هالاساليب اللي يتبعها معها اساليب تطفيش
يحاسبها على تصرفاتها البسيطه ويبيها تتعامل معه باسلوب المسطره ..ويحاسبها محاسبه دقيقه جدا
ويدور العذاريب علشان يخطئها

يمنعها من استغلال وقتها مثل النادي و الوظيفه و و

مصكر على نفسها كله علشان تطفش

بس هي نفسها طويل وقلبها طيب

هو يبيها تطلع من طورها لين تكون له حجة يطلق

..يقولها احبك و و غيره من الكلام المنمق
مايبي تجي الشينه منه كله علشان ماتخرب صورته

عرفت وش يبي يامبتعثه ؟

زين يا زين ليش مصره تبقي في نفس الدوامه..... حبيبتي أرهقتي فكرك وعاطفتك ونفسيتك...... بلا نتيجة.... تعرفي توكلي الله تعالى أمرك.... رددي حسبي الله ونعم الوكيل ... باستحضار قلبي يارب انت وكيلي.... ومن كان الله حسبه ووكيله لا يخاف ولا يجزع... اطلعي يا بنت وغيري جو وانطلقي...

و هو ثره شو يبا؟


متاكدة انه زواجه منج ما كانت فكره او نزوة؟!



يا بنت الحلال عيشي ل نفسج بالطقاق

حتى لو ما طلق خلِ هالمواقف تعلمج مو تكسرج حبي نفسج اكثر .، عاشر من تعاشر فلابد من الفراق 💔سواء طلاق موت غربة ... عودي نفسج ع تحمل الصدمات

__________________

يا جماعه
الطلاق مو هين
خلوها تتمسك ببيتها لاخر رمق
ان جت منه الشكوى لله
لكن عليها تسد عليه اي مدخل
موفقه زين

ما حد قالها تطلقي او اطلبي الطلاق او اسعي له

افهموا الله يرضى عليكم

نقولها اتركي السلبيه .. اتركي التعلق المرضي بالاشخاص
يهمنا نفسيتها بالدرجه الاولى بس موب راضيه تعطى نفسها قدر

تعطي كل شئ اهميه الا نفسها ..حتى النظره الاجتماعيه معطيتها اهميه