للتوضيح ..

عشان اجهز الافطار و باقي شوي عالاذان ..

.
.

كنت ( كان فعل ماضي ) .. كنت أفكر اجيب هدية لامه و ابوه ..
قلت لزوجي ..

قالي اعطيك 250 و حطيه في ظرف و أعطيه لامي عيدية ..
و 250 و حطيه في ظرف عيدية لأبوي ..

يعني ( هدية اعطيهم و فلوس كمان )

طبعا ماهم محتاجين و هو راح يعطيهم عيدية ..
بس انا فاهمته .. يبغى يشبع عيونهم ..

لانه عينهم على راتبي و انا بسبب المواقف السابقة منهم ..
ما اطلع نص ريال .. عشان لا افتح باب على نفسي .. بعد ما تقفل و صار الاحترام بيني و بينهم ..

و كمان دحين الصراحة ..
شلت فكرة الهدية من بالي ..

لانهم ما عمرهم جابوا لي هدية لا على ولادتي و لا زواجي و لا اي مناسبة من المناسبات الي تخصني ..
و ما كنت زمان اقصر معاهم بالهدايا .. و لا مع أقاربهم ..

لكن دحين .. لا فلوس و لا هدية ..
لا يحلموا ..

.
.


الفكرة اني استغربت من كلام زوجي ..
و رفضت طبعا و حتى لو كانت من جيبه ..
و قالي كل الناس كذا ( طبعا كلام .. و من راْسه )
.

هنا نقطة الخلاف ..

قالي روحي المنتدى حقتك و اسأليهم و شوفي ايش يقولوا لك ..

زوجي ما يعمل كذا عشان ربنا او عشان ماعرف ايش ..
يهمه كلام الناس ..

يبغى يكون مميز وسط اهله .. و يقولوا كلهم ( وااااااو .. مرة فلان أعطت فلوس لأمنا و ابونا )
يعرف انه الفلوس هي الي تسكتهم و تفرحهم .. و لانهم بخلاء جدا و ماديين جدا جدا جدا ..

فلوسي أولى بها أولادي و نفسي و أقاربي ..
و انا جربت بداية الزواج و أعطيت للكل و ما قصرت الحمدلله ..

و جاني الي جاء منهم .. و حاليا ماشية بما يرضي الله و رسوله معاهم ..
و رسميات و تبادل احترام و كفاية كذا ..

و الي يعزني بصراحة عشان فلوسي ..
ماني بحاجة له و انا في غنى عنه .. هذا مبدأي ..

انا كذا ..
عجبهم او ما عجبهم ..

ارسلت له الردود .. و نسختها له ..

حتى أولادي ما أفتكر جابوا لهم اي شي
غير السنة هذه .. و يستنوا مقابل ..

الهدية الي جبتها لامه .. و كنت مترددة .. لانه ممكن افتح باب على نفسي ..
كان ثوب غالي شوي .. بطلت اعطيها خلاص ..

راح أعطيه لعمتي اخت أبوي الله يرحمه او اي وحدة تستحق..
اهله مو لازم .. و خليه هو الي يعطي لاهله ..

.
.

اهلي يجيبوا هدايا لي و لزوجي .. و ما يقصروا أبدا .. و ما يستنوا مقابل ..
و اقل شي ب 500 او الف ريال .. و ناس من اهلي لسى ما رديت لهم هداياهم ..

اذا كنتي تهديهم و يهدوكي (مقابل هداياكي)

فأين الفضل في ذلك!

انتي بتهديهم ليش!

اوليس لأن اليد العليا خير من اليد السفلى!

اوليس لأنهم اهل زوجك

وبالتالي سيحبونك ومن ثم زوجك يحبك

سوف يمدحونك قدام عيالك (بحكم انهم جدهم وجدتهم)

وبالتالي سيفتخروا عيالك بكي (وخاصة الوسطاني الله يحميه)

اذن في المحصلة

انتي الكسبانة

تعطيهم خير

يردوها لكي شر

ولا في احسن من كذا دليل على انك ماشيه صح

على الجنة سيدا بمشيئة الله تعالى

اتفق معاك في نص الكلام .. و اختلف معاك في النصف الاخر

1. اتفق معاك ..
- اليد العليا خير من اليد السفلى
- تعطيهم خير .. يردوها لك شر

( و حاليا الحمدلله و الشكر .. مكتفية خيرهم و شرهم .. فماحد يأذيني )

2. اختلف معاك ..
- انتي بتهديهم ليش!
- لانهم اهل زوجك ؟
وبالتالي سيحبونك ومن ثم زوجك يحبك
سوف يمدحونك قدام عيالك (بحكم انهم جدهم وجدتهم)
وبالتالي سيفتخروا عيالك بكي (وخاصة الوسطاني الله يحميه)

.
.

- عيالي مفتخرين بيا .. بوجود اهل ابوهم او بدونهم
- و ام زوجي و ابوه .. ماهم قريبين من احفادهم و لا يحبوا الأطفال

محبتهم لي .. لو كانت بسبب إعطائي لهم المال .. فماني محتاجة لمحبتهم
و من باب أولى انهم كانوا يحبوا سلفتي ..
لانها تخدمهم و تشيلهم فوق رأسها ؛ بس مسكينة ماعندها فلوس و لا هي موظفة

و زوجي لو محبته لي .. مرتبطة بمحبة أهله ( و هو مو كذا أصلا )
ف ماني محتاجة لمشاعره

^
انا حسب مافهمت ان الهدايا مالها قيمة عندهم ..
وماراح يفرحوا الا بالفلوس ..
برايي اعطيهم الهدايا مثل ماكنتي ناوية ..
وتصرف زوجك تصرف فردي فىا تلغي لهدايا بسببه..

مريوم

مابغى اتكلم عنهم و انفهم غلط .. بس اقول الجملتين هذه ..
عشان باتعلم منكم ؛ كيف اتعامل معاهم

هما يحبوا يكنزوا المال .. و حريصين عالريال الواحد ..
عندهم فكرة في بالهم انه زوجة الولد - خدامة -
لازم تقدسهم .. لانهم اهل الزوج ..

انا كسرت القاعدة هذه بصراحة .. رفضت الاستعباد و عرفوني خلاص
و ( غسلوا يدهم مني )

فما ابغى ارجع لنقطة الصفر من جديد ..

و الهدية اذا جات لهم ( اسمه المهم عندهم .. انه شي مادي )

ليه تمنعينه يعطي اهله
مهما كانت المبررات يظلوا امه وابوه
خليه يعطيهم هو
وانتي اخذي حلويات للعيد
اذا مو حابه تهديهم
مع اني اشوف تجاهدي نفسك وتهديهم
وتحتسبي الاجر عند الله
خلي كل تعاملاتك لله روح
لاتقولي هم وهم
وانا عملت وعملت
انتي تعملي لوجه الله
النتيجه والاجر بيجيك من ربنا
مو منهم

ماتوقعتك كذا
كل هذا علشان قال بهدي اهلي
اشم ريحه غيره روح

أول شيء عيب ينعطى لواحد كبير مبلغ 250 ريال جدا عيب .. هاذي عيدية مراهقين في المتوسط .

يا الواحد يجيب هدية فقط .. أو هدية ومبلغ من المال لا يقل عن 1000 أو 1500 ريال كحد أدنى والفلوس مع الهدية لأمه فقط أما أبوه مايصير يمد عليه فلوس تكفيه هدية .

وبعدين وشوله يعطيك فلوس تعايدين فيها أهله عيب كذا لا ومو من زود الفلوس مبلغ يفشل بدل ما يملى عينهم يجيب لك الكلام ! هو يجيب من حر ماله هديتين ويحط المبلغ اللي يقدر عليه أو يكتفي بالهدايا إذا هي راهية ويعطيها لأهله في هالأيام قبل صباح العيد ع أساس إنها منه أو منكم جميع .

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔